Work 1 · Passage 16
Aristotle
Greek
ὅθεν καὶ ἀπορεῖται πότερόν ἐστι μαθητὸν ἢ ἐθιστὸν ἢ καὶ ἄλλως πως ἀσκητόν, ἢ κατά τινα θείαν μοῖραν ἢ καὶ διὰ τύχην παραγίνεται. εἰ μὲν οὖν καὶ ἄλλο τί ἐστι θεῶν δώρημα ἀνθρώποις, εὔλογον καὶ τὴν εὐδαιμονίαν θεόσδοτον εἶναι, καὶ μάλιστα τῶν ἀνθρωπίνων ὅσῳ βέλτιστον. ἀλλὰ τοῦτο μὲν ἴσως ἄλλης ἂν εἴη σκέψεως οἰκειότερον, φαίνεται δὲ κἂν εἰ μὴ θεόπεμπτός ἐστιν ἀλλὰ διʼ ἀρετὴν καί τινα μάθησιν ἢ ἄσκησιν παραγίνεται, τῶν θειοτάτων εἶναι· τὸ γὰρ τῆς ἀρετῆς ἆθλον καὶ τέλος ἄριστον εἶναι φαίνεται καὶ θεῖόν τι καὶ μακάριον. εἴη δʼ ἂν καὶ πολύκοινον· δυνατὸν γὰρ ὑπάρξαι πᾶσι τοῖς μὴ πεπηρωμένοις πρὸς ἀρετὴν διά τινος μαθήσεως καὶ ἐπιμελείας. εἰ δʼ ἐστὶν οὕτω βέλτιον ἢ τὸ διὰ τύχην εὐδαιμονεῖν, εὔλογον ἔχειν οὕτως, εἴπερ τὰ κατὰ φύσιν, ὡς οἷόν τε κάλλιστα ἔχειν, οὕτω πέφυκεν, ὁμοίως δὲ καὶ τὰ κατὰ τέχνην καὶ πᾶσαν αἰτίαν, καὶ μάλιστα τὰ κατὰ τὴν ἀρίστην. τὸ δὲ μέγιστον καὶ κάλλιστον ἐπιτρέψαι τύχῃ λίαν πλημμελὲς ἂν εἴη. συμφανὲς δʼ ἐστὶ καὶ ἐκ τοῦ λόγου τὸ ζητούμενον· εἴρηται γὰρ ψυχῆς ἐνέργεια κατʼ ἀρετὴν ποιά τις. τῶν δὲ λοιπῶν ἀγαθῶν τὰ μὲν ὑπάρχειν ἀναγκαῖον, τὰ δὲ συνεργὰ καὶ χρήσιμα πέφυκεν ὀργανικῶς. ὁμολογούμενα δὲ ταῦτʼ ἂν εἴη καὶ τοῖς ἐν ἀρχῇ· τὸ γὰρ τῆς πολιτικῆς τέλος ἄριστον ἐτίθεμεν, αὕτη δὲ πλείστην ἐπιμέλειαν ποιεῖται τοῦ ποιούς τινας καὶ ἀγαθοὺς τοὺς πολίτας ποιῆσαι καὶ πρακτικοὺς τῶν καλῶν. εἰκότως οὖν οὔτε βοῦν οὔτε ἵππον οὔτε ἄλλο τῶν ζῴων οὐδὲν εὔδαιμον λέγομεν· οὐδὲν γὰρ αὐτῶν οἷόν τε κοινωνῆσαι τοιαύτης ἐνεργείας. διὰ ταύτην δὲ τὴν αἰτίαν οὐδὲ παῖς εὐδαίμων ἐστίν· οὔπω γὰρ πρακτικὸς τῶν τοιούτων διὰ τὴν ἡλικίαν
Transliteration
hothen kai aporeitai poteron esti matheton e ethiston e kai allos pos asketon, e kata tina theian moiran e kai dia tychen paraginetai. ei men oun kai allo ti esti theon dorema anthropois, eulogon kai ten eudaimonian theosdoton einai, kai malista ton anthropinon hoso beltiston. alla touto men isos alles an eie skepseos oikeioteron, phainetai de kan ei me theopemptos estin alla diʼ areten kai tina mathesin e askesin paraginetai, ton theiotaton einai to gar tes aretes athlon kai telos ariston einai phainetai kai theion ti kai makarion. eie dʼ an kai polykoinon dynaton gar hyparxai pasi tois me peperomenois pros areten dia tinos matheseos kai epimeleias. ei dʼ estin houto beltion e to dia tychen eudaimonein, eulogon echein houtos, eiper ta kata physin, hos hoion te kallista echein, houto pephyken, homoios de kai ta kata technen kai pasan aitian, kai malista ta kata ten aristen. to de megiston kai kalliston epitrepsai tyche lian plemmeles an eie. symphanes dʼ esti kai ek tou logou to zetoumenon eiretai gar psyches energeia katʼ areten poia tis. ton de loipon agathon ta men hyparchein anankaion, ta de synerga kai chresima pephyken organikos. homologoumena de tautʼ an eie kai tois en arche to gar tes politikes telos ariston etithemen, haute de pleisten epimeleian poieitai tou poious tinas kai agathous tous politas poiesai kai praktikous ton kalon. eikotos oun oute boun oute hippon oute allo ton zoon ouden eudaimon legomen ouden gar auton hoion te koinonesai toiautes energeias. dia tauten de ten aitian oude pais eudaimon estin oupo gar praktikos ton toiouton dia ten helikian
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 1 section 9 part 1; bekker 1100a; transliteration: greek-transliteration (build)