Languages

Work 2 · Passage 1

Work 2 · Passage 1

Aristotle

Greek

διττῆς δὴ τῆς ἀρετῆς οὔσης, τῆς μὲν διανοητικῆς τῆς δὲ ἠθικῆς, ἡ μὲν διανοητικὴ τὸ πλεῖον ἐκ διδασκαλίας ἔχει καὶ τὴν γένεσιν καὶ τὴν αὔξησιν, διόπερ ἐμπειρίας δεῖται καὶ χρόνου, ἡ δʼ ἠθικὴ ἐξ ἔθους περιγίνεται, ὅθεν καὶ τοὔνομα ἔσχηκε μικρὸν παρεκκλῖνον ἀπὸ τοῦ ἔθους. ἐξ οὗ καὶ δῆλον ὅτι οὐδεμία τῶν ἠθικῶν ἀρετῶν φύσει ἡμῖν ἐγγίνεται· οὐθὲν γὰρ τῶν φύσει ὄντων ἄλλως ἐθίζεται, οἷον ὁ λίθος φύσει κάτω φερόμενος οὐκ ἂν ἐθισθείη ἄνω φέρεσθαι, οὐδʼ ἂν μυριάκις αὐτὸν ἐθίζῃ τις ἄνω ῥιπτῶν, οὐδὲ τὸ πῦρ κάτω, οὐδʼ ἄλλο οὐδὲν τῶν ἄλλως πεφυκότων ἄλλως ἂν ἐθισθείη. οὔτʼ ἄρα φύσει οὔτε παρὰ φύσιν ἐγγίνονται αἱ ἀρεταί, ἀλλὰ πεφυκόσι μὲν ἡμῖν δέξασθαι αὐτάς, τελειουμένοις δὲ διὰ τοῦ ἔθους. ἔτι ὅσα μὲν φύσει ἡμῖν παραγίνεται, τὰς δυνάμεις τούτων πρότερον κομιζόμεθα, ὕστερον δὲ τὰς ἐνεργείας ἀποδίδομεν (ὅπερ ἐπὶ τῶν αἰσθήσεων δῆλον· οὐ γὰρ ἐκ τοῦ πολλάκις ἰδεῖν ἢ πολλάκις ἀκοῦσαι τὰς αἰσθήσεις ἐλάβομεν, ἀλλʼ ἀνάπαλιν ἔχοντες ἐχρησάμεθα, οὐ χρησάμενοι ἔσχομεν)· τὰς δʼ ἀρετὰς λαμβάνομεν ἐνεργήσαντες πρότερον, ὥσπερ καὶ ἐπὶ τῶν ἄλλων τεχνῶν· ἃ γὰρ δεῖ μαθόντας ποιεῖν, ταῦτα ποιοῦντες μανθάνομεν, οἷον οἰκοδομοῦντες οἰκοδόμοι γίνονται καὶ κιθαρίζοντες κιθαρισταί· οὕτω δὴ καὶ τὰ μὲν δίκαια πράττοντες δίκαιοι γινόμεθα, τὰ δὲ σώφρονα σώφρονες, τὰ δʼ ἀνδρεῖα ἀνδρεῖοι. μαρτυρεῖ δὲ καὶ τὸ γινόμενον ἐν ταῖς πόλεσιν· οἱ γὰρ νομοθέται τοὺς πολίτας ἐθίζοντες ποιοῦσιν ἀγαθούς, καὶ τὸ μὲν βούλημα παντὸς νομοθέτου τοῦτʼ ἐστίν, ὅσοι δὲ μὴ εὖ αὐτὸ ποιοῦσιν ἁμαρτάνουσιν, καὶ διαφέρει τούτῳ πολιτεία πολιτείας ἀγαθὴ φαύλης. ἔτι ἐκ τῶν αὐτῶν καὶ διὰ τῶν αὐτῶν καὶ γίνεται πᾶσα ἀρετὴ καὶ φθείρεται, ὁμοίως δὲ καὶ τέχνη

Transliteration

dittes de tes aretes ouses, tes men dianoetikes tes de ethikes, he men dianoetike to pleion ek didaskalias echei kai ten genesin kai ten auxesin, dioper empeirias deitai kai chronou, he dʼ ethike ex ethous periginetai, hothen kai tounoma escheke mikron parekklinon apo tou ethous. ex hou kai delon hoti oudemia ton ethikon areton physei hemin enginetai outhen gar ton physei onton allos ethizetai, hoion ho lithos physei kato pheromenos ouk an ethistheie ano pheresthai, oudʼ an myriakis auton ethize tis ano rhipton, oude to pyr kato, oudʼ allo ouden ton allos pephykoton allos an ethistheie. outʼ ara physei oute para physin enginontai hai aretai, alla pephykosi men hemin dexasthai autas, teleioumenois de dia tou ethous. eti hosa men physei hemin paraginetai, tas dynameis touton proteron komizometha, hysteron de tas energeias apodidomen h(oper epi ton aistheseon delon ou gar ek tou pollakis idein e pollakis akousai tas aistheseis elabomen, allʼ anapalin echontes echresametha, ou chresamenoi eschomen) tas dʼ aretas lambanomen energesantes proteron, hosper kai epi ton allon technon ha gar dei mathontas poiein, tauta poiountes manthanomen, hoion oikodomountes oikodomoi ginontai kai kitharizontes kitharistai houto de kai ta men dikaia prattontes dikaioi ginometha, ta de sophrona sophrones, ta dʼ andreia andreioi. martyrei de kai to ginomenon en tais polesin hoi gar nomothetai tous politas ethizontes poiousin agathous, kai to men boulema pantos nomothetou toutʼ estin, hosoi de me eu auto poiousin hamartanousin, kai diapherei touto politeia politeias agathe phaules. eti ek ton auton kai dia ton auton kai ginetai pasa arete kai phtheiretai, homoios de kai techne

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 2 section 1 part 1; bekker 1103b; transliteration: greek-transliteration (build)

Share X Facebook