Languages

Work 1 · Passage 10

Work 1 · Passage 10

Plato

Greek

ἀλλὰ μέντοι, ἦν δʼ ἐγώ, Σιμωνίδῃ γε οὐ ῥᾴδιον ἀπιστεῖν—σοφὸς γὰρ καὶ θεῖος ἀνήρ—τοῦτο μέντοι ὅτι ποτὲ λέγει, σὺ μέν, ὦ Πολέμαρχε, ἴσως γιγνώσκεις, ἐγὼ δὲ ἀγνοῶ· δῆλον γὰρ ὅτι οὐ τοῦτο λέγει, ὅπερ ἄρτι ἐλέγομεν, τό τινος παρακαταθεμένου τι ὁτῳοῦν μὴ σωφρόνως ἀπαιτοῦντι ἀποδιδόναι. καίτοι γε ὀφειλόμενόν πού ἐστιν τοῦτο ὃ παρακατέθετο· ἦ γάρ; ναί. ἀποδοτέον δέ γε οὐδʼ ὁπωστιοῦν τότε ὁπότε τις μὴ σωφρόνως ἀπαιτοῖ; ἀληθῆ, ἦ δʼ ὅς. ἄλλο δή τι ἢ τὸ τοιοῦτον, ὡς ἔοικεν, λέγει Σιμωνίδης τὸ τὰ ὀφειλόμενα δίκαιον εἶναι ἀποδιδόναι. ἄλλο μέντοι νὴ Δίʼ, ἔφη· τοῖς γὰρ φίλοις οἴεται ὀφείλειν τοὺς φίλους ἀγαθὸν μέν τι δρᾶν, κακὸν δὲ μηδέν. μανθάνω, ἦν δʼ ἐγώ—ὅτι οὐ τὰ ὀφειλόμενα ἀποδίδωσιν ὃς ἄν τῳ χρυσίον ἀποδῷ παρακαταθεμένῳ, ἐάνπερ ἡ ἀπόδοσις καὶ ἡ λῆψις βλαβερὰ γίγνηται, φίλοι δὲ ὦσιν ὅ τε ἀπολαμβάνων καὶ ὁ ἀποδιδούς—οὐχ οὕτω λέγειν φῂς τὸν Σιμωνίδην; πάνυ μὲν οὖν. τί δέ; τοῖς ἐχθροῖς ἀποδοτέον ὅτι ἂν τύχῃ ὀφειλόμενον; παντάπασι μὲν οὖν, ἔφη, ὅ γε ὀφείλεται αὐτοῖς, ὀφείλεται δέ γε οἶμαι παρά γε τοῦ ἐχθροῦ τῷ ἐχθρῷ ὅπερ καὶ προσήκει, κακόν τι. ἠινίξατο ἄρα, ἦν δʼ ἐγώ, ὡς ἔοικεν, ὁ Σιμωνίδης ποιητικῶς τὸ δίκαιον ὃ εἴη. διενοεῖτο μὲν γάρ, ὡς φαίνεται, ὅτι τοῦτʼ εἴη δίκαιον, τὸ προσῆκον ἑκάστῳ ἀποδιδόναι, τοῦτο δὲ ὠνόμασεν ὀφειλόμενον. ἀλλὰ τί οἴει; ἔφη. ὦ πρὸς Διός, ἦν δʼ ἐγώ, εἰ οὖν τις αὐτὸν ἤρετο· ὦ Σιμωνίδη, ἡ τίσιν οὖν τί ἀποδιδοῦσα ὀφειλόμενον καὶ προσῆκον τέχνη ἰατρικὴ καλεῖται; τί ἂν οἴει ἡμῖν αὐτὸν ἀποκρίνασθαι; δῆλον ὅτι, ἔφη, ἡ σώμασιν φάρμακά τε καὶ σιτία καὶ ποτά. ἡ δὲ τίσιν τί ἀποδιδοῦσα ὀφειλόμενον καὶ προσῆκον τέχνη μαγειρικὴ καλεῖται; ἡ τοῖς ὄψοις τὰ ἡδύσματα. εἶεν

Transliteration

alla mentoi, ēn dʼ egō, Simōnidē ge ou rhadion apistein—sophos gar kai theios anēr—touto mentoi hoti pote legei, sy men, ō Polemarche, isōs gignōskeis, egō de agnoō dēlon gar hoti ou touto legei, hoper arti elegomen, to tinos parakatathemenou ti hotōoun mē sōphronōs apaitounti apodidonai. kaitoi ge opheilomenon pou estin touto ho parakatetheto ē gar; nai. apodoteon de ge oudʼ hopōstioun tote hopote tis mē sōphronōs apaitoi; alēthē, ē dʼ hos. allo dē ti ē to toiouton, hōs eoiken, legei Simōnidēs to ta opheilomena dikaion einai apodidonai. allo mentoi nē Diʼ, ephē tois gar philois oietai opheilein tous philous agathon men ti dran, kakon de mēden. manthanō, ēn dʼ hegō—oti ou ta opheilomena apodidōsin hos an tō chrysion apodō parakatathemenō, eanper hē apodosis kai hē lēpsis blabera gignētai, philoi de ōsin ho te apolambanōn kai ho apodidous—oych houtō legein phēs ton Simōnidēn; pany men oun. ti de; tois echthrois apodoteon hoti an tychē opheilomenon; pantapasi men oun, ephē, ho ge opheiletai autois, opheiletai de ge oimai para ge tou echthrou tō echthrō hoper kai prosēkei, kakon ti. ēinixato ara, ēn dʼ egō, hōs eoiken, ho Simōnidēs poiētikōs to dikaion ho eiē. dienoeito men gar, hōs phainetai, hoti toutʼ eiē dikaion, to prosēkon hekastō apodidonai, touto de ōnomasen opheilomenon. alla ti oiei; ephē. ō pros Dios, ēn dʼ egō, ei oun tis auton ēreto ō Simōnidē, hē tisin oun ti apodidousa opheilomenon kai prosēkon technē iatrikē kaleitai; ti an oiei hēmin auton apokrinasthai; dēlon hoti, ephē, hē sōmasin pharmaka te kai sitia kai pota. hē de tisin ti apodidousa opheilomenon kai prosēkon technē mageirikē kaleitai; hē tois opsois ta hēdysmata. eien

Translation coming soon for this language.

Source edition (provenance)

perseus:tlg0059.tlg030.perseus-grc2; plato:rep; section 332 part 1; transliteration: greek-transliteration (build)

Share X Facebook