Work 1 · Passage 12
Plato
Greek
χρήσιμον. καὶ γὰρ γεωργία· ἢ οὔ; ναί. πρός γε καρποῦ κτῆσιν; ναί. καὶ μὴν καὶ σκυτοτομική; ναί. πρός γε ὑποδημάτων ἂν οἶμαι φαίης κτῆσιν; πάνυ γε. τί δὲ δή; τὴν δικαιοσύνην πρὸς τίνος χρείαν ἢ κτῆσιν ἐν εἰρήνῃ φαίης ἂν χρήσιμον εἶναι; πρὸς τὰ συμβόλαια, ὦ Σώκρατες. συμβόλαια δὲ λέγεις κοινωνήματα ἤ τι ἄλλο; κοινωνήματα δῆτα. ἆρʼ οὖν ὁ δίκαιος ἀγαθὸς καὶ χρήσιμος κοινωνὸς εἰς πεττῶν θέσιν, ἢ ὁ πεττευτικός; ὁ πεττευτικός. ἀλλʼ εἰς πλίνθων καὶ λίθων θέσιν ὁ δίκαιος χρησιμώτερός τε καὶ ἀμείνων κοινωνὸς τοῦ οἰκοδομικοῦ; οὐδαμῶς. ἀλλʼ εἰς τίνα δὴ κοινωνίαν ὁ δίκαιος ἀμείνων κοινωνὸς τοῦ οἰκοδομικοῦ τε καὶ κιθαριστικοῦ, ὥσπερ ὁ κιθαριστικὸς τοῦ δικαίου εἰς κρουμάτων; εἰς ἀργυρίου, ἔμοιγε δοκεῖ. πλήν γʼ ἴσως, ὦ Πολέμαρχε, πρὸς τὸ χρῆσθαι ἀργυρίῳ, ὅταν δέῃ ἀργυρίου κοινῇ πρίασθαι ἢ ἀποδόσθαι ἵππον· τότε δέ, ὡς ἐγὼ οἶμαι, ὁ ἱππικός. ἦ γάρ; φαίνεται. καὶ μὴν ὅταν γε πλοῖον, ὁ ναυπηγὸς ἢ ὁ κυβερνήτης; ἔοικεν. ὅταν οὖν τί δέῃ ἀργυρίῳ ἢ χρυσίῳ κοινῇ χρῆσθαι, ὁ δίκαιος χρησιμώτερος τῶν ἄλλων; ὅταν παρακαταθέσθαι καὶ σῶν εἶναι, ὦ Σώκρατες. οὐκοῦν λέγεις ὅταν μηδὲν δέῃ αὐτῷ χρῆσθαι ἀλλὰ κεῖσθαι; πάνυ γε. ὅταν ἄρα ἄχρηστον ᾖ ἀργύριον, τότε χρήσιμος ἐπʼ αὐτῷ ἡ δικαιοσύνη; κινδυνεύει. καὶ ὅταν δὴ δρέπανον δέῃ φυλάττειν, ἡ δικαιοσύνη χρήσιμος καὶ κοινῇ καὶ ἰδίᾳ
Transliteration
chrēsimon. kai gar geōrgia ē ou; nai. pros ge karpou ktēsin; nai. kai mēn kai skytotomikē; nai. pros ge hypodēmatōn an oimai phaiēs ktēsin; pany ge. ti de dē; tēn dikaiosynēn pros tinos chreian ē ktēsin en eirēnē phaiēs an chrēsimon einai; pros ta symbolaia, ō Sōkrates. symbolaia de legeis koinōnēmata ē ti allo; koinōnēmata dēta. arʼ oun ho dikaios agathos kai chrēsimos koinōnos eis pettōn thesin, ē ho petteutikos; ho petteutikos. allʼ eis plinthōn kai lithōn thesin ho dikaios chrēsimōteros te kai ameinōn koinōnos tou oikodomikou; oudamōs. allʼ eis tina dē koinōnian ho dikaios ameinōn koinōnos tou oikodomikou te kai kitharistikou, hōsper ho kitharistikos tou dikaiou eis kroumatōn; eis argyriou, emoige dokei. plēn gʼ isōs, ō Polemarche, pros to chrēsthai argyriō, hotan deē argyriou koinē priasthai ē apodosthai hippon tote de, hōs egō oimai, ho hippikos. ē gar; phainetai. kai mēn hotan ge ploion, ho naupēgos ē ho kybernētēs; eoiken. hotan oun ti deē argyriō ē chrysiō koinē chrēsthai, ho dikaios chrēsimōteros tōn allōn; hotan parakatathesthai kai sōn einai, ō Sōkrates. oukoyn legeis hotan mēden deē autō chrēsthai alla keisthai; pany ge. hotan ara achrēston ē argyrion, tote chrēsimos epʼ autō hē dikaiosynē; kindyneuei. kai hotan dē drepanon deē phylattein, hē dikaiosynē chrēsimos kai koinē kai idia
Translation coming soon for this language.
Source edition (provenance)
perseus:tlg0059.tlg030.perseus-grc2; plato:rep; section 333 part 1; transliteration: greek-transliteration (build)