Languages

Work 1 · Passage 20

Work 1 · Passage 20

Plato

Greek

οἴου γε σύ, ὦ φίλε. ἀλλʼ οἶμαι οὐ δυνάμεθα· ἐλεεῖσθαι οὖν ἡμᾶς πολὺ μᾶλλον εἰκός ἐστίν που ὑπὸ ὑμῶν τῶν δεινῶν ἢ χαλεπαίνεσθαι. καὶ ὃς ἀκούσας ἀνεκάγχασέ τε μάλα σαρδάνιον καὶ εἶπεν· ὦ Ἡράκλεις, ἔφη, αὕτη ʼκείνη ἡ εἰωθυῖα εἰρωνεία Σωκράτους, καὶ ταῦτʼ ἐγὼ ᾔδη τε καὶ τούτοις προύλεγον, ὅτι σὺ ἀποκρίνασθαι μὲν οὐκ ἐθελήσοις, εἰρωνεύσοιο δὲ καὶ πάντα μᾶλλον ποιήσοις ἢ ἀποκρινοῖο, εἴ τίς τί σε ἐρωτᾷ. σοφὸς γὰρ εἶ, ἦν δʼ ἐγώ, ὦ Θρασύμαχε· εὖ οὖν ᾔδησθα ὅτι εἴ τινα ἔροιο ὁπόσα ἐστὶν τὰ δώδεκα, καὶ ἐρόμενος προείποις αὐτῷ— ὅπως μοι, ὦ ἄνθρωπε, μὴ ἐρεῖς ὅτι ἔστιν τὰ δώδεκα δὶς ἓξ μηδʼ ὅτι τρὶς τέτταρα μηδʼ ὅτι ἑξάκις δύο μηδʼ ὅτι τετράκις τρία· ὡς οὐκ ἀποδέξομαί σου ἐὰν τοιαῦτα φλυαρῇς —δῆλον οἶμαί σοι ἦν ὅτι οὐδεὶς ἀποκρινοῖτο τῷ οὕτως πυνθανομένῳ. ἀλλʼ εἴ σοι εἶπεν· ὦ Θρασύμαχε, πῶς λέγεις; μὴ ἀποκρίνωμαι ὧν προεῖπες μηδέν; πότερον, ὦ θαυμάσιε, μηδʼ εἰ τούτων τι τυγχάνει ὄν, ἀλλʼ ἕτερον εἴπω τι τοῦ ἀληθοῦς; ἢ πῶς λέγεις; τί ἂν αὐτῷ εἶπες πρὸς ταῦτα; εἶεν, ἔφη· ὡς δὴ ὅμοιον τοῦτο ἐκείνῳ. οὐδέν γε κωλύει, ἦν δʼ ἐγώ· εἰ δʼ οὖν καὶ μὴ ἔστιν ὅμοιον, φαίνεται δὲ τῷ ἐρωτηθέντι τοιοῦτον, ἧττόν τι αὐτὸν οἴει ἀποκρινεῖσθαι τὸ φαινόμενον ἑαυτῷ, ἐάντε ἡμεῖς ἀπαγορεύωμεν ἐάντε μή; ἄλλο τι οὖν, ἔφη, καὶ σὺ οὕτω ποιήσεις· ὧν ἐγὼ ἀπεῖπον, τούτων τι ἀποκρινῇ; οὐκ ἂν θαυμάσαιμι, ἦν δʼ ἐγώ· εἴ μοι σκεψαμένῳ οὕτω δόξειεν. τί οὖν, ἔφη, ἂν ἐγὼ δείξω ἑτέραν ἀπόκρισιν παρὰ πάσας ταύτας περὶ δικαιοσύνης, βελτίω τούτων; τί ἀξιοῖς παθεῖν; τί ἄλλο, ἦν δʼ ἐγώ, ἢ ὅπερ προσήκει πάσχειν τῷ μὴ εἰδότι; προσήκει δέ που μαθεῖν παρὰ τοῦ εἰδότος· καὶ ἐγὼ οὖν τοῦτο ἀξιῶ παθεῖν. ἡδὺς γὰρ εἶ, ἔφη· ἀλλὰ πρὸς τῷ μαθεῖν καὶ ἀπότεισον ἀργύριον. οὐκοῦν ἐπειδάν μοι γένηται, εἶπον. ἀλλʼ ἔστιν, ἔφη ὁ Γλαύκων. ἀλλʼ ἕνεκα ἀργυρίου, ὦ Θρασύμαχε, λέγε· πάντες γὰρ ἡμεῖς Σωκράτει εἰσοίσομεν. πάνυ γε οἶμαι, ἦ δʼ ὅς

Transliteration

oiou ge sy, ō phile. allʼ oimai ou dynametha eleeisthai oun hēmas poly mallon eikos estin pou hypo hymōn tōn deinōn ē chalepainesthai. kai hos akousas anekanchase te mala sardanion kai eipen ō hĒrakleis, ephē, hautē ʼkeinē hē eiōthuia eirōneia Sōkratous, kai tautʼ egō ēdē te kai toutois proulegon, hoti sy apokrinasthai men ouk ethelēsois, eirōneusoio de kai panta mallon poiēsois ē apokrinoio, ei tis ti se erōta. sophos gar ei, ēn dʼ egō, ō THrasymache eu oun ēdēstha hoti ei tina eroio hoposa estin ta dōdeka, kai eromenos proeipois autō— hopōs moi, ō anthrōpe, mē ereis hoti estin ta dōdeka dis hex mēdʼ hoti tris tettara mēdʼ hoti hexakis dyo mēdʼ hoti tetrakis tria hōs ouk apodexomai sou ean toiauta phlyarēs —dēlon oimai soi ēn hoti oudeis apokrinoito tō houtōs pynthanomenō. allʼ ei soi eipen ō THrasymache, pōs legeis; mē apokrinōmai hōn proeipes mēden; poteron, ō thaumasie, mēdʼ ei toutōn ti tynchanei on, allʼ heteron eipō ti tou alēthous; ē pōs legeis; ti an autō eipes pros tauta; eien, ephē hōs dē homoion touto ekeinō. ouden ge kōlyei, ēn dʼ egō ei dʼ oun kai mē estin homoion, phainetai de tō erōtēthenti toiouton, hētton ti auton oiei apokrineisthai to phainomenon heautō, eante hēmeis apagoreuōmen eante mē; allo ti oun, ephē, kai sy houtō poiēseis hōn egō apeipon, toutōn ti apokrinē; ouk an thaumasaimi, ēn dʼ egō ei moi skepsamenō houtō doxeien. ti oun, ephē, an egō deixō heteran apokrisin para pasas tautas peri dikaiosynēs, beltiō toutōn; ti axiois pathein; ti allo, ēn dʼ egō, ē hoper prosēkei paschein tō mē eidoti; prosēkei de pou mathein para tou eidotos kai egō oun touto axiō pathein. hēdys gar ei, ephē alla pros tō mathein kai apoteison argyrion. oukoyn epeidan moi genētai, eipon. allʼ estin, ephē ho Glaukōn. allʼ heneka argyriou, ō THrasymache, lege pantes gar hēmeis Sōkratei eisoisomen. pany ge oimai, ē dʼ hos

Translation coming soon for this language.

Source edition (provenance)

perseus:tlg0059.tlg030.perseus-grc2; plato:rep; section 337 part 1; transliteration: greek-transliteration (build)

Share X Facebook