Languages

Work 1 · Passage 26

Work 1 · Passage 26

Plato

Greek

ναὶ μὰ Δίʼ, ἔφη, ὦ Σώκρατες, ὁ Πολέμαρχος, σαφέστατά γε. ἐὰν σύ γʼ, ἔφη, αὐτῷ μαρτυρήσῃς, ὁ Κλειτοφῶν ὑπολαβών. καὶ τί, ἔφη, δεῖται μάρτυρος; αὐτὸς γὰρ Θρασύμαχος ὁμολογεῖ τοὺς μὲν ἄρχοντας ἐνίοτε ἑαυτοῖς κακὰ προστάττειν, τοῖς δὲ δίκαιον εἶναι ταῦτα ποιεῖν. τὸ γὰρ τὰ κελευόμενα ποιεῖν, ὦ Πολέμαρχε, ὑπὸ τῶν ἀρχόντων δίκαιον εἶναι ἔθετο Θρασύμαχος. καὶ γὰρ τὸ τοῦ κρείττονος, ὦ Κλειτοφῶν, συμφέρον δίκαιον εἶναι ἔθετο. ταῦτα δὲ ἀμφότερα θέμενος ὡμολόγησεν αὖ ἐνίοτε τοὺς κρείττους τὰ αὑτοῖς ἀσύμφορα κελεύειν τοὺς ἥττους τε καὶ ἀρχομένους ποιεῖν. ἐκ δὲ τούτων τῶν ὁμολογιῶν οὐδὲν μᾶλλον τὸ τοῦ κρείττονος συμφέρον δίκαιον ἂν εἴη ἢ τὸ μὴ συμφέρον. ἀλλʼ, ἔφη ὁ Κλειτοφῶν, τὸ τοῦ κρείττονος συμφέρον ἔλεγεν ὃ ἡγοῖτο ὁ κρείττων αὑτῷ συμφέρειν· τοῦτο ποιητέον εἶναι τῷ ἥττονι, καὶ τὸ δίκαιον τοῦτο ἐτίθετο. ἀλλʼ οὐχ οὕτως, ἦ δʼ ὃς ὁ Πολέμαρχος, ἐλέγετο. οὐδέν, ἦν δʼ ἐγώ, ὦ Πολέμαρχε, διαφέρει, ἀλλʼ εἰ νῦν οὕτω λέγει Θρασύμαχος, οὕτως αὐτοῦ ἀποδεχώμεθα. καί μοι εἰπέ, ὦ Θρασύμαχε· τοῦτο ἦν ὃ ἐβούλου λέγειν τὸ δίκαιον, τὸ τοῦ κρείττονος συμφέρον δοκοῦν εἶναι τῷ κρείττονι, ἐάντε συμφέρῃ ἐάντε μή; οὕτω σε φῶμεν λέγειν; ἥκιστά γε, ἔφη· ἀλλὰ κρείττω με οἴει καλεῖν τὸν ἐξαμαρτάνοντα ὅταν ἐξαμαρτάνῃ; ἔγωγε, εἶπον, ᾤμην σε τοῦτο λέγειν ὅτε τοὺς ἄρχοντας ὡμολόγεις οὐκ ἀναμαρτήτους εἶναι ἀλλά τι καὶ ἐξαμαρτάνειν. συκοφάντης γὰρ εἶ, ἔφη, ὦ Σώκρατες, ἐν τοῖς λόγοις· ἐπεὶ αὐτίκα ἰατρὸν καλεῖς σὺ τὸν ἐξαμαρτάνοντα περὶ τοὺς κάμνοντας κατʼ αὐτὸ τοῦτο ὃ ἐξαμαρτάνει; ἢ λογιστικόν, ὃς ἂν ἐν λογισμῷ ἁμαρτάνῃ, τότε ὅταν ἁμαρτάνῃ, κατὰ ταύτην τὴν ἁμαρτίαν; ἀλλʼ οἶμαι λέγομεν τῷ ῥήματι οὕτως, ὅτι ὁ ἰατρὸς ἐξήμαρτεν καὶ ὁ λογιστὴς ἐξήμαρτεν καὶ ὁ γραμματιστής· τὸ δʼ οἶμαι ἕκαστος τούτων, καθʼ ὅσον τοῦτʼ ἔστιν ὃ προσαγορεύομεν αὐτόν, οὐδέποτε ἁμαρτάνει

Transliteration

nai ma Diʼ, ephē, ō Sōkrates, ho Polemarchos, saphestata ge. ean sy gʼ, ephē, autō martyrēsēs, ho Kleitophōn hypolabōn. kai ti, ephē, deitai martyros; autos gar THrasymachos homologei tous men archontas eniote heautois kaka prostattein, tois de dikaion einai tauta poiein. to gar ta keleuomena poiein, ō Polemarche, hypo tōn archontōn dikaion einai etheto THrasymachos. kai gar to tou kreittonos, ō Kleitophōn, sympheron dikaion einai etheto. tauta de amphotera themenos hōmologēsen au eniote tous kreittous ta hautois asymphora keleuein tous hēttous te kai archomenous poiein. ek de toutōn tōn homologiōn ouden mallon to tou kreittonos sympheron dikaion an eiē ē to mē sympheron. allʼ, ephē ho Kleitophōn, to tou kreittonos sympheron elegen ho hēgoito ho kreittōn hautō sympherein touto poiēteon einai tō hēttoni, kai to dikaion touto etitheto. allʼ ouch houtōs, ē dʼ hos ho Polemarchos, elegeto. ouden, ēn dʼ egō, ō Polemarche, diapherei, allʼ ei nyn houtō legei THrasymachos, houtōs autou apodechōmetha. kai moi eipe, ō THrasymache touto ēn ho ebouloy legein to dikaion, to tou kreittonos sympheron dokoun einai tō kreittoni, eante sympherē eante mē; houtō se phōmen legein; hēkista ge, ephē alla kreittō me oiei kalein ton examartanonta hotan examartanē; egōge, eipon, ōmēn se touto legein hote tous archontas hōmologeis ouk anamartētous einai alla ti kai examartanein. sykophantēs gar ei, ephē, ō Sōkrates, en tois logois epei autika iatron kaleis sy ton examartanonta peri tous kamnontas katʼ auto touto ho examartanei; ē logistikon, hos an en logismō hamartanē, tote hotan hamartanē, kata tautēn tēn hamartian; allʼ oimai legomen tō rhēmati houtōs, hoti ho iatros exēmarten kai ho logistēs exēmarten kai ho grammatistēs to dʼ oimai hekastos toutōn, kathʼ hoson toutʼ estin ho prosagoreuomen auton, oudepote hamartanei

Translation coming soon for this language.

Source edition (provenance)

perseus:tlg0059.tlg030.perseus-grc2; plato:rep; section 340 part 1; transliteration: greek-transliteration (build)

Share X Facebook