Languages

Work 1 · Passage 28

Work 1 · Passage 28

Plato

Greek

τοιοῦτον οὖν δή σοι καὶ ἐμὲ ὑπόλαβε νυνδὴ ἀποκρίνεσθαι· τὸ δὲ ἀκριβέστατον ἐκεῖνο τυγχάνει ὄν, τὸν ἄρχοντα, καθʼ ὅσον ἄρχων ἐστίν, μὴ ἁμαρτάνειν, μὴ ἁμαρτάνοντα δὲ τὸ αὑτῷ βέλτιστον τίθεσθαι, τοῦτο δὲ τῷ ἀρχομένῳ ποιητέον. ὥστε ὅπερ ἐξ ἀρχῆς ἔλεγον δίκαιον λέγω, τὸ τοῦ κρείττονος ποιεῖν συμφέρον. εἶεν, ἦν δʼ ἐγώ, ὦ Θρασύμαχε· δοκῶ σοι συκοφαντεῖν; πάνυ μὲν οὖν, ἔφη. οἴει γάρ με ἐξ ἐπιβουλῆς ἐν τοῖς λόγοις κακουργοῦντά σε ἐρέσθαι ὡς ἠρόμην; εὖ μὲν οὖν οἶδα, ἔφη. καὶ οὐδέν γέ σοι πλέον ἔσται· οὔτε γὰρ ἄν με λάθοις κακουργῶν, οὔτε μὴ λαθὼν βιάσασθαι τῷ λόγῳ δύναιο. οὐδέ γʼ ἂν ἐπιχειρήσαιμι, ἦν δʼ ἐγώ, ὦ μακάριε. ἀλλʼ ἵνα μὴ αὖθις ἡμῖν τοιοῦτον ἐγγένηται, διόρισαι ποτέρως λέγεις τὸν ἄρχοντά τε καὶ τὸν κρείττονα, τὸν ὡς ἔπος εἰπεῖν ἢ τὸν ἀκριβεῖ λόγῳ, ὃ νυνδὴ ἔλεγες, οὗ τὸ συμφέρον κρείττονος ὄντος δίκαιον ἔσται τῷ ἥττονι ποιεῖν. τὸν τῷ ἀκριβεστάτῳ, ἔφη, λόγῳ ἄρχοντα ὄντα. πρὸς ταῦτα κακούργει καὶ συκοφάντει, εἴ τι δύνασαι—οὐδέν σου παρίεμαι—ἀλλʼ οὐ μὴ οἷός τʼ ᾖς. οἴει γὰρ ἄν με, εἶπον, οὕτω μανῆναι ὥστε ξυρεῖν ἐπιχειρεῖν λέοντα καὶ συκοφαντεῖν Θρασύμαχον; νῦν γοῦν, ἔφη, ἐπεχείρησας, οὐδὲν ὢν καὶ ταῦτα. ἅδην, ἦν δʼ ἐγώ, τῶν τοιούτων. ἀλλʼ εἰπέ μοι· ὁ τῷ ἀκριβεῖ λόγῳ ἰατρός, ὃν ἄρτι ἔλεγες, πότερον χρηματιστής ἐστιν ἢ τῶν καμνόντων θεραπευτής; καὶ λέγε τὸν τῷ ὄντι ἰατρὸν ὄντα. τῶν καμνόντων, ἔφη, θεραπευτής. τί δὲ κυβερνήτης; ὁ ὀρθῶς κυβερνήτης ναυτῶν ἄρχων ἐστὶν ἢ ναύτης; ναυτῶν ἄρχων. οὐδὲν οἶμαι τοῦτο ὑπολογιστέον, ὅτι πλεῖ ἐν τῇ νηί, οὐδʼ ἐστὶν κλητέος ναύτης

Transliteration

toiouton oun dē soi kai eme hypolabe nyndē apokrinesthai to de akribestaton ekeino tynchanei on, ton archonta, kathʼ hoson archōn estin, mē hamartanein, mē hamartanonta de to hautō beltiston tithesthai, touto de tō archomenō poiēteon. hōste hoper ex archēs elegon dikaion legō, to tou kreittonos poiein sympheron. eien, ēn dʼ egō, ō THrasymache dokō soi sykophantein; pany men oun, ephē. oiei gar me ex epiboulēs en tois logois kakourgoynta se eresthai hōs ēromēn; eu men oun oida, ephē. kai ouden ge soi pleon estai oute gar an me lathois kakourgōn, oute mē lathōn biasasthai tō logō dynaio. oude gʼ an epicheirēsaimi, ēn dʼ egō, ō makarie. allʼ hina mē authis hēmin toiouton engenētai, diorisai poterōs legeis ton archonta te kai ton kreittona, ton hōs epos eipein ē ton akribei logō, ho nyndē eleges, hou to sympheron kreittonos ontos dikaion estai tō hēttoni poiein. ton tō akribestatō, ephē, logō archonta onta. pros tauta kakourgei kai sykophantei, ei ti dynasai—ouden sou pariemai—allʼ ou mē hoios tʼ ēs. oiei gar an me, eipon, houtō manēnai hōste xyrein epicheirein leonta kai sykophantein THrasymachon; nyn goun, ephē, epecheirēsas, ouden ōn kai tauta. hadēn, ēn dʼ egō, tōn toioutōn. allʼ eipe moi ho tō akribei logō iatros, hon arti eleges, poteron chrēmatistēs estin ē tōn kamnontōn therapeutēs; kai lege ton tō onti iatron onta. tōn kamnontōn, ephē, therapeutēs. ti de kybernētēs; ho orthōs kybernētēs nautōn archōn estin ē nautēs; nautōn archōn. ouden oimai touto hypologisteon, hoti plei en tē nēi, oudʼ estin klēteos nautēs

Translation coming soon for this language.

Source edition (provenance)

perseus:tlg0059.tlg030.perseus-grc2; plato:rep; section 341 part 1; transliteration: greek-transliteration (build)

Share X Facebook