Languages

Work 1 · Passage 4

Work 1 · Passage 4

Plato

Greek

ἐγώ σοι, ἔφη, νὴ τὸν Δία ἐρῶ, ὦ Σώκρατες, οἷόν γέ μοι φαίνεται. πολλάκις γὰρ συνερχόμεθά τινες εἰς ταὐτὸν παραπλησίαν ἡλικίαν ἔχοντες, διασῴζοντες τὴν παλαιὰν παροιμίαν· οἱ οὖν πλεῖστοι ἡμῶν ὀλοφύρονται συνιόντες, τὰς ἐν τῇ νεότητι ἡδονὰς ποθοῦντες καὶ ἀναμιμνῃσκόμενοι περί τε τἀφροδίσια καὶ περὶ πότους τε καὶ εὐωχίας καὶ ἄλλʼ ἄττα ἃ τῶν τοιούτων ἔχεται, καὶ ἀγανακτοῦσιν ὡς μεγάλων τινῶν ἀπεστερημένοι καὶ τότε μὲν εὖ ζῶντες, νῦν δὲ οὐδὲ ζῶντες. ἔνιοι δὲ καὶ τὰς τῶν οἰκείων προπηλακίσεις τοῦ γήρως ὀδύρονται, καὶ ἐπὶ τούτῳ δὴ τὸ γῆρας ὑμνοῦσιν ὅσων κακῶν σφίσιν αἴτιον. ἐμοὶ δὲ δοκοῦσιν, ὦ Σώκρατες, οὗτοι οὐ τὸ αἴτιον αἰτιᾶσθαι. εἰ γὰρ ἦν τοῦτʼ αἴτιον, κἂν ἐγὼ τὰ αὐτὰ ταῦτα ἐπεπόνθη, ἕνεκά γε γήρως, καὶ οἱ ἄλλοι πάντες ὅσοι ἐνταῦθα ἦλθον ἡλικίας. νῦν δʼ ἔγωγε ἤδη ἐντετύχηκα οὐχ οὕτως ἔχουσιν καὶ ἄλλοις, καὶ δὴ καὶ Σοφοκλεῖ ποτε τῷ ποιητῇ παρεγενόμην ἐρωτωμένῳ ὑπό τινος· πῶς, ἔφη, ὦ Σοφόκλεις, ἔχεις πρὸς τἀφροδίσια; ἔτι οἷός τε εἶ γυναικὶ συγγίγνεσθαι; καὶ ὅς, εὐφήμει, ἔφη, ὦ ἄνθρωπε· ἁσμενέστατα μέντοι αὐτὸ ἀπέφυγον, ὥσπερ λυττῶντά τινα καὶ ἄγριον δεσπότην ἀποδράς. εὖ οὖν μοι καὶ τότε ἔδοξεν ἐκεῖνος εἰπεῖν, καὶ νῦν οὐχ ἧττον. παντάπασι γὰρ τῶν γε τοιούτων ἐν τῷ γήρᾳ πολλὴ εἰρήνη γίγνεται καὶ ἐλευθερία· ἐπειδὰν αἱ ἐπιθυμίαι παύσωνται κατατείνουσαι καὶ χαλάσωσιν, παντάπασιν τὸ τοῦ Σοφοκλέους γίγνεται, δεσποτῶν πάνυ πολλῶν ἐστι καὶ μαινομένων ἀπηλλάχθαι. ἀλλὰ καὶ τούτων πέρι καὶ τῶν γε πρὸς τοὺς οἰκείους μία τις αἰτία ἐστίν, οὐ τὸ γῆρας, ὦ Σώκρατες, ἀλλʼ ὁ τρόπος τῶν ἀνθρώπων. ἂν μὲν γὰρ κόσμιοι καὶ εὔκολοι ὦσιν, καὶ τὸ γῆρας μετρίως ἐστὶν ἐπίπονον· εἰ δὲ μή, καὶ γῆρας, ὦ Σώκρατες, καὶ νεότης χαλεπὴ τῷ τοιούτῳ συμβαίνει. καὶ ἐγὼ ἀγασθεὶς αὐτοῦ εἰπόντος ταῦτα, βουλόμενος ἔτι λέγειν αὐτὸν ἐκίνουν καὶ εἶπον

Transliteration

egō soi, ephē, nē ton Dia erō, ō Sōkrates, hoion ge moi phainetai. pollakis gar synerchometha tines eis tauton paraplēsian hēlikian echontes, diasōzontes tēn palaian paroimian hoi oun pleistoi hēmōn olophyrontai syniontes, tas en tē neotēti hēdonas pothountes kai anamimnēskomenoi peri te taphrodisia kai peri potous te kai euōchias kai allʼ atta ha tōn toioutōn echetai, kai aganaktousin hōs megalōn tinōn apesterēmenoi kai tote men eu zōntes, nyn de oude zōntes. enioi de kai tas tōn oikeiōn propēlakiseis tou gērōs odyrontai, kai epi toutō dē to gēras hymnousin hosōn kakōn sphisin aition. emoi de dokousin, ō Sōkrates, houtoi ou to aition aitiasthai. ei gar ēn toutʼ aition, kan egō ta auta tauta epeponthē, heneka ge gērōs, kai hoi alloi pantes hosoi entautha ēlthon hēlikias. nyn dʼ egōge ēdē entetychēka ouch houtōs echousin kai allois, kai dē kai Sophoklei pote tō poiētē paregenomēn erōtōmenō hypo tinos pōs, ephē, ō Sophokleis, echeis pros taphrodisia; eti hoios te ei gynaiki syngignesthai; kai hos, euphēmei, ephē, ō anthrōpe hasmenestata mentoi auto apephygon, hōsper lyttōnta tina kai agrion despotēn apodras. eu oun moi kai tote edoxen ekeinos eipein, kai nyn ouch hētton. pantapasi gar tōn ge toioutōn en tō gēra pollē eirēnē gignetai kai eleutheria epeidan hai epithymiai pausōntai katateinousai kai chalasōsin, pantapasin to tou Sophokleous gignetai, despotōn pany pollōn esti kai mainomenōn apēllachthai. alla kai toutōn peri kai tōn ge pros tous oikeious mia tis aitia estin, ou to gēras, ō Sōkrates, allʼ ho tropos tōn anthrōpōn. an men gar kosmioi kai eukoloi ōsin, kai to gēras metriōs estin epiponon ei de mē, kai gēras, ō Sōkrates, kai neotēs chalepē tō toioutō symbainei. kai egō agastheis autou eipontos tauta, boulomenos eti legein auton ekinoun kai eipon

Translation coming soon for this language.

Source edition (provenance)

perseus:tlg0059.tlg030.perseus-grc2; plato:rep; section 329 part 1; transliteration: greek-transliteration (build)

Share X Facebook