Languages

Work 1 · Passage 6

Work 1 · Passage 6

Plato

Greek

ἀληθῆ, ἔφη, λέγεις· οὐ γὰρ ἀποδέχονται. καὶ λέγουσι μέν τι, οὐ μέντοι γε ὅσον οἴονται· ἀλλὰ τὸ τοῦ Θεμιστοκλέους εὖ ἔχει, ὃς τῷ Σεριφίῳ λοιδορουμένῳ καὶ λέγοντι ὅτι οὐ διʼ αὑτὸν ἀλλὰ διὰ τὴν πόλιν εὐδοκιμοῖ, ἀπεκρίνατο ὅτι οὔτʼ ἂν αὐτὸς Σερίφιος ὢν ὀνομαστὸς ἐγένετο οὔτʼ ἐκεῖνος Ἀθηναῖος. καὶ τοῖς δὴ μὴ πλουσίοις, χαλεπῶς δὲ τὸ γῆρας φέρουσιν, εὖ ἔχει ὁ αὐτὸς λόγος, ὅτι οὔτʼ ἂν ὁ ἐπιεικὴς πάνυ τι ῥᾳδίως γῆρας μετὰ πενίας ἐνέγκοι οὔθʼ ὁ μὴ ἐπιεικὴς πλουτήσας εὔκολός ποτʼ ἂν ἑαυτῷ γένοιτο. πότερον δέ, ἦν δʼ ἐγώ, ὦ Κέφαλε, ὧν κέκτησαι τὰ πλείω παρέλαβες ἢ ἐπεκτήσω; ποῖʼ ἐπεκτησάμην, ἔφη, ὦ Σώκρατες; μέσος τις γέγονα χρηματιστὴς τοῦ τε πάππου καὶ τοῦ πατρός. ὁ μὲν γὰρ πάππος τε καὶ ὁμώνυμος ἐμοὶ σχεδόν τι ὅσην ἐγὼ νῦν οὐσίαν κέκτημαι παραλαβὼν πολλάκις τοσαύτην ἐποίησεν, Λυσανίας δὲ ὁ πατὴρ ἔτι ἐλάττω αὐτὴν ἐποίησε τῆς νῦν οὔσης· ἐγὼ δὲ ἀγαπῶ ἐὰν μὴ ἐλάττω καταλίπω τούτοισιν, ἀλλὰ βραχεῖ γέ τινι πλείω ἢ παρέλαβον. οὗ τοι ἕνεκα ἠρόμην, ἦν δʼ ἐγώ, ὅτι μοι ἔδοξας οὐ σφόδρα ἀγαπᾶν τὰ χρήματα, τοῦτο δὲ ποιοῦσιν ὡς τὸ πολὺ οἳ ἂν μὴ αὐτοὶ κτήσωνται· οἱ δὲ κτησάμενοι διπλῇ ἢ οἱ ἄλλοι ἀσπάζονται αὐτά. ὥσπερ γὰρ οἱ ποιηταὶ τὰ αὑτῶν ποιήματα καὶ οἱ πατέρες τοὺς παῖδας ἀγαπῶσιν, ταύτῃ τε δὴ καὶ οἱ χρηματισάμενοι περὶ τὰ χρήματα σπουδάζουσιν ὡς ἔργον ἑαυτῶν, καὶ κατὰ τὴν χρείαν ᾗπερ οἱ ἄλλοι. χαλεποὶ οὖν καὶ συγγενέσθαι εἰσίν, οὐδὲν ἐθέλοντες ἐπαινεῖν ἀλλʼ ἢ τὸν πλοῦτον. ἀληθῆ, ἔφη, λέγεις. πάνυ μὲν οὖν, ἦν δʼ ἐγώ. ἀλλά μοι ἔτι τοσόνδε εἰπέ

Transliteration

alēthē, ephē, legeis ou gar apodechontai. kai legousi men ti, ou mentoi ge hoson oiontai alla to tou THemistokleous eu echei, hos tō Seriphiō loidoroumenō kai legonti hoti ou diʼ hauton alla dia tēn polin eudokimoi, apekrinato hoti outʼ an autos Seriphios ōn onomastos egeneto outʼ ekeinos Athēnaios. kai tois dē mē plousiois, chalepōs de to gēras pherousin, eu echei ho autos logos, hoti outʼ an ho epieikēs pany ti rhadiōs gēras meta penias enenkoi outhʼ ho mē epieikēs ploutēsas eukolos potʼ an heautō genoito. poteron de, ēn dʼ egō, ō Kephale, hōn kektēsai ta pleiō parelabes ē epektēsō; poiʼ epektēsamēn, ephē, ō Sōkrates; mesos tis gegona chrēmatistēs tou te pappou kai tou patros. ho men gar pappos te kai homōnymos emoi schedon ti hosēn egō nyn ousian kektēmai paralabōn pollakis tosautēn epoiēsen, Lysanias de ho patēr eti elattō autēn epoiēse tēs nyn ousēs egō de agapō ean mē elattō katalipō toutoisin, alla brachei ge tini pleiō ē parelabon. hou toi heneka ēromēn, ēn dʼ egō, hoti moi edoxas ou sphodra agapan ta chrēmata, touto de poiousin hōs to poly hoi an mē autoi ktēsōntai hoi de ktēsamenoi diplē ē hoi alloi aspazontai auta. hōsper gar hoi poiētai ta hautōn poiēmata kai hoi pateres tous paidas agapōsin, tautē te dē kai hoi chrēmatisamenoi peri ta chrēmata spoudazoysin hōs ergon heautōn, kai kata tēn chreian hēper hoi alloi. chalepoi oun kai syngenesthai eisin, ouden ethelontes epainein allʼ ē ton plouton. alēthē, ephē, legeis. pany men oun, ēn dʼ egō. alla moi eti tosonde eipe

Translation coming soon for this language.

Source edition (provenance)

perseus:tlg0059.tlg030.perseus-grc2; plato:rep; section 330 part 1; transliteration: greek-transliteration (build)

Share X Facebook