Work 2 · Passage 1
Plato
Greek
ΑΠΟΛ. δοκῶ μοι περὶ ὧν πυνθάνεσθε οὐκ ἀμελέτητος εἶναι. καὶ γὰρ ἐτύγχανον πρῴην εἰς ἄστυ οἴκοθεν ἀνιὼν Φαληρόθεν· τῶν οὖν γνωρίμων τις ὄπισθεν κατιδών με πόρρωθεν ἐκάλεσε, καὶ παίζων ἅμα τῇ κλήσει, ὦ Φαληρεύς, ἔφη, οὗτος Ἀπολλόδωρος, οὐ περιμένεις; κἀγὼ ἐπιστὰς περιέμεινα. καὶ ὅς, Ἀπολλόδωρε, ἔφη, καὶ μὴν καὶ ἔναγχός σε ἐζήτουν βουλόμενος διαπυθέσθαι τὴν Ἀγάθωνος συνουσίαν καὶ Σωκράτους καὶ Ἀλκιβιάδου καὶ τῶν ἄλλων τῶν τότε ἐν τῷ συνδείπνῳ παραγενομένων, περὶ τῶν ἐρωτικῶν λόγων τίνες ἦσαν· ἄλλος γάρ τίς μοι διηγεῖτο ἀκηκοὼς Φοίνικος τοῦ Φιλίππου, ἔφη δὲ καὶ σὲ εἰδέναι. ἀλλὰ γὰρ οὐδὲν εἶχε σαφὲς λέγειν. σὺ οὖν μοι διήγησαι· δικαιότατος γὰρ εἶ τοὺς τοῦ ἑταίρου λόγους ἀπαγγέλλειν. πρότερον δέ μοι, ἦ δʼ ὅς, εἰπέ, σὺ αὐτὸς παρεγένου τῇ συνουσίᾳ ταύτῃ ἢ οὔ; κἀγὼ εἶπον ὅτι παντάπασιν ἔοικέ σοι οὐδὲν διηγεῖσθαι σαφὲς ὁ διηγούμενος, εἰ νεωστὶ ἡγῇ τὴν συνουσίαν γεγονέναι ταύτην ἣν ἐρωτᾷς, ὥστε καὶ ἐμὲ παραγενέσθαι. ἐγώ γε δή, ἔφη. πόθεν, ἦν δʼ ἐγώ, ὦ Γλαύκων; οὐκ οἶσθʼ ὅτι πολλῶν ἐτῶν Ἀγάθων ἐνθάδε οὐκ ἐπιδεδήμηκεν, ἀφʼ οὗ δʼ ἐγὼ Σωκράτει συνδιατρίβω καὶ ἐπιμελὲς πεποίημαι ἑκάστης ἡμέρας εἰδέναι ὅτι ἂν λέγῃ ἢ πράττῃ, οὐδέπω τρία ἔτη ἐστίν;
Transliteration
APOL. dokō moi peri hōn pynthanesthe ouk ameletētos einai. kai gar etynchanon prōēn eis asty oikothen aniōn PHalērothen tōn oun gnōrimōn tis opisthen katidōn me porrhōthen ekalese, kai paizōn hama tē klēsei, ō PHalēreus, ephē, houtos Apollodōros, ou perimeneis; kagō epistas periemeina. kai hos, Apollodōre, ephē, kai mēn kai enanchos se ezētoun boulomenos diapythesthai tēn Agathōnos synousian kai Sōkratous kai Alkibiadou kai tōn allōn tōn tote en tō syndeipnō paragenomenōn, peri tōn erōtikōn logōn tines ēsan allos gar tis moi diēgeito akēkoōs PHoinikos tou PHilippou, ephē de kai se eidenai. alla gar ouden eiche saphes legein. sy oun moi diēgēsai dikaiotatos gar ei tous tou hetairou logous apangellein. proteron de moi, ē dʼ hos, eipe, sy autos paregenou tē synousia tautē ē ou; kagō eipon hoti pantapasin eoike soi ouden diēgeisthai saphes ho diēgoumenos, ei neōsti hēgē tēn synousian gegonenai tautēn hēn erōtas, hōste kai eme paragenesthai. egō ge dē, ephē. pothen, ēn dʼ egō, ō Glaukōn; ouk oisthʼ hoti pollōn etōn Agathōn enthade ouk epidedēmēken, aphʼ hou dʼ egō Sōkratei syndiatribō kai epimeles pepoiēmai hekastēs hēmeras eidenai hoti an legē ē prattē, oudepō tria etē estin;
Translation coming soon for this language.
Source edition (provenance)
perseus:tlg0059.tlg011.perseus-grc2; plato:symposium; section 172; transliteration: greek-transliteration (build)