Languages

Work 2 · Passage 12

Work 2 · Passage 12

Plato

Greek

πρῶτον μὲν γάρ, ὥσπερ λέγω, ἔφη Φαῖδρον ἀρξάμενον ἐνθένδε ποθὲν λέγειν, ὅτι μέγας θεὸς εἴη ὁ Ἔρως καὶ θαυμαστὸς ἐν ἀνθρώποις τε καὶ θεοῖς, πολλαχῇ μὲν καὶ ἄλλῃ, οὐχ ἥκιστα δὲ κατὰ τὴν γένεσιν. τὸ γὰρ ἐν τοῖς πρεσβύτατον εἶναι τὸν θεὸν τίμιον, ἦ δʼ ὅς, τεκμήριον δὲ τούτου· γονῆς γὰρ Ἔρωτος οὔτʼ εἰσὶν οὔτε λέγονται ὑπʼ οὐδενὸς οὔτε ἰδιώτου οὔτε ποιητοῦ, ἀλλʼ Ἡσίοδος πρῶτον μὲν Χάος φησὶ γενέσθαι— αὐτὰρ ἔπειτα Γαῖʼ εὐρύστερνος, πάντων ἕδος ἀσφαλὲς αἰεί, ἠδʼ Ἔρος Hes. Theog. 116 Ἡσιόδῳ δὲ καὶ Ἀκουσίλεως σύμφησιν μετὰ τὸ Χάος δύο τούτω γενέσθαι, Γῆν τε καὶ ἔρωτα. Παρμενίδης δὲ τὴν γένεσιν λέγει— πρώτιστον μὲν ἔρωτα θεῶν μητίσατο πάντων. Parmenides Fr. 132 οὕτω πολλαχόθεν ὁμολογεῖται ὁ Ἔρως ἐν τοῖς πρεσβύτατος εἶναι. πρεσβύτατος δὲ ὢν μεγίστων ἀγαθῶν ἡμῖν αἴτιός ἐστιν. οὐ γὰρ ἔγωγʼ ἔχω εἰπεῖν ὅτι μεῖζόν ἐστιν ἀγαθὸν εὐθὺς νέῳ ὄντι ἢ ἐραστὴς χρηστὸς καὶ ἐραστῇ παιδικά. ὃ γὰρ χρὴ ἀνθρώποις ἡγεῖσθαι παντὸς τοῦ βίου τοῖς μέλλουσι καλῶς βιώσεσθαι, τοῦτο οὔτε συγγένεια οἵα τε ἐμποιεῖν οὕτω καλῶς οὔτε τιμαὶ οὔτε πλοῦτος οὔτʼ ἄλλο οὐδὲν ὡς ἔρως. λέγω δὲ δὴ τί τοῦτο; τὴν ἐπὶ μὲν τοῖς αἰσχροῖς αἰσχύνην, ἐπὶ δὲ τοῖς καλοῖς φιλοτιμίαν

Transliteration

prōton men gar, hōsper legō, ephē PHaidron arxamenon enthende pothen legein, hoti megas theos eiē ho Erōs kai thaumastos en anthrōpois te kai theois, pollachē men kai allē, ouch hēkista de kata tēn genesin. to gar en tois presbytaton einai ton theon timion, ē dʼ hos, tekmērion de toutoy gonēs gar Erōtos outʼ eisin oute legontai hypʼ oudenos oute idiōtou oute poiētou, allʼ hĒsiodos prōton men CHaos phēsi genesthai— autar epeita Gaiʼ eurysternos, pantōn hedos asphales aiei, ēdʼ Eros Hes. Theog. 116 hĒsiodō de kai Akousileōs symphēsin meta to CHaos dyo toutō genesthai, Gēn te kai erōta. Parmenidēs de tēn genesin legei— prōtiston men erōta theōn mētisato pantōn. Parmenides Fr. 132 houtō pollachothen homologeitai ho Erōs en tois presbytatos einai. presbytatos de ōn megistōn agathōn hēmin aitios estin. ou gar egōgʼ echō eipein hoti meizon estin agathon euthys neō onti ē erastēs chrēstos kai erastē paidika. ho gar chrē anthrōpois hēgeisthai pantos tou biou tois mellousi kalōs biōsesthai, touto oute syngeneia hoia te empoiein houtō kalōs oute timai oute ploutos outʼ allo ouden hōs erōs. legō de dē ti touto; tēn epi men tois aischrois aischynēn, epi de tois kalois philotimian

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 178 part 1; transliteration: greek-transliteration (build)

Share X Facebook