Languages

Work 2 · Passage 33

Work 2 · Passage 33

Plato

Greek

ἔπειτα ὅλον ἦν ἑκάστου τοῦ ἀνθρώπου τὸ εἶδος στρογγύλον, νῶτον καὶ πλευρὰς κύκλῳ ἔχον, χεῖρας δὲ τέτταρας εἶχε, καὶ σκέλη τὰ ἴσα ταῖς χερσίν, καὶ πρόσωπα δύʼ ἐπʼ αὐχένι κυκλοτερεῖ, ὅμοια πάντῃ· κεφαλὴν δʼ ἐπʼ ἀμφοτέροις τοῖς προσώποις ἐναντίοις κειμένοις μίαν, καὶ ὦτα τέτταρα, καὶ αἰδοῖα δύο, καὶ τἆλλα πάντα ὡς ἀπὸ τούτων ἄν τις εἰκάσειεν. ἐπορεύετο δὲ καὶ ὀρθὸν ὥσπερ νῦν, ὁποτέρωσε βουληθείη· καὶ ὁπότε ταχὺ ὁρμήσειεν θεῖν, ὥσπερ οἱ κυβιστῶντες καὶ εἰς ὀρθὸν τὰ σκέλη περιφερόμενοι κυβιστῶσι κύκλῳ, ὀκτὼ τότε οὖσι τοῖς μέλεσιν ἀπερειδόμενοι ταχὺ ἐφέροντο κύκλῳ. ἦν δὲ διὰ ταῦτα τρία τὰ γένη καὶ τοιαῦτα, ὅτι τὸ μὲν ἄρρεν ἦν τοῦ ἡλίου τὴν ἀρχὴν ἔκγονον, τὸ δὲ θῆλυ τῆς γῆς, τὸ δὲ ἀμφοτέρων μετέχον τῆς σελήνης, ὅτι καὶ ἡ σελήνη ἀμφοτέρων μετέχει· περιφερῆ δὲ δὴ ἦν καὶ αὐτὰ καὶ ἡ πορεία αὐτῶν διὰ τὸ τοῖς γονεῦσιν ὅμοια εἶναι. ἦν οὖν τὴν ἰσχὺν δεινὰ καὶ τὴν ῥώμην, καὶ τὰ φρονήματα μεγάλα εἶχον, ἐπεχείρησαν δὲ τοῖς θεοῖς, καὶ ὃ λέγει Ὅμηρος περὶ Ἐφιάλτου τε καὶ Ὤτου, περὶ ἐκείνων λέγεται, τὸ εἰς τὸν οὐρανὸν ἀνάβασιν ἐπιχειρεῖν ποιεῖν, ὡς ἐπιθησομένων τοῖς θεοῖς. ὁ οὖν Ζεὺς καὶ οἱ ἄλλοι θεοὶ ἐβουλεύοντο ὅτι χρὴ αὐτοὺς ποιῆσαι, καὶ ἠπόρουν· οὔτε γὰρ ὅπως ἀποκτείναιεν εἶχον καὶ ὥσπερ τοὺς γίγαντας κεραυνώσαντες τὸ γένος ἀφανίσαιεν—αἱ τιμαὶ γὰρ αὐτοῖς καὶ ἱερὰ τὰ παρὰ τῶν ἀνθρώπων ἠφανίζετο— οὔτε ὅπως ἐῷεν ἀσελγαίνειν. μόγις δὴ ὁ Ζεὺς ἐννοήσας λέγει ὅτι δοκῶ μοι, ἔφη, ἔχειν μηχανήν, ὡς ἂν εἶέν τε ἅνθρωποι καὶ παύσαιντο τῆς ἀκολασίας ἀσθενέστεροι γενόμενοι. νῦν μὲν γὰρ αὐτούς, ἔφη, διατεμῶ δίχα ἕκαστον, καὶ ἅμα μὲν ἀσθενέστεροι ἔσονται, ἅμα δὲ χρησιμώτεροι ἡμῖν διὰ τὸ πλείους τὸν ἀριθμὸν γεγονέναι

Transliteration

epeita holon ēn hekastou tou anthrōpou to eidos strongylon, nōton kai pleuras kyklō echon, cheiras de tettaras eiche, kai skelē ta isa tais chersin, kai prosōpa dyʼ epʼ aucheni kykloterei, homoia pantē kephalēn dʼ epʼ amphoterois tois prosōpois enantiois keimenois mian, kai ōta tettara, kai aidoia dyo, kai talla panta hōs apo toutōn an tis eikaseien. eporeueto de kai orthon hōsper nyn, hopoterōse boulētheiē kai hopote tachy hormēseien thein, hōsper hoi kybistōntes kai eis orthon ta skelē peripheromenoi kybistōsi kyklō, oktō tote ousi tois melesin apereidomenoi tachy epheronto kyklō. ēn de dia tauta tria ta genē kai toiauta, hoti to men arrhen ēn tou hēliou tēn archēn ekgonon, to de thēly tēs gēs, to de amphoterōn metechon tēs selēnēs, hoti kai hē selēnē amphoterōn metechei peripherē de dē ēn kai auta kai hē poreia autōn dia to tois goneusin homoia einai. ēn oun tēn ischyn deina kai tēn rhōmēn, kai ta phronēmata megala eichon, epecheirēsan de tois theois, kai ho legei hOmēros peri Ephialtou te kai Ōtou, peri ekeinōn legetai, to eis ton ouranon anabasin epicheirein poiein, hōs epithēsomenōn tois theois. ho oun Zeus kai hoi alloi theoi ebouleuonto hoti chrē autous poiēsai, kai ēporoun oute gar hopōs apokteinaien eichon kai hōsper tous gigantas keraunōsantes to genos haphanisaien—ai timai gar autois kai hiera ta para tōn anthrōpōn ēphanizeto— oute hopōs eōen aselgainein. mogis dē ho Zeus ennoēsas legei hoti dokō moi, ephē, echein mēchanēn, hōs an eien te hanthrōpoi kai pausainto tēs akolasias asthenesteroi genomenoi. nyn men gar autous, ephē, diatemō dicha hekaston, kai hama men asthenesteroi esontai, hama de chrēsimōteroi hēmin dia to pleious ton arithmon gegonenai

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 190 part 1; transliteration: greek-transliteration (build)

Share X Facebook