Work 2 · Passage 4
Plato
Greek
ἔφη γάρ οἱ Σωκράτη ἐντυχεῖν λελουμένον τε καὶ τὰς βλαύτας ὑποδεδεμένον, ἃ ἐκεῖνος ὀλιγάκις ἐποίει· καὶ ἐρέσθαι αὐτὸν ὅποι ἴοι οὕτω καλὸς γεγενημένος. καὶ τὸν εἰπεῖν ὅτι ἐπὶ δεῖπνον εἰς Ἀγάθωνος. χθὲς γὰρ αὐτὸν διέφυγον τοῖς ἐπινικίοις, φοβηθεὶς τὸν ὄχλον· ὡμολόγησα δʼ εἰς τήμερον παρέσεσθαι. ταῦτα δὴ ἐκαλλωπισάμην, ἵνα καλὸς παρὰ καλὸν ἴω. ἀλλὰ σύ, ἦ δʼ ὅς, πῶς ἔχεις πρὸς τὸ ἐθέλειν ἂν ἰέναι ἄκλητος ἐπὶ δεῖπνον; κἀγώ, ἔφη, εἶπον ὅτι οὕτως ὅπως ἂν σὺ κελεύῃς. ἕπου τοίνυν, ἔφη, ἵνα καὶ τὴν παροιμίαν διαφθείρωμεν μεταβαλόντες, ὡς ἄρα καὶ Ἀγάθωνʼ ἐπὶ δαῖτας ἴασιν αὐτόματοι ἀγαθοί. Ὅμηρος μὲν γὰρ κινδυνεύει οὐ μόνον διαφθεῖραι ἀλλὰ καὶ ὑβρίσαι εἰς ταύτην τὴν παροιμίαν· ποιήσας γὰρ τὸν Ἀγαμέμνονα διαφερόντως ἀγαθὸν ἄνδρα τὰ πολεμικά, τὸν δὲ Μενέλεων μαλθακὸν αἰχμητήν Hom. Il. 17.587 , θυσίαν ποιουμένου καὶ ἑστιῶντος τοῦ Ἀγαμέμνονος ἄκλητον ἐποίησεν ἐλθόντα τὸν Μενέλεων ἐπὶ τὴν θοίνην, χείρω ὄντα ἐπὶ τὴν τοῦ ἀμείνονος. ταῦτʼ ἀκούσας εἰπεῖν ἔφη ἴσως μέντοι κινδυνεύσω καὶ ἐγὼ οὐχ ὡς σὺ λέγεις, ὦ Σώκρατες, ἀλλὰ καθʼ Ὅμηρον φαῦλος ὢν ἐπὶ σοφοῦ ἀνδρὸς ἰέναι θοίνην ἄκλητος. ὅρα οὖν ἄγων με τί ἀπολογήσῃ, ὡς ἐγὼ μὲν οὐχ ὁμολογήσω ἄκλητος ἥκειν, ἀλλʼ ὑπὸ σοῦ κεκλημένος. σύν τε δύʼ, ἔφη, ἐρχομένω πρὸ ὁδοῦ βουλευσόμεθα ὅτι ἐροῦμεν. ἀλλʼ ἴωμεν. τοιαῦτʼ ἄττα σφᾶς ἔφη διαλεχθέντας ἰέναι. τὸν οὖν Σωκράτη ἑαυτῷ πως προσέχοντα τὸν νοῦν κατὰ τὴν ὁδὸν πορεύεσθαι ὑπολειπόμενον, καὶ περιμένοντος οὗ κελεύειν προϊέναι εἰς τὸ πρόσθεν. ἐπειδὴ δὲ γενέσθαι ἐπὶ τῇ οἰκίᾳ τῇ Ἀγάθωνος, ἀνεῳγμένην καταλαμβάνειν τὴν θύραν, καί τι ἔφη αὐτόθι γελοῖον παθεῖν. οἷ μὲν γὰρ εὐθὺς παῖδά τινα τῶν ἔνδοθεν ἀπαντήσαντα ἄγειν οὗ κατέκειντο οἱ ἄλλοι, καὶ καταλαμβάνειν ἤδη μέλλοντας δειπνεῖν· εὐθὺς δʼ οὖν ὡς ἰδεῖν τὸν Ἀγάθωνα, ὦ, φάναι, Ἀριστόδημε, εἰς καλὸν ἥκεις ὅπως συνδειπνήσῃς
Transliteration
ephē gar hoi Sōkratē entychein leloumenon te kai tas blautas hypodedemenon, ha ekeinos oligakis epoiei kai eresthai auton hopoi ioi houtō kalos gegenēmenos. kai ton eipein hoti epi deipnon eis Agathōnos. chthes gar auton diephygon tois epinikiois, phobētheis ton ochlon hōmologēsa dʼ eis tēmeron paresesthai. tauta dē ekallōpisamēn, hina kalos para kalon iō. alla sy, ē dʼ hos, pōs echeis pros to ethelein an ienai aklētos epi deipnon; kagō, ephē, eipon hoti houtōs hopōs an sy keleuēs. hepou toinyn, ephē, hina kai tēn paroimian diaphtheirōmen metabalontes, hōs ara kai Agathōnʼ epi daitas iasin automatoi agathoi. hOmēros men gar kindyneuei ou monon diaphtheirai alla kai hybrisai eis tautēn tēn paroimian poiēsas gar ton Agamemnona diapherontōs agathon andra ta polemika, ton de Meneleōn malthakon aichmētēn Hom. Il. 17.587 , thysian poioumenoy kai hestiōntos tou Agamemnonos aklēton epoiēsen elthonta ton Meneleōn epi tēn thoinēn, cheirō onta epi tēn tou ameinonos. tautʼ akousas eipein ephē isōs mentoi kindyneusō kai egō ouch hōs sy legeis, ō Sōkrates, alla kathʼ hOmēron phaulos ōn epi sophou andros ienai thoinēn aklētos. hora oun agōn me ti apologēsē, hōs egō men ouch homologēsō aklētos hēkein, allʼ hypo sou keklēmenos. syn te dyʼ, ephē, erchomenō pro hodou bouleusometha hoti eroumen. allʼ iōmen. toiautʼ atta sphas ephē dialechthentas ienai. ton oun Sōkratē heautō pōs prosechonta ton noun kata tēn hodon poreuesthai hypoleipomenon, kai perimenontos hou keleuein proienai eis to prosthen. epeidē de genesthai epi tē oikia tē Agathōnos, aneōgmenēn katalambanein tēn thyran, kai ti ephē autothi geloion pathein. hoi men gar euthys paida tina tōn endothen apantēsanta agein hou katekeinto hoi alloi, kai katalambanein ēdē mellontas deipnein euthys dʼ oun hōs idein ton Agathōna, ō, phanai, Aristodēme, eis kalon hēkeis hopōs syndeipnēsēs
Translation coming soon for this language.
Source edition (provenance)
perseus:tlg0059.tlg011.perseus-grc2; plato:symposium; section 174 part 1; transliteration: greek-transliteration (build)