Work 2 · Passage 48
Plato
Greek
εἰπόντος δὲ τοῦ Ἀγάθωνος πάντας ἔφη ὁ Ἀριστόδημος ἀναθορυβῆσαι τοὺς παρόντας, ὡς πρεπόντως τοῦ νεανίσκου εἰρηκότος καὶ αὑτῷ καὶ τῷ θεῷ. τὸν οὖν Σωκράτη εἰπεῖν βλέψαντα εἰς τὸν Ἐρυξίμαχον, ἆρά σοι δοκῶ, φάναι, ὦ παῖ Ἀκουμενοῦ, ἀδεὲς πάλαι δέος δεδιέναι, ἀλλʼ οὐ μαντικῶς ἃ νυνδὴ ἔλεγον εἰπεῖν, ὅτι Ἀγάθων θαυμαστῶς ἐροῖ, ἐγὼ δʼ ἀπορήσοιμι; τὸ μὲν ἕτερον, φάναι τὸν Ἐρυξίμαχον, μαντικῶς μοι δοκεῖς εἰρηκέναι, ὅτι Ἀγάθων εὖ ἐρεῖ· τὸ δὲ σὲ ἀπορήσειν, οὐκ οἶμαι. καὶ πῶς, ὦ μακάριε, εἰπεῖν τὸν Σωκράτη, οὐ μέλλω ἀπορεῖν καὶ ἐγὼ καὶ ἄλλος ὁστισοῦν, μέλλων λέξειν μετὰ καλὸν οὕτω καὶ παντοδαπὸν λόγον ῥηθέντα; καὶ τὰ μὲν ἄλλα οὐχ ὁμοίως μὲν θαυμαστά· τὸ δὲ ἐπὶ τελευτῆς τοῦ κάλλους τῶν ὀνομάτων καὶ ῥημάτων τίς οὐκ ἂν ἐξεπλάγη ἀκούων; ἐπεὶ ἔγωγε ἐνθυμούμενος ὅτι αὐτὸς οὐχ οἷός τʼ ἔσομαι οὐδʼ ἐγγὺς τούτων οὐδὲν καλὸν εἰπεῖν, ὑπʼ αἰσχύνης ὀλίγου ἀποδρὰς ᾠχόμην, εἴ πῃ εἶχον. καὶ γάρ με Γοργίου ὁ λόγος ἀνεμίμνῃσκεν, ὥστε ἀτεχνῶς τὸ τοῦ Ὁμήρου ἐπεπόνθη· ἐφοβούμην μή μοι τελευτῶν ὁ Ἀγάθων Γοργίου κεφαλὴν δεινοῦ λέγειν ἐν τῷ λόγῳ ἐπὶ τὸν ἐμὸν λόγον πέμψας αὐτόν με λίθον τῇ ἀφωνίᾳ ποιήσειεν. καὶ ἐνενόησα τότε ἄρα καταγέλαστος ὤν, ἡνίκα ὑμῖν ὡμολόγουν ἐν τῷ μέρει μεθʼ ὑμῶν ἐγκωμιάσεσθαι τὸν ἔρωτα καὶ ἔφην εἶναι δεινὸς τὰ ἐρωτικά, οὐδὲν εἰδὼς ἄρα τοῦ πράγματος, ὡς ἔδει ἐγκωμιάζειν ὁτιοῦν. ἐγὼ μὲν γὰρ ὑπʼ ἀβελτερίας ᾤμην δεῖν τἀληθῆ λέγειν περὶ ἑκάστου τοῦ ἐγκωμιαζομένου, καὶ τοῦτο μὲν ὑπάρχειν, ἐξ αὐτῶν δὲ τούτων τὰ κάλλιστα ἐκλεγομένους ὡς εὐπρεπέστατα τιθέναι· καὶ πάνυ δὴ μέγα ἐφρόνουν ὡς εὖ ἐρῶν, ὡς εἰδὼς τὴν ἀλήθειαν τοῦ ἐπαινεῖν ὁτιοῦν. τὸ δὲ ἄρα, ὡς ἔοικεν, οὐ τοῦτο ἦν τὸ καλῶς ἐπαινεῖν ὁτιοῦν, ἀλλὰ τὸ ὡς μέγιστα ἀνατιθέναι τῷ πράγματι καὶ ὡς κάλλιστα, ἐάν τε ᾖ οὕτως ἔχοντα ἐάν τε μή
Transliteration
eipontos de tou Agathōnos pantas ephē ho Aristodēmos anathorybēsai tous parontas, hōs prepontōs tou neaniskou eirēkotos kai hautō kai tō theō. ton oun Sōkratē eipein blepsanta eis ton Eryximachon, ara soi dokō, phanai, ō pai Akoumenoy, adees palai deos dedienai, allʼ ou mantikōs ha nyndē elegon eipein, hoti Agathōn thaumastōs eroi, egō dʼ aporēsoimi; to men heteron, phanai ton Eryximachon, mantikōs moi dokeis eirēkenai, hoti Agathōn eu erei to de se aporēsein, ouk oimai. kai pōs, ō makarie, eipein ton Sōkratē, ou mellō aporein kai egō kai allos hostisoun, mellōn lexein meta kalon houtō kai pantodapon logon rhēthenta; kai ta men alla ouch homoiōs men thaumasta to de epi teleutēs tou kallous tōn onomatōn kai rhēmatōn tis ouk an exeplagē akouōn; epei egōge enthymoumenos hoti autos ouch hoios tʼ esomai oudʼ engys toutōn ouden kalon eipein, hypʼ aischynēs oligou apodras ōchomēn, ei pē eichon. kai gar me Gorgiou ho logos anemimnēsken, hōste atechnōs to tou hOmērou epeponthē ephoboumēn mē moi teleutōn ho Agathōn Gorgiou kephalēn deinou legein en tō logō epi ton emon logon pempsas auton me lithon tē aphōnia poiēseien. kai enenoēsa tote ara katagelastos ōn, hēnika hymin hōmologoun en tō merei methʼ hymōn enkōmiasesthai ton erōta kai ephēn einai deinos ta erōtika, ouden eidōs ara tou pragmatos, hōs edei enkōmiazein hotioun. egō men gar hypʼ abelterias ōmēn dein talēthē legein peri hekastou tou enkōmiazomenou, kai touto men hyparchein, ex autōn de toutōn ta kallista eklegomenous hōs euprepestata tithenai kai pany dē mega ephronoun hōs eu erōn, hōs eidōs tēn alētheian tou epainein hotioun. to de ara, hōs eoiken, ou touto ēn to kalōs epainein hotioun, alla to hōs megista anatithenai tō pragmati kai hōs kallista, ean te ē houtōs echonta ean te mē
Translation coming soon for this language.
Source edition (provenance)
perseus:tlg0059.tlg011.perseus-grc2; plato:symposium; section 198 part 1; transliteration: greek-transliteration (build)