Languages

Work 2 · Passage 58

Work 2 · Passage 58

Plato

Greek

διὰ τούτου καὶ ἡ μαντικὴ πᾶσα χωρεῖ καὶ ἡ τῶν ἱερέων τέχνη τῶν τε περὶ τὰς θυσίας καὶ τελετὰς καὶ τὰς ἐπῳδὰς καὶ τὴν μαντείαν πᾶσαν καὶ γοητείαν. θεὸς δὲ ἀνθρώπῳ οὐ μείγνυται, ἀλλὰ διὰ τούτου πᾶσά ἐστιν ἡ ὁμιλία καὶ ἡ διάλεκτος θεοῖς πρὸς ἀνθρώπους, καὶ ἐγρηγορόσι καὶ καθεύδουσι· καὶ ὁ μὲν περὶ τὰ τοιαῦτα σοφὸς δαιμόνιος ἀνήρ, ὁ δὲ ἄλλο τι σοφὸς ὢν ἢ περὶ τέχνας ἢ χειρουργίας τινὰς βάναυσος. οὗτοι δὴ οἱ δαίμονες πολλοὶ καὶ παντοδαποί εἰσιν, εἷς δὲ τούτων ἐστὶ καὶ ὁ Ἔρως. πατρὸς δέ, ἦν δʼ ἐγώ, τίνος ἐστὶ καὶ μητρός; μακρότερον μέν, ἔφη, διηγήσασθαι· ὅμως δέ σοι ἐρῶ. ὅτε γὰρ ἐγένετο ἡ Ἀφροδίτη, ἡστιῶντο οἱ θεοὶ οἵ τε ἄλλοι καὶ ὁ τῆς Μήτιδος ὑὸς Πόρος. ἐπειδὴ δὲ ἐδείπνησαν, προσαιτήσουσα οἷον δὴ εὐωχίας οὔσης ἀφίκετο ἡ Πενία, καὶ ἦν περὶ τὰς θύρας. ὁ οὖν Πόρος μεθυσθεὶς τοῦ νέκταρος— οἶνος γὰρ οὔπω ἦν—εἰς τὸν τοῦ Διὸς κῆπον εἰσελθὼν βεβαρημένος ηὗδεν. ἡ οὖν Πενία ἐπιβουλεύουσα διὰ τὴν αὑτῆς ἀπορίαν παιδίον ποιήσασθαι ἐκ τοῦ Πόρου, κατακλίνεταί τε παρʼ αὐτῷ καὶ ἐκύησε τὸν ἔρωτα. διὸ δὴ καὶ τῆς Ἀφροδίτης ἀκόλουθος καὶ θεράπων γέγονεν ὁ Ἔρως, γεννηθεὶς ἐν τοῖς ἐκείνης γενεθλίοις, καὶ ἅμα φύσει ἐραστὴς ὢν περὶ τὸ καλὸν καὶ τῆς Ἀφροδίτης καλῆς οὔσης. ἅτε οὖν Πόρου καὶ Πενίας ὑὸς ὢν ὁ Ἔρως ἐν τοιαύτῃ τύχῃ καθέστηκεν. πρῶτον μὲν πένης ἀεί ἐστι, καὶ πολλοῦ δεῖ ἁπαλός τε καὶ καλός, οἷον οἱ πολλοὶ οἴονται, ἀλλὰ σκληρὸς καὶ αὐχμηρὸς καὶ ἀνυπόδητος καὶ ἄοικος, χαμαιπετὴς ἀεὶ ὢν καὶ ἄστρωτος, ἐπὶ θύραις καὶ ἐν ὁδοῖς ὑπαίθριος κοιμώμενος, τὴν τῆς μητρὸς φύσιν ἔχων, ἀεὶ ἐνδείᾳ σύνοικος. κατὰ δὲ αὖ τὸν πατέρα ἐπίβουλός ἐστι τοῖς καλοῖς καὶ τοῖς ἀγαθοῖς, ἀνδρεῖος ὢν καὶ ἴτης καὶ σύντονος, θηρευτὴς δεινός, ἀεί τινας πλέκων μηχανάς, καὶ φρονήσεως ἐπιθυμητὴς καὶ πόριμος, φιλοσοφῶν διὰ παντὸς τοῦ βίου, δεινὸς γόης καὶ φαρμακεὺς καὶ σοφιστής

Transliteration

dia toutoy kai hē mantikē pasa chōrei kai hē tōn hiereōn technē tōn te peri tas thysias kai teletas kai tas epōdas kai tēn manteian pasan kai goēteian. theos de anthrōpō ou meignytai, alla dia toutoy pasa estin hē homilia kai hē dialektos theois pros anthrōpous, kai egrēgorosi kai katheudousi kai ho men peri ta toiauta sophos daimonios anēr, ho de allo ti sophos ōn ē peri technas ē cheirourgias tinas banausos. houtoi dē hoi daimones polloi kai pantodapoi eisin, heis de toutōn esti kai ho Erōs. patros de, ēn dʼ egō, tinos esti kai mētros; makroteron men, ephē, diēgēsasthai homōs de soi erō. hote gar egeneto hē Aphroditē, hēstiōnto hoi theoi hoi te alloi kai ho tēs Mētidos hyos Poros. epeidē de edeipnēsan, prosaitēsousa hoion dē euōchias ousēs aphiketo hē Penia, kai ēn peri tas thyras. ho oun Poros methystheis tou nektaros— oinos gar oupō ēn—eis ton tou Dios kēpon eiselthōn bebarēmenos hēuden. hē oun Penia epibouleuoysa dia tēn hautēs aporian paidion poiēsasthai ek tou Porou, kataklinetai te parʼ autō kai ekyēse ton erōta. dio dē kai tēs Aphroditēs akolouthos kai therapōn gegonen ho Erōs, gennētheis en tois ekeinēs genethliois, kai hama physei erastēs ōn peri to kalon kai tēs Aphroditēs kalēs ousēs. hate oun Porou kai Penias hyos ōn ho Erōs en toiautē tychē kathestēken. prōton men penēs aei esti, kai pollou dei hapalos te kai kalos, hoion hoi polloi oiontai, alla sklēros kai auchmēros kai anypodētos kai aoikos, chamaipetēs aei ōn kai astrōtos, epi thyrais kai en hodois hypaithrios koimōmenos, tēn tēs mētros physin echōn, aei endeia synoikos. kata de au ton patera epiboulos esti tois kalois kai tois agathois, andreios ōn kai itēs kai syntonos, thēreutēs deinos, aei tinas plekōn mēchanas, kai phronēseōs epithymētēs kai porimos, philosophōn dia pantos tou biou, deinos goēs kai pharmakeus kai sophistēs

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 203 part 1; transliteration: greek-transliteration (build)

Share X Facebook