Languages

Work 2 · Passage 64

Work 2 · Passage 64

Plato

Greek

οὐ γὰρ τὸ ἑαυτῶν οἶμαι ἕκαστοι ἀσπάζονται, εἰ μὴ εἴ τις τὸ μὲν ἀγαθὸν οἰκεῖον καλεῖ καὶ ἑαυτοῦ, τὸ δὲ κακὸν ἀλλότριον· ὡς οὐδέν γε ἄλλο ἐστὶν οὗ ἐρῶσιν ἅνθρωποι ἢ τοῦ ἀγαθοῦ. ἢ σοὶ δοκοῦσιν; μὰ Δίʼ οὐκ ἔμοιγε, ἦν δʼ ἐγώ. ἆρʼ οὖν, ἦ δʼ ἥ, οὕτως ἁπλοῦν ἐστι λέγειν ὅτι οἱ ἄνθρωποι τἀγαθοῦ ἐρῶσιν; ναί, ἔφην. τί δέ; οὐ προσθετέον, ἔφη, ὅτι καὶ εἶναι τὸ ἀγαθὸν αὑτοῖς ἐρῶσιν; προσθετέον. ἆρʼ οὖν, ἔφη, καὶ οὐ μόνον εἶναι, ἀλλὰ καὶ ἀεὶ εἶναι; καὶ τοῦτο προσθετέον. ἔστιν ἄρα συλλήβδην, ἔφη, ὁ ἔρως τοῦ τὸ ἀγαθὸν αὑτῷ εἶναι ἀεί. ἀληθέστατα, ἔφην ἐγώ, λέγεις. ὅτε δὴ τοῦτο ὁ ἔρως ἐστὶν ἀεί, ἦ δʼ ἥ, τῶν τίνα τρόπον διωκόντων αὐτὸ καὶ ἐν τίνι πράξει ἡ σπουδὴ καὶ ἡ σύντασις ἔρως ἂν καλοῖτο; τί τοῦτο τυγχάνει ὂν τὸ ἔργον; ἔχεις εἰπεῖν; οὐ μεντἂν σέ, ἔφην ἐγώ, ὦ Διοτίμα, ἐθαύμαζον ἐπὶ σοφίᾳ καὶ ἐφοίτων παρὰ σὲ αὐτὰ ταῦτα μαθησόμενος. ἀλλὰ ἐγώ σοι, ἔφη, ἐρῶ. ἔστι γὰρ τοῦτο τόκος ἐν καλῷ καὶ κατὰ τὸ σῶμα καὶ κατὰ τὴν ψυχήν. μαντείας, ἦν δʼ ἐγώ, δεῖται ὅτι ποτε λέγεις, καὶ οὐ μανθάνω. ἀλλʼ ἐγώ, ἦ δʼ ἥ, σαφέστερον ἐρῶ. κυοῦσιν γάρ, ἔφη, ὦ Σώκρατες, πάντες ἄνθρωποι καὶ κατὰ τὸ σῶμα καὶ κατὰ τὴν ψυχήν, καὶ ἐπειδὰν ἔν τινι ἡλικίᾳ γένωνται, τίκτειν ἐπιθυμεῖ ἡμῶν ἡ φύσις. τίκτειν δὲ ἐν μὲν αἰσχρῷ οὐ δύναται, ἐν δὲ τῷ καλῷ. ἡ γὰρ ἀνδρὸς καὶ γυναικὸς συνουσία τόκος ἐστίν. ἔστι δὲ τοῦτο θεῖον τὸ πρᾶγμα, καὶ τοῦτο ἐν θνητῷ ὄντι τῷ ζῴῳ ἀθάνατον ἔνεστιν, ἡ κύησις καὶ ἡ γέννησις. τὰ δὲ ἐν τῷ ἀναρμόστῳ ἀδύνατον γενέσθαι. ἀνάρμοστον δʼ ἐστὶ τὸ αἰσχρὸν παντὶ τῷ θείῳ, τὸ δὲ καλὸν ἁρμόττον. Μοῖρα οὖν καὶ Εἰλείθυια ἡ Καλλονή ἐστι τῇ γενέσει. διὰ ταῦτα ὅταν μὲν καλῷ προσπελάζῃ τὸ κυοῦν, ἵλεών τε γίγνεται καὶ εὐφραινόμενον διαχεῖται καὶ τίκτει τε καὶ γεννᾷ

Transliteration

ou gar to heautōn oimai hekastoi aspazontai, ei mē ei tis to men agathon oikeion kalei kai heautou, to de kakon allotrion hōs ouden ge allo estin hou erōsin hanthrōpoi ē tou agathou. ē soi dokousin; ma Diʼ ouk emoige, ēn dʼ egō. arʼ oun, ē dʼ hē, houtōs haploun esti legein hoti hoi anthrōpoi tagathou erōsin; nai, ephēn. ti de; ou prostheteon, ephē, hoti kai einai to agathon hautois erōsin; prostheteon. arʼ oun, ephē, kai ou monon einai, alla kai aei einai; kai touto prostheteon. estin ara syllēbdēn, ephē, ho erōs tou to agathon hautō einai aei. alēthestata, ephēn egō, legeis. hote dē touto ho erōs estin aei, ē dʼ hē, tōn tina tropon diōkontōn auto kai en tini praxei hē spoudē kai hē syntasis erōs an kaloito; ti touto tynchanei on to ergon; echeis eipein; ou mentan se, ephēn egō, ō Diotima, ethaumazon epi sophia kai ephoitōn para se auta tauta mathēsomenos. alla egō soi, ephē, erō. esti gar touto tokos en kalō kai kata to sōma kai kata tēn psychēn. manteias, ēn dʼ egō, deitai hoti pote legeis, kai ou manthanō. allʼ egō, ē dʼ hē, saphesteron erō. kyousin gar, ephē, ō Sōkrates, pantes anthrōpoi kai kata to sōma kai kata tēn psychēn, kai epeidan en tini hēlikia genōntai, tiktein epithymei hēmōn hē physis. tiktein de en men aischrō ou dynatai, en de tō kalō. hē gar andros kai gynaikos synousia tokos estin. esti de touto theion to pragma, kai touto en thnētō onti tō zōō athanaton enestin, hē kyēsis kai hē gennēsis. ta de en tō anarmostō adynaton genesthai. anarmoston dʼ esti to aischron panti tō theiō, to de kalon harmotton. Moira oun kai Eileithuia hē Kallonē esti tē genesei. dia tauta hotan men kalō prospelazē to kyoun, hileōn te gignetai kai euphrainomenon diacheitai kai tiktei te kai genna

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 206 part 1; transliteration: greek-transliteration (build)

Share X Facebook