Work 2 · Passage 66
Plato
Greek
πάνυ μὲν οὖν, ἔφη. τί δὴ οὖν τῆς γεννήσεως; ὅτι ἀειγενές ἐστι καὶ ἀθάνατον ὡς θνητῷ ἡ γέννησις. ἀθανασίας δὲ ἀναγκαῖον ἐπιθυμεῖν μετὰ ἀγαθοῦ ἐκ τῶν ὡμολογημένων, εἴπερ τοῦ ἀγαθοῦ ἑαυτῷ εἶναι ἀεὶ ἔρως ἐστίν. ἀναγκαῖον δὴ ἐκ τούτου τοῦ λόγου καὶ τῆς ἀθανασίας τὸν ἔρωτα εἶναι.ταῦτά τε οὖν πάντα ἐδίδασκέ με, ὁπότε περὶ τῶν ἐρωτικῶν λόγους ποιοῖτο, καί ποτε ἤρετο τί οἴει, ὦ Σώκρατες, αἴτιον εἶναι τούτου τοῦ ἔρωτος καὶ τῆς ἐπιθυμίας; ἢ οὐκ αἰσθάνῃ ὡς δεινῶς διατίθεται πάντα τὰ θηρία ἐπειδὰν γεννᾶν ἐπιθυμήσῃ, καὶ τὰ πεζὰ καὶ τὰ πτηνά, νοσοῦντά τε πάντα καὶ ἐρωτικῶς διατιθέμενα, πρῶτον μὲν περὶ τὸ συμμιγῆναι ἀλλήλοις, ἔπειτα περὶ τὴν τροφὴν τοῦ γενομένου, καὶ ἕτοιμά ἐστιν ὑπὲρ τούτων καὶ διαμάχεσθαι τὰ ἀσθενέστατα τοῖς ἰσχυροτάτοις καὶ ὑπεραποθνῄσκειν, καὶ αὐτὰ τῷ λιμῷ παρατεινόμενα ὥστʼ ἐκεῖνα ἐκτρέφειν, καὶ ἄλλο πᾶν ποιοῦντα. τοὺς μὲν γὰρ ἀνθρώπους, ἔφη, οἴοιτʼ ἄν τις ἐκ λογισμοῦ ταῦτα ποιεῖν· τὰ δὲ θηρία τίς αἰτία οὕτως ἐρωτικῶς διατίθεσθαι; ἔχεις λέγειν; καὶ ἐγὼ αὖ ἔλεγον ὅτι οὐκ εἰδείην· ἣ δʼ εἶπεν, Διανοῇ οὖν δεινός ποτε γενήσεσθαι τὰ ἐρωτικά, ἐὰν ταῦτα μὴ ἐννοῇς; ἀλλὰ διὰ ταῦτά τοι, ὦ Διοτίμα, ὅπερ νυνδὴ εἶπον, παρὰ σὲ ἥκω, γνοὺς ὅτι διδασκάλων δέομαι. ἀλλά μοι λέγε καὶ τούτων τὴν αἰτίαν καὶ τῶν ἄλλων τῶν περὶ τὰ ἐρωτικά. εἰ τοίνυν, ἔφη, πιστεύεις ἐκείνου εἶναι φύσει τὸν ἔρωτα, οὗ πολλάκις ὡμολογήκαμεν, μὴ θαύμαζε. ἐνταῦθα γὰρ τὸν αὐτὸν ἐκείνῳ λόγον ἡ θνητὴ φύσις ζητεῖ κατὰ τὸ δυνατὸν ἀεί τε εἶναι καὶ ἀθάνατος. δύναται δὲ ταύτῃ μόνον, τῇ γενέσει, ὅτι ἀεὶ καταλείπει ἕτερον νέον ἀντὶ τοῦ παλαιοῦ, ἐπεὶ καὶ ἐν ᾧ ἓν ἕκαστον τῶν ζῴων ζῆν καλεῖται καὶ εἶναι τὸ αὐτό—οἷον ἐκ παιδαρίου ὁ αὐτὸς λέγεται ἕως ἂν πρεσβύτης γένηται
Transliteration
pany men oun, ephē. ti dē oun tēs gennēseōs; hoti aeigenes esti kai athanaton hōs thnētō hē gennēsis. athanasias de anankaion epithymein meta agathou ek tōn hōmologēmenōn, eiper tou agathou heautō einai aei erōs estin. anankaion dē ek toutoy tou logou kai tēs athanasias ton erōta einai.tauta te oun panta edidaske me, hopote peri tōn erōtikōn logous poioito, kai pote ēreto ti oiei, ō Sōkrates, aition einai toutoy tou erōtos kai tēs epithymias; ē ouk aisthanē hōs deinōs diatithetai panta ta thēria epeidan gennan epithymēsē, kai ta peza kai ta ptēna, nosounta te panta kai erōtikōs diatithemena, prōton men peri to symmigēnai allēlois, epeita peri tēn trophēn tou genomenou, kai hetoima estin hyper toutōn kai diamachesthai ta asthenestata tois ischyrotatois kai hyperapothnēskein, kai auta tō limō parateinomena hōstʼ ekeina ektrephein, kai allo pan poiounta. tous men gar anthrōpous, ephē, oioitʼ an tis ek logismou tauta poiein ta de thēria tis aitia houtōs erōtikōs diatithesthai; echeis legein; kai egō au elegon hoti ouk eideiēn hē dʼ eipen, Dianoē oun deinos pote genēsesthai ta erōtika, ean tauta mē ennoēs; alla dia tauta toi, ō Diotima, hoper nyndē eipon, para se hēkō, gnous hoti didaskalōn deomai. alla moi lege kai toutōn tēn aitian kai tōn allōn tōn peri ta erōtika. ei toinyn, ephē, pisteueis ekeinou einai physei ton erōta, hou pollakis hōmologēkamen, mē thaumaze. entautha gar ton auton ekeinō logon hē thnētē physis zētei kata to dynaton aei te einai kai athanatos. dynatai de tautē monon, tē genesei, hoti aei kataleipei heteron neon anti tou palaiou, epei kai en hō hen hekaston tōn zōōn zēn kaleitai kai einai to hauto—oion ek paidariou ho autos legetai heōs an presbytēs genētai
Translation coming soon for this language.
Source edition (provenance)
perseus:tlg0059.tlg011.perseus-grc2; plato:symposium; section 207 part 1; transliteration: greek-transliteration (build)