Languages

Work 2 · Passage 8

Work 2 · Passage 8

Plato

Greek

μετὰ ταῦτα, ἔφη, κατακλινέντος τοῦ Σωκράτους καὶ δειπνήσαντος καὶ τῶν ἄλλων, σπονδάς τε σφᾶς ποιήσασθαι, καὶ ᾁσαντας τὸν θεὸν καὶ τἆλλα τὰ νομιζόμενα, τρέπεσθαι πρὸς τὸν πότον· τὸν οὖν Παυσανίαν ἔφη λόγου τοιούτου τινὸς κατάρχειν. εἶεν, ἄνδρες, φάναι, τίνα τρόπον ῥᾷστα πιόμεθα; ἐγὼ μὲν οὖν λέγω ὑμῖν ὅτι τῷ ὄντι πάνυ χαλεπῶς ἔχω ὑπὸ τοῦ χθὲς πότου καὶ δέομαι ἀναψυχῆς τινος—οἶμαι δὲ καὶ ὑμῶν τοὺς πολλούς· παρῆστε γὰρ χθές—σκοπεῖσθε οὖν τίνι τρόπῳ ἂν ὡς ῥᾷστα πίνοιμεν. τὸν οὖν Ἀριστοφάνη εἰπεῖν, τοῦτο μέντοι εὖ λέγεις, ὦ Παυσανία, τὸ παντὶ τρόπῳ παρασκευάσασθαι ῥᾳστώνην τινὰ τῆς πόσεως· καὶ γὰρ αὐτός εἰμι τῶν χθὲς βεβαπτισμένων. ἀκούσαντα οὖν αὐτῶν ἔφη Ἐρυξίμαχον τὸν Ἀκουμενοῦ ἦ καλῶς, φάναι, λέγετε. καὶ ἔτι ἑνὸς δέομαι ὑμῶν ἀκοῦσαι πῶς ἔχει πρὸς τὸ ἐρρῶσθαι πίνειν, Ἀγάθωνος. οὐδαμῶς, φάναι, οὐδʼ αὐτὸς ἔρρωμαι. Ἕρμαιον ἂν εἴη ἡμῖν, ἦ δʼ ὅς, ὡς ἔοικεν, ἐμοί τε καὶ Ἀριστοδήμῳ καὶ Φαίδρῳ καὶ τοῖσδε, εἰ ὑμεῖς οἱ δυνατώτατοι πίνειν νῦν ἀπειρήκατε· ἡμεῖς μὲν γὰρ ἀεὶ ἀδύνατοι. Σωκράτη δʼ ἐξαιρῶ λόγου· ἱκανὸς γὰρ καὶ ἀμφότερα, ὥστʼ ἐξαρκέσει αὐτῷ ὁπότερʼ ἂν ποιῶμεν. ἐπειδὴ οὖν μοι δοκεῖ οὐδεὶς τῶν παρόντων προθύμως ἔχειν πρὸς τὸ πολὺν πίνειν οἶνον, ἴσως ἂν ἐγὼ περὶ τοῦ μεθύσκεσθαι οἷόν ἐστι τἀληθῆ λέγων ἧττον ἂν εἴην ἀηδής. ἐμοὶ γὰρ δὴ τοῦτό γε οἶμαι κατάδηλον γεγονέναι ἐκ τῆς ἰατρικῆς, ὅτι χαλεπὸν τοῖς ἀνθρώποις ἡ μέθη ἐστίν· καὶ οὔτε αὐτὸς ἑκὼν εἶναι πόρρω ἐθελήσαιμι ἂν πιεῖν οὔτε ἄλλῳ συμβουλεύσαιμι, ἄλλως τε καὶ κραιπαλῶντα ἔτι ἐκ τῆς προτεραίας. ἀλλὰ μήν, ἔφη φάναι ὑπολαβόντα Φαῖδρον τὸν Μυρρινούσιον, ἔγωγέ σοι εἴωθα πείθεσθαι ἄλλως τε καὶ ἅττʼ ἂν περὶ ἰατρικῆς λέγῃς

Transliteration

meta tauta, ephē, kataklinentos tou Sōkratous kai deipnēsantos kai tōn allōn, spondas te sphas poiēsasthai, kai hasantas ton theon kai talla ta nomizomena, trepesthai pros ton poton ton oun Pausanian ephē logou toioutoy tinos katarchein. eien, andres, phanai, tina tropon rhasta piometha; egō men oun legō hymin hoti tō onti pany chalepōs echō hypo tou chthes potou kai deomai anapsychēs tinos—oimai de kai hymōn tous pollous parēste gar chthes—skopeisthe oun tini tropō an hōs rhasta pinoimen. ton oun Aristophanē eipein, touto mentoi eu legeis, ō Pausania, to panti tropō paraskeuasasthai rhastōnēn tina tēs poseōs kai gar autos eimi tōn chthes bebaptismenōn. akousanta oun autōn ephē Eryximachon ton Akoumenoy ē kalōs, phanai, legete. kai eti henos deomai hymōn akousai pōs echei pros to errhōsthai pinein, Agathōnos. oudamōs, phanai, oudʼ autos errhōmai. hErmaion an eiē hēmin, ē dʼ hos, hōs eoiken, emoi te kai Aristodēmō kai PHaidrō kai toisde, ei hymeis hoi dynatōtatoi pinein nyn apeirēkate hēmeis men gar aei adynatoi. Sōkratē dʼ exairō logou hikanos gar kai amphotera, hōstʼ exarkesei autō hopoterʼ an poiōmen. epeidē oun moi dokei oudeis tōn parontōn prothymōs echein pros to polyn pinein oinon, isōs an egō peri tou methyskesthai hoion esti talēthē legōn hētton an eiēn aēdēs. emoi gar dē touto ge oimai katadēlon gegonenai ek tēs iatrikēs, hoti chalepon tois anthrōpois hē methē estin kai oute autos hekōn einai porrhō ethelēsaimi an piein oute allō symbouleusaimi, allōs te kai kraipalōnta eti ek tēs proteraias. alla mēn, ephē phanai hypolabonta PHaidron ton Myrrhinousion, egōge soi eiōtha peithesthai allōs te kai hattʼ an peri iatrikēs legēs

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 176 part 1; transliteration: greek-transliteration (build)

Share X Facebook