Work 2 · Passage 91
Plato
Greek
ἔτι τοίνυν, ὦ ἄνδρες, ἄξιον ἦν θεάσασθαι Σωκράτη, ὅτε ἀπὸ Δηλίου φυγῇ ἀνεχώρει τὸ στρατόπεδον· ἔτυχον γὰρ παραγενόμενος ἵππον ἔχων, οὗτος δὲ ὅπλα. ἀνεχώρει οὖν ἐσκεδασμένων ἤδη τῶν ἀνθρώπων οὗτός τε ἅμα καὶ Λάχης· καὶ ἐγὼ περιτυγχάνω, καὶ ἰδὼν εὐθὺς παρακελεύομαί τε αὐτοῖν θαρρεῖν, καὶ ἔλεγον ὅτι οὐκ ἀπολείψω αὐτώ. ἐνταῦθα δὴ καὶ κάλλιον ἐθεασάμην Σωκράτη ἢ ἐν Ποτειδαίᾳ—αὐτὸς γὰρ ἧττον ἐν φόβῳ ἦ διὰ τὸ ἐφʼ ἵππου εἶναι—πρῶτον μὲν ὅσον περιῆν Λάχητος τῷ ἔμφρων εἶναι· ἔπειτα ἔμοιγʼ ἐδόκει, ὦ Ἀριστόφανες, τὸ σὸν δὴ τοῦτο, καὶ ἐκεῖ διαπορεύεσθαι ὥσπερ καὶ ἐνθάδε, βρενθυόμενος καὶ τὠφθαλμὼ παραβάλλων Aristoph. Clouds 362 , ἠρέμα παρασκοπῶν καὶ τοὺς φιλίους καὶ τοὺς πολεμίους, δῆλος ὢν παντὶ καὶ πάνυ πόρρωθεν ὅτι εἴ τις ἅψεται τούτου τοῦ ἀνδρός, μάλα ἐρρωμένως ἀμυνεῖται. διὸ καὶ ἀσφαλῶς ἀπῄει καὶ οὗτος καὶ ὁ ἑταῖρος· σχεδὸν γάρ τι τῶν οὕτω διακειμένων ἐν τῷ πολέμῳ οὐδὲ ἅπτονται, ἀλλὰ τοὺς προτροπάδην φεύγοντας διώκουσιν. πολλὰ μὲν οὖν ἄν τις καὶ ἄλλα ἔχοι Σωκράτη ἐπαινέσαι καὶ θαυμάσια· ἀλλὰ τῶν μὲν ἄλλων ἐπιτηδευμάτων τάχʼ ἄν τις καὶ περὶ ἄλλου τοιαῦτα εἴποι, τὸ δὲ μηδενὶ ἀνθρώπων ὅμοιον εἶναι, μήτε τῶν παλαιῶν μήτε τῶν νῦν ὄντων, τοῦτο ἄξιον παντὸς θαύματος. οἷος γὰρ Ἀχιλλεὺς ἐγένετο, ἀπεικάσειεν ἄν τις καὶ Βρασίδαν καὶ ἄλλους, καὶ οἷος αὖ Περικλῆς, καὶ Νέστορα καὶ Ἀντήνορα—εἰσὶ δὲ καὶ ἕτεροι— καὶ τοὺς ἄλλους κατὰ ταὔτʼ ἄν τις ἀπεικάζοι
Transliteration
eti toinyn, ō andres, axion ēn theasasthai Sōkratē, hote apo Dēliou phygē anechōrei to stratopedon etychon gar paragenomenos hippon echōn, houtos de hopla. anechōrei oun eskedasmenōn ēdē tōn anthrōpōn houtos te hama kai Lachēs kai egō peritynchanō, kai idōn euthys parakeleuomai te autoin tharrhein, kai elegon hoti ouk apoleipsō autō. entautha dē kai kallion etheasamēn Sōkratē ē en Poteidaia—autos gar hētton en phobō ē dia to ephʼ hippou einai—prōton men hoson periēn Lachētos tō emphrōn einai epeita emoigʼ edokei, ō Aristophanes, to son dē touto, kai ekei diaporeuesthai hōsper kai enthade, brenthyomenos kai tōphthalmō paraballōn Aristoph. Clouds 362 , ērema paraskopōn kai tous philious kai tous polemious, dēlos ōn panti kai pany porrhōthen hoti ei tis hapsetai toutoy tou andros, mala errhōmenōs amyneitai. dio kai asphalōs apēei kai houtos kai ho hetairos schedon gar ti tōn houtō diakeimenōn en tō polemō oude haptontai, alla tous protropadēn pheugontas diōkousin. polla men oun an tis kai alla echoi Sōkratē epainesai kai thaumasia alla tōn men allōn epitēdeumatōn tachʼ an tis kai peri allou toiauta eipoi, to de mēdeni anthrōpōn homoion einai, mēte tōn palaiōn mēte tōn nyn ontōn, touto axion pantos thaumatos. hoios gar Achilleus egeneto, apeikaseien an tis kai Brasidan kai allous, kai hoios au Periklēs, kai Nestora kai Antēnora—eisi de kai heteroi— kai tous allous kata tautʼ an tis apeikazoi
Translation coming soon for this language.
Source edition (provenance)
perseus:tlg0059.tlg011.perseus-grc2; plato:symposium; section 221 part 1; transliteration: greek-transliteration (build)