Languages

Work 2 · Passage 93

Work 2 · Passage 93

Plato

Greek

ὄνους γὰρ κανθηλίους λέγει καὶ χαλκέας τινὰς καὶ σκυτοτόμους καὶ βυρσοδέψας, καὶ ἀεὶ διὰ τῶν αὐτῶν τὰ αὐτὰ φαίνεται λέγειν, ὥστε ἄπειρος καὶ ἀνόητος ἄνθρωπος πᾶς ἂν τῶν λόγων καταγελάσειεν. διοιγομένους δὲ ἰδὼν ἄν τις καὶ ἐντὸς αὐτῶν γιγνόμενος πρῶτον μὲν νοῦν ἔχοντας ἔνδον μόνους εὑρήσει τῶν λόγων, ἔπειτα θειοτάτους καὶ πλεῖστα ἀγάλματʼ ἀρετῆς ἐν αὑτοῖς ἔχοντας καὶ ἐπὶ πλεῖστον τείνοντας, μᾶλλον δὲ ἐπὶ πᾶν ὅσον προσήκει σκοπεῖν τῷ μέλλοντι καλῷ κἀγαθῷ ἔσεσθαι. ταῦτʼ ἐστίν, ὦ ἄνδρες, ἃ ἐγὼ Σωκράτη ἐπαινῶ· καὶ αὖ ἃ μέμφομαι συμμείξας ὑμῖν εἶπον ἅ με ὕβρισεν. καὶ μέντοι οὐκ ἐμὲ μόνον ταῦτα πεποίηκεν, ἀλλὰ καὶ Χαρμίδην τὸν Γλαύκωνος καὶ Εὐθύδημον τὸν Διοκλέους καὶ ἄλλους πάνυ πολλούς, οὓς οὗτος ἐξαπατῶν ὡς ἐραστὴς παιδικὰ μᾶλλον αὐτὸς καθίσταται ἀντʼ ἐραστοῦ. ἃ δὴ καὶ σοὶ λέγω, ὦ Ἀγάθων, μὴ ἐξαπατᾶσθαι ὑπὸ τούτου, ἀλλʼ ἀπὸ τῶν ἡμετέρων παθημάτων γνόντα εὐλαβηθῆναι, καὶ μὴ κατὰ τὴν παροιμίαν ὥσπερ νήπιον παθόντα γνῶναι. εἰπόντος δὴ ταῦτα τοῦ Ἀλκιβιάδου γέλωτα γενέσθαι ἐπὶ τῇ παρρησίᾳ αὐτοῦ, ὅτι ἐδόκει ἔτι ἐρωτικῶς ἔχειν τοῦ Σωκράτους. τὸν οὖν Σωκράτη, Νήφειν μοι δοκεῖς, φάναι, ὦ Ἀλκιβιάδη. οὐ γὰρ ἄν ποτε οὕτω κομψῶς κύκλῳ περιβαλλόμενος ἀφανίσαι ἐνεχείρεις οὗ ἕνεκα ταῦτα πάντα εἴρηκας, καὶ ὡς ἐν παρέργῳ δὴ λέγων ἐπὶ τελευτῆς αὐτὸ ἔθηκας, ὡς οὐ πάντα τούτου ἕνεκα εἰρηκώς, τοῦ ἐμὲ καὶ Ἀγάθωνα διαβάλλειν, οἰόμενος δεῖν ἐμὲ μὲν σοῦ ἐρᾶν καὶ μηδενὸς ἄλλου, Ἀγάθωνα δὲ ὑπὸ σοῦ ἐρᾶσθαι καὶ μηδʼ ὑφʼ ἑνὸς ἄλλου. ἀλλʼ οὐκ ἔλαθες, ἀλλὰ τὸ σατυρικόν σου δρᾶμα τοῦτο καὶ σιληνικὸν κατάδηλον ἐγένετο. ἀλλʼ, ὦ φίλε Ἀγάθων, μηδὲν πλέον αὐτῷ γένηται, ἀλλὰ παρασκευάζου ὅπως ἐμὲ καὶ σὲ μηδεὶς διαβαλεῖ. τὸν οὖν Ἀγάθωνα εἰπεῖν, καὶ μήν, ὦ Σώκρατες, κινδυνεύεις ἀληθῆ λέγειν. τεκμαίρομαι δὲ καὶ ὡς κατεκλίνη ἐν μέσῳ ἐμοῦ τε καὶ σοῦ, ἵνα χωρὶς ἡμᾶς διαλάβῃ

Transliteration

onous gar kanthēlious legei kai chalkeas tinas kai skytotomous kai byrsodepsas, kai aei dia tōn autōn ta auta phainetai legein, hōste apeiros kai anoētos anthrōpos pas an tōn logōn katagelaseien. dioigomenous de idōn an tis kai entos autōn gignomenos prōton men noun echontas endon monous heurēsei tōn logōn, epeita theiotatous kai pleista agalmatʼ aretēs en hautois echontas kai epi pleiston teinontas, mallon de epi pan hoson prosēkei skopein tō mellonti kalō kagathō esesthai. tautʼ estin, ō andres, ha egō Sōkratē epainō kai au ha memphomai symmeixas hymin eipon ha me hybrisen. kai mentoi ouk eme monon tauta pepoiēken, alla kai CHarmidēn ton Glaukōnos kai Eythydēmon ton Diokleous kai allous pany pollous, hous houtos exapatōn hōs erastēs paidika mallon autos kathistatai antʼ erastou. ha dē kai soi legō, ō Agathōn, mē exapatasthai hypo toutoy, allʼ apo tōn hēmeterōn pathēmatōn gnonta eulabēthēnai, kai mē kata tēn paroimian hōsper nēpion pathonta gnōnai. eipontos dē tauta tou Alkibiadou gelōta genesthai epi tē parrhēsia autou, hoti edokei eti erōtikōs echein tou Sōkratous. ton oun Sōkratē, Nēphein moi dokeis, phanai, ō Alkibiadē. ou gar an pote houtō kompsōs kyklō periballomenos aphanisai enecheireis hou heneka tauta panta eirēkas, kai hōs en parergō dē legōn epi teleutēs auto ethēkas, hōs ou panta toutoy heneka eirēkōs, tou eme kai Agathōna diaballein, oiomenos dein eme men sou eran kai mēdenos allou, Agathōna de hypo sou erasthai kai mēdʼ hyphʼ henos allou. allʼ ouk elathes, alla to satyrikon sou drama touto kai silēnikon katadēlon egeneto. allʼ, ō phile Agathōn, mēden pleon autō genētai, alla paraskeuazou hopōs eme kai se mēdeis diabalei. ton oun Agathōna eipein, kai mēn, ō Sōkrates, kindyneueis alēthē legein. tekmairomai de kai hōs kateklinē en mesō emou te kai sou, hina chōris hēmas dialabē

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 222 part 1; transliteration: greek-transliteration (build)

Share X Facebook