Work 3 · Passage 112
Plato
Greek
ΦΑΙΔ. τὰ μὲν οὖν δὴ ἄλλα πολλά τε καὶ μεγάλα καὶ παντοδαπὰ ῥεύματά ἐστι· τυγχάνει δ’ ἄρα ὄντα ἐν τούτοις τοῖς πολλοῖς τέτταρ’ ἄττα ῥεύματα, ὧν τὸ μὲν μέγιστον καὶ ἐξωτάτω ῥέον περὶ κύκλῳ ὁ καλούμενος Ὠκεανός ἐστιν, τούτου δὲ καταντικρὺ καὶ ἐναντίως ῥέων Ἀχέρων , ὃς δι’ ἐρήμων τε τόπων ῥεῖ ἄλλων καὶ δὴ καὶ ὑπὸ γῆν ῥέων εἰς τὴν λίμνην ἀφικνεῖται τὴν Ἀχερουσιάδα , οὗ αἱ τῶν τετελευτηκότων ψυχαὶ τῶν πολλῶν ἀφικνοῦνται καί τινας εἱμαρμένους χρόνους μείνασαι, αἱ μὲν μακροτέρους, αἱ δὲ βραχυτέρους, πάλιν ἐκπέμπονται εἰς τὰς τῶν ζῴων γενέσεις. τρίτος δὲ ποταμὸς τούτων κατὰ μέσον ἐκβάλλει, καὶ ἐγγὺς τῆς ἐκβολῆς ἐκπίπτει εἰς τόπον μέγαν πυρὶ πολλῷ καόμενον, καὶ λίμνην ποιεῖ μείζω τῆς παρ᾽ ἡμῖν θαλάττης, ζέουσαν ὕδατος καὶ πηλοῦ· ἐντεῦθεν δὲ χωρεῖ κύκλῳ θολερὸς καὶ πηλώδης, περιελιττόμενος δὲ τῇ γῇ ἄλλοσέ τε ἀφικνεῖται καὶ παρ’ ἔσχατα τῆς Ἀχερουσιάδος λίμνης, οὐ συμμειγνύμενος τῷ ὕδατι· περιελιχθεὶς δὲ πολλάκις ὑπὸ γῆς ἐμβάλλει κατωτέρω τοῦ Ταρτάρου · οὗτος δ’ ἐστὶν ὃν ἐπονομάζουσιν Πυριφλεγέθοντα , οὗ καὶ οἱ ῥύακες ἀποσπάσματα ἀναφυσῶσιν ὅπῃ ἂν τύχωσι τῆς γῆς. τούτου δὲ αὖ καταντικρὺ ὁ τέταρτος ἐκπίπτει εἰς τόπον πρῶτον δεινόν τε καὶ ἄγριον, ὡς λέγεται, χρῶμα δ’ ἔχοντα ὅλον οἷον ὁ κυανός, ὃν δὴ ἐπονομάζουσι Στύγιον , καὶ τὴν λίμνην ἣν ποιεῖ ὁ ποταμὸς ἐμβάλλων, Στύγα · ὁ δ’ ἐμπεσὼν ἐνταῦθα καὶ δεινὰς δυνάμεις λαβὼν ἐν τῷ ὕδατι, δὺς κατὰ τῆς γῆς, περιελιττόμενος χωρεῖ ἐναντίος τῷ Πυριφλεγέθοντι καὶ ἀπαντᾷ ἐν τῇ Ἀχερουσιάδι λίμνῃ ἐξ ἐναντίας· καὶ οὐδὲ τὸ τούτου ὕδωρ οὐδενὶ μείγνυται, ἀλλὰ καὶ οὗτος κύκλῳ περιελθὼν ἐμβάλλει εἰς τὸν Τάρταρον ἐναντίος τῷ Πυριφλεγέθοντι
Transliteration
PHAID. ta men oun dē alla polla te kai megala kai pantodapa rheumata esti tynchanei d’ ara onta en toutois tois pollois tettar’ atta rheumata, hōn to men megiston kai exōtatō rheon peri kyklō ho kaloumenos Ōkeanos estin, toutoy de katantikry kai enantiōs rheōn Acherōn , hos di’ erēmōn te topōn rhei allōn kai dē kai hypo gēn rheōn eis tēn limnēn aphikneitai tēn Acherousiada , hou hai tōn teteleutēkotōn psychai tōn pollōn aphiknountai kai tinas heimarmenous chronous meinasai, hai men makroterous, hai de brachyterous, palin ekpempontai eis tas tōn zōōn geneseis. tritos de potamos toutōn kata meson ekballei, kai engys tēs ekbolēs ekpiptei eis topon megan pyri pollō kaomenon, kai limnēn poiei meizō tēs par hēmin thalattēs, zeousan hydatos kai pēlou enteuthen de chōrei kyklō tholeros kai pēlōdēs, perielittomenos de tē gē allose te aphikneitai kai par’ eschata tēs Acherousiados limnēs, ou symmeignymenos tō hydati perielichtheis de pollakis hypo gēs emballei katōterō tou Tartarou houtos d’ estin hon eponomazousin Pyriphlegethonta , hou kai hoi rhyakes apospasmata anaphysōsin hopē an tychōsi tēs gēs. toutoy de au katantikry ho tetartos ekpiptei eis topon prōton deinon te kai agrion, hōs legetai, chrōma d’ echonta holon hoion ho kyanos, hon dē eponomazousi Stygion , kai tēn limnēn hēn poiei ho potamos emballōn, Styga ho d’ empesōn entautha kai deinas dynameis labōn en tō hydati, dys kata tēs gēs, perielittomenos chōrei enantios tō Pyriphlegethonti kai apanta en tē Acherousiadi limnē ex enantias kai oude to toutoy hydōr oudeni meignytai, alla kai houtos kyklō perielthōn emballei eis ton Tartaron enantios tō Pyriphlegethonti
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 113 part 1; transliteration: greek-transliteration (build)