Work 3 · Passage 118
Plato
Greek
ΦΑΙΔ. ἀλλὰ θαρρεῖν τε χρὴ καὶ φάναι τοὐμὸν σῶμα θάπτειν, καὶ θάπτειν οὕτως ὅπως ἄν σοι φίλον ᾖ καὶ μάλιστα ἡγῇ νόμιμον εἶναι. ταῦτ’ εἰπὼν ἐκεῖνος μὲν ἀνίστατο εἰς οἴκημά τι ὡς λουσόμενος, καὶ ὁ Κρίτων εἵπετο αὐτῷ, ἡμᾶς δ’ ἐκέλευε περιμένειν. περιεμένομεν οὖν πρὸς ἡμᾶς αὐτοὺς διαλεγόμενοι περὶ τῶν εἰρημένων καὶ ἀνασκοποῦντες, τοτὲ δ’ αὖ περὶ τῆς συμφορᾶς διεξιόντες ὅση ἡμῖν γεγονυῖα εἴη, ἀτεχνῶς ἡγούμενοι ὥσπερ πατρὸς στερηθέντες διάξειν ὀρφανοὶ τὸν ἔπειτα βίον. ἐπειδὴ δὲ ἐλούσατο καὶ ἠνέχθη παρ’ αὐτὸν τὰ παιδία — δύο γὰρ αὐτῷ ὑεῖς σμικροὶ ἦσαν, εἷς δὲ μέγας — καὶ αἱ οἰκεῖαι γυναῖκες ἀφίκοντο ἐκεῖναι, ἐναντίον τοῦ Κρίτωνος διαλεχθείς τε καὶ ἐπιστείλας ἅττα ἐβούλετο, τὰς μὲν γυναῖκας καὶ τὰ παιδία ἀπιέναι ἐκέλευσεν, αὐτὸς δὲ ἧκε παρ’ ἡμᾶς. καὶ ἦν ἤδη ἐγγὺς ἡλίου δυσμῶν· χρόνον γὰρ πολὺν διέτριψεν ἔνδον. ἐλθὼν δ’ ἐκαθέζετο λελουμένος καὶ οὐ πολλὰ ἄττα μετὰ ταῦτα διελέχθη, καὶ ἧκεν ὁ τῶν ἕνδεκα ὑπηρέτης καὶ στὰς παρ’ αὐτόν, ὦ Σώκρατες , ἔφη, οὐ καταγνώσομαί γε σοῦ ὅπερ ἄλλων καταγιγνώσκω, ὅτι μοι χαλεπαίνουσι καὶ καταρῶνται ἐπειδὰν αὐτοῖς παραγγείλω πίνειν τὸ φάρμακον ἀναγκαζόντων τῶν ἀρχόντων. σὲ δὲ ἐγὼ καὶ ἄλλως ἔγνωκα ἐν τούτῳ τῷ χρόνῳ γενναιότατον καὶ πρᾳότατον καὶ ἄριστον ἄνδρα ὄντα τῶν πώποτε δεῦρο ἀφικομένων, καὶ δὴ καὶ νῦν εὖ οἶδ’ ὅτι οὐκ ἐμοὶ χαλεπαίνεις, γιγνώσκεις γὰρ τοὺς αἰτίους, ἀλλὰ ἐκείνοις. νῦν οὖν, οἶσθα γὰρ ἃ ἦλθον ἀγγέλλων, χαῖρέ τε καὶ πειρῶ ὡς ῥᾷστα φέρειν τὰ ἀναγκαῖα. καὶ ἅμα δακρύσας μεταστρεφόμενος ἀπῄει. καὶ ὁ Σωκράτης ἀναβλέψας πρὸς αὐτόν, καὶ σύ, ἔφη, χαῖρε, καὶ ἡμεῖς ταῦτα ποιήσομεν. καὶ ἅμα πρὸς ἡμᾶς, ὡς ἀστεῖος, ἔφη, ὁ ἄνθρωπος· καὶ παρὰ πάντα μοι τὸν χρόνον προσῄει καὶ διελέγετο ἐνίοτε καὶ ἦν ἀνδρῶν λῷστος, καὶ νῦν ὡς γενναίως με ἀποδακρύει. ἀλλ’ ἄγε δή, ὦ Κρίτων , πειθώμεθα αὐτῷ, καὶ ἐνεγκάτω τις τὸ φάρμακον, εἰ τέτριπται
Transliteration
PHAID. alla tharrhein te chrē kai phanai toumon sōma thaptein, kai thaptein houtōs hopōs an soi philon ē kai malista hēgē nomimon einai. taut’ eipōn ekeinos men anistato eis oikēma ti hōs lousomenos, kai ho Kritōn heipeto autō, hēmas d’ ekeleue perimenein. periemenomen oun pros hēmas autous dialegomenoi peri tōn eirēmenōn kai anaskopountes, tote d’ au peri tēs symphoras diexiontes hosē hēmin gegonuia eiē, atechnōs hēgoumenoi hōsper patros sterēthentes diaxein orphanoi ton epeita bion. epeidē de elousato kai ēnechthē par’ auton ta paidia — dyo gar autō hyeis smikroi ēsan, heis de megas — kai hai oikeiai gynaikes aphikonto ekeinai, enantion tou Kritōnos dialechtheis te kai episteilas hatta ebouleto, tas men gynaikas kai ta paidia apienai ekeleusen, autos de hēke par’ hēmas. kai ēn ēdē engys hēliou dysmōn chronon gar polyn dietripsen endon. elthōn d’ ekathezeto leloumenos kai ou polla atta meta tauta dielechthē, kai hēken ho tōn hendeka hypēretēs kai stas par’ auton, ō Sōkrates , ephē, ou katagnōsomai ge sou hoper allōn katagignōskō, hoti moi chalepainousi kai katarōntai epeidan autois parangeilō pinein to pharmakon anankazontōn tōn archontōn. se de egō kai allōs egnōka en toutō tō chronō gennaiotaton kai praotaton kai ariston andra onta tōn pōpote deuro aphikomenōn, kai dē kai nyn eu oid’ hoti ouk emoi chalepaineis, gignōskeis gar tous aitious, alla ekeinois. nyn oun, oistha gar ha ēlthon angellōn, chaire te kai peirō hōs rhasta pherein ta anankaia. kai hama dakrysas metastrephomenos apēei. kai ho Sōkratēs anablepsas pros auton, kai sy, ephē, chaire, kai hēmeis tauta poiēsomen. kai hama pros hēmas, hōs asteios, ephē, ho anthrōpos kai para panta moi ton chronon prosēei kai dielegeto eniote kai ēn andrōn lōstos, kai nyn hōs gennaiōs me apodakryei. all’ age dē, ō Kritōn , peithōmetha autō, kai enenkatō tis to pharmakon, ei tetriptai
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 116 part 1; transliteration: greek-transliteration (build)