Languages

Work 3 · Passage 18

Work 3 · Passage 18

Plato

Greek

ΦΑΙΔ. ἆρ’ οὖν ἐκεῖνος ἂν τοῦτο ποιήσειεν καθαρώτατα ὅστις ὅτι μάλιστα αὐτῇ τῇ διανοίᾳ ἴοι ἐφ’ ἕκαστον, μήτε τιν’ ὄψιν παρατιθέμενος ἐν τῷ διανοεῖσθαι μήτε ἄλλην αἴσθησιν ἐφέλκων μηδεμίαν μετὰ τοῦ λογισμοῦ, ἀλλ’ αὐτῇ καθ’ αὑτὴν εἰλικρινεῖ τῇ διανοίᾳ χρώμενος αὐτὸ καθ’ αὑτὸ εἰλικρινὲς ἕκαστον ἐπιχειροῖ θηρεύειν τῶν ὄντων, ἀπαλλαγεὶς ὅτι μάλιστα ὀφθαλμῶν τε καὶ ὤτων καὶ ὡς ἔπος εἰπεῖν σύμπαντος τοῦ σώματος, ὡς ταράττοντος καὶ οὐκ ἐῶντος τὴν ψυχὴν κτήσασθαι ἀλήθειάν τε καὶ φρόνησιν ὅταν κοινωνῇ; ἆρ’ οὐχ οὗτός ἐστιν, ὦ Σιμμία , εἴπερ τις ἄλλος ὁ τευξόμενος τοῦ ὄντος; ὑπερφυῶς, ἔφη ὁ Σιμμίας , ὡς ἀληθῆ λέγεις, ὦ Σώκρατες . οὐκοῦν ἀνάγκη, ἔφη, ἐκ πάντων τούτων παρίστασθαι δόξαν τοιάνδε τινὰ τοῖς γνησίως φιλοσόφοις, ὥστε καὶ πρὸς ἀλλήλους τοιαῦτα ἄττα λέγειν, ὅτι κινδυνεύει τοι ὥσπερ ἀτραπός τις ἐκφέρειν ἡμᾶς , ὅτι, ἕως ἂν τὸ σῶμα ἔχωμεν καὶ συμπεφυρμένη ᾖ ἡμῶν ἡ ψυχὴ μετὰ τοιούτου κακοῦ, οὐ μή ποτε κτησώμεθα ἱκανῶς οὗ ἐπιθυμοῦμεν· φαμὲν δὲ τοῦτο εἶναι τὸ ἀληθές. μυρίας μὲν γὰρ ἡμῖν ἀσχολίας παρέχει τὸ σῶμα διὰ τὴν ἀναγκαίαν τροφήν· ἔτι δέ, ἄν τινες νόσοι προσπέσωσιν, ἐμποδίζουσιν ἡμῶν τὴν τοῦ ὄντος θήραν. ἐρώτων δὲ καὶ ἐπιθυμιῶν καὶ φόβων καὶ εἰδώλων παντοδαπῶν καὶ φλυαρίας ἐμπίμπλησιν ἡμᾶς πολλῆς, ὥστε τὸ λεγόμενον ὡς ἀληθῶς τῷ ὄντι ὑπ’ αὐτοῦ οὐδὲ φρονῆσαι ἡμῖν ἐγγίγνεται οὐδέποτε οὐδέν. καὶ γὰρ πολέμους καὶ στάσεις καὶ μάχας οὐδὲν ἄλλο παρέχει ἢ τὸ σῶμα καὶ αἱ τούτου ἐπιθυμίαι. διὰ γὰρ τὴν τῶν χρημάτων κτῆσιν πάντες οἱ πόλεμοι γίγνονται, τὰ δὲ χρήματα ἀναγκαζόμεθα κτᾶσθαι διὰ τὸ σῶμα, δουλεύοντες τῇ τούτου θεραπείᾳ

Transliteration

PHAID. ar’ oun ekeinos an touto poiēseien katharōtata hostis hoti malista autē tē dianoia ioi eph’ hekaston, mēte tin’ opsin paratithemenos en tō dianoeisthai mēte allēn aisthēsin ephelkōn mēdemian meta tou logismou, all’ autē kath’ hautēn eilikrinei tē dianoia chrōmenos auto kath’ hauto eilikrines hekaston epicheiroi thēreuein tōn ontōn, apallageis hoti malista ophthalmōn te kai ōtōn kai hōs epos eipein sympantos tou sōmatos, hōs tarattontos kai ouk eōntos tēn psychēn ktēsasthai alētheian te kai phronēsin hotan koinōnē; ar’ ouch houtos estin, ō Simmia , eiper tis allos ho teuxomenos tou ontos; hyperphyōs, ephē ho Simmias , hōs alēthē legeis, ō Sōkrates . oukoyn anankē, ephē, ek pantōn toutōn paristasthai doxan toiande tina tois gnēsiōs philosophois, hōste kai pros allēlous toiauta atta legein, hoti kindyneuei toi hōsper atrapos tis ekpherein hēmas , hoti, heōs an to sōma echōmen kai sympephyrmenē ē hēmōn hē psychē meta toioutoy kakou, ou mē pote ktēsōmetha hikanōs hou epithymoumen phamen de touto einai to alēthes. myrias men gar hēmin ascholias parechei to sōma dia tēn anankaian trophēn eti de, an tines nosoi prospesōsin, empodizousin hēmōn tēn tou ontos thēran. erōtōn de kai epithymiōn kai phobōn kai eidōlōn pantodapōn kai phlyarias empimplēsin hēmas pollēs, hōste to legomenon hōs alēthōs tō onti hyp’ autou oude phronēsai hēmin engignetai oudepote ouden. kai gar polemous kai staseis kai machas ouden allo parechei ē to sōma kai hai toutoy epithymiai. dia gar tēn tōn chrēmatōn ktēsin pantes hoi polemoi gignontai, ta de chrēmata anankazometha ktasthai dia to sōma, douleuontes tē toutoy therapeia

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 66 part 1; transliteration: greek-transliteration (build)

Share X Facebook