Languages

Work 3 · Passage 2

Work 3 · Passage 2

Plato

Greek

ΦΑΙΔ. οὐδὲ τὰ περὶ τῆς δίκης ἄρα ἐπύθεσθε ὃν τρόπον ἐγένετο; ΕΧ. ναί, ταῦτα μὲν ἡμῖν ἤγγειλέ τις, καὶ ἐθαυμάζομέν γε ὅτι πάλαι γενομένης αὐτῆς πολλῷ ὕστερον φαίνεται ἀποθανών. τί οὖν ἦν τοῦτο, ὦ Φαίδων ; ΦΑΙΔ. τύχη τις αὐτῷ, ὦ Ἐχέκρατες , συνέβη· ἔτυχεν γὰρ τῇ προτεραίᾳ τῆς δίκης ἡ πρύμνα ἐστεμμένη τοῦ πλοίου ὃ εἰς Δῆλον Ἀθηναῖοι πέμπουσιν. ΕΧ. τοῦτο δὲ δὴ τί ἐστιν; ΦΑΙΔ. τοῦτ’ ἔστι τὸ πλοῖον, ὥς φασιν Ἀθηναῖοι , ἐν ᾧ Θησεύς ποτε εἰς Κρήτην τοὺς δὶς ἑπτὰ ἐκείνους ᾤχετο ἄγων καὶ ἔσωσέ τε καὶ αὐτὸς ἐσώθη. τῷ οὖν Ἀπόλλωνι ηὔξαντο ὡς λέγεται τότε, εἰ σωθεῖεν, ἑκάστου ἔτους θεωρίαν ἀπάξειν εἰς Δῆλον · ἣν δὴ ἀεὶ καὶ νῦν ἔτι ἐξ ἐκείνου κατ’ ἐνιαυτὸν τῷ θεῷ πέμπουσιν. ἐπειδὰν οὖν ἄρξωνται τῆς θεωρίας, νόμος ἐστὶν αὐτοῖς ἐν τῷ χρόνῳ τούτῳ καθαρεύειν τὴν πόλιν καὶ δημοσίᾳ μηδένα ἀποκτεινύναι, πρὶν ἂν εἰς Δῆλόν τε ἀφίκηται τὸ πλοῖον καὶ πάλιν δεῦρο· τοῦτο δ’ ἐνίοτε ἐν πολλῷ χρόνῳ γίγνεται, ὅταν τύχωσιν ἄνεμοι ἀπολαβόντες αὐτούς. ἀρχὴ δ’ ἐστὶ τῆς θεωρίας ἐπειδὰν ὁ ἱερεὺς τοῦ Ἀπόλλωνος στέψῃ τὴν πρύμναν τοῦ πλοίου· τοῦτο δ’ ἔτυχεν, ὥσπερ λέγω, τῇ προτεραίᾳ τῆς δίκης γεγονός. διὰ ταῦτα καὶ πολὺς χρόνος ἐγένετο τῷ Σωκράτει ἐν τῷ δεσμωτηρίῳ ὁ μεταξὺ τῆς δίκης τε καὶ τοῦ θανάτου. ΕΧ. τί δὲ δὴ τὰ περὶ αὐτὸν τὸν θάνατον, ὦ Φαίδων ; τί ἦν τὰ λεχθέντα καὶ πραχθέντα, καὶ τίνες οἱ παραγενόμενοι τῶν ἐπιτηδείων τῷ ἀνδρί; ἢ οὐκ εἴων οἱ ἄρχοντες παρεῖναι, ἀλλ’ ἔρημος ἐτελεύτα φίλων; ΦΑΙΔ. οὐδαμῶς, ἀλλὰ παρῆσάν τινες, καὶ πολλοί γε. ΕΧ. ταῦτα δὴ πάντα προθυμήθητι ὡς σαφέστατα ἡμῖν ἀπαγγεῖλαι, εἰ μή τίς σοι ἀσχολία τυγχάνει οὖσα. ΦΑΙΔ. ἀλλὰ σχολάζω γε καὶ πειράσομαι ὑμῖν διηγήσασθαι· καὶ γὰρ τὸ μεμνῆσθαι Σωκράτους καὶ αὐτὸν λέγοντα καὶ ἄλλου ἀκούοντα ἔμοιγε ἀεὶ πάντων ἥδιστον. ΕΧ. ἀλλὰ μήν, ὦ Φαίδων , καὶ τοὺς ἀκουσομένους γε τοιούτους ἑτέρους ἔχεις

Transliteration

PHAID. oude ta peri tēs dikēs ara epythesthe hon tropon egeneto; ECH. nai, tauta men hēmin ēngeile tis, kai ethaumazomen ge hoti palai genomenēs autēs pollō hysteron phainetai apothanōn. ti oun ēn touto, ō PHaidōn ; PHAID. tychē tis autō, ō Echekrates , synebē etychen gar tē proteraia tēs dikēs hē prymna estemmenē tou ploiou ho eis Dēlon Athēnaioi pempousin. ECH. touto de dē ti estin; PHAID. tout’ esti to ploion, hōs phasin Athēnaioi , en hō THēseus pote eis Krētēn tous dis hepta ekeinous ōcheto agōn kai esōse te kai autos esōthē. tō oun Apollōni ēuxanto hōs legetai tote, ei sōtheien, hekastou etous theōrian apaxein eis Dēlon hēn dē aei kai nyn eti ex ekeinou kat’ eniauton tō theō pempousin. epeidan oun arxōntai tēs theōrias, nomos estin autois en tō chronō toutō kathareuein tēn polin kai dēmosia mēdena apokteinynai, prin an eis Dēlon te aphikētai to ploion kai palin deuro touto d’ eniote en pollō chronō gignetai, hotan tychōsin anemoi apolabontes autous. archē d’ esti tēs theōrias epeidan ho hiereus tou Apollōnos stepsē tēn prymnan tou ploiou touto d’ etychen, hōsper legō, tē proteraia tēs dikēs gegonos. dia tauta kai polys chronos egeneto tō Sōkratei en tō desmōtēriō ho metaxy tēs dikēs te kai tou thanatou. ECH. ti de dē ta peri auton ton thanaton, ō PHaidōn ; ti ēn ta lechthenta kai prachthenta, kai tines hoi paragenomenoi tōn epitēdeiōn tō andri; ē ouk eiōn hoi archontes pareinai, all’ erēmos eteleuta philōn; PHAID. oudamōs, alla parēsan tines, kai polloi ge. ECH. tauta dē panta prothymēthēti hōs saphestata hēmin apangeilai, ei mē tis soi ascholia tynchanei ousa. PHAID. alla scholazō ge kai peirasomai hymin diēgēsasthai kai gar to memnēsthai Sōkratous kai auton legonta kai allou akouonta emoige aei pantōn hēdiston. ECH. alla mēn, ō PHaidōn , kai tous akousomenoys ge toioutoys heterous echeis

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 58 part 1; transliteration: greek-transliteration (build)

Share X Facebook