Work 3 · Passage 20
Plato
Greek
ΦΑΙΔ. εἰ γὰρ μὴ οἷόν τε μετὰ τοῦ σώματος μηδὲν καθαρῶς γνῶναι, δυοῖν θάτερον, ἢ οὐδαμοῦ ἔστιν κτήσασθαι τὸ εἰδέναι ἢ τελευτήσασιν· τότε γὰρ αὐτὴ καθ’ αὑτὴν ἡ ψυχὴ ἔσται χωρὶς τοῦ σώματος, πρότερον δ’ οὔ. καὶ ἐν ᾧ ἂν ζῶμεν, οὕτως, ὡς ἔοικεν, ἐγγυτάτω ἐσόμεθα τοῦ εἰδέναι, ἐὰν ὅτι μάλιστα μηδὲν ὁμιλῶμεν τῷ σώματι μηδὲ κοινωνῶμεν, ὅτι μὴ πᾶσα ἀνάγκη, μηδὲ ἀναπιμπλώμεθα τῆς τούτου φύσεως, ἀλλὰ καθαρεύωμεν ἀπ’ αὐτοῦ, ἕως ἂν ὁ θεὸς αὐτὸς ἀπολύσῃ ἡμᾶς· καὶ οὕτω μὲν καθαροὶ ἀπαλλαττόμενοι τῆς τοῦ σώματος ἀφροσύνης, ὡς τὸ εἰκὸς μετὰ τοιούτων τε ἐσόμεθα καὶ γνωσόμεθα δι’ ἡμῶν αὐτῶν πᾶν τὸ εἰλικρινές, τοῦτο δ’ ἐστὶν ἴσως τὸ ἀληθές· μὴ καθαρῷ γὰρ καθαροῦ ἐφάπτεσθαι μὴ οὐ θεμιτὸν ᾖ. τοιαῦτα οἶμαι, ὦ Σιμμία , ἀναγκαῖον εἶναι πρὸς ἀλλήλους λέγειν τε καὶ δοξάζειν πάντας τοὺς ὀρθῶς φιλομαθεῖς. ἢ οὐ δοκεῖ σοι οὕτως; παντός γε μᾶλλον, ὦ Σώκρατες . οὐκοῦν, ἔφη ὁ Σωκράτης , εἰ ταῦτα ἀληθῆ, ὦ ἑταῖρε, πολλὴ ἐλπὶς ἀφικομένῳ οἷ ἐγὼ πορεύομαι, ἐκεῖ ἱκανῶς, εἴπερ που ἄλλοθι, κτήσασθαι τοῦτο οὗ ἕνεκα ἡ πολλὴ πραγματεία ἡμῖν ἐν τῷ παρελθόντι βίῳ γέγονεν, ὥστε ἥ γε ἀποδημία ἡ νῦν μοι προστεταγμένη μετὰ ἀγαθῆς ἐλπίδος γίγνεται καὶ ἄλλῳ ἀνδρὶ ὃς ἡγεῖταί οἱ παρεσκευάσθαι τὴν διάνοιαν ὥσπερ κεκαθαρμένην. πάνυ μὲν οὖν, ἔφη ὁ Σιμμίας . κάθαρσις δὲ εἶναι ἆρα οὐ τοῦτο συμβαίνει, ὅπερ πάλαι ἐν τῷ λόγῳ λέγεται, τὸ χωρίζειν ὅτι μάλιστα ἀπὸ τοῦ σώματος τὴν ψυχὴν καὶ ἐθίσαι αὐτὴν καθ’ αὑτὴν πανταχόθεν ἐκ τοῦ σώματος συναγείρεσθαί τε καὶ ἁθροίζεσθαι, καὶ οἰκεῖν κατὰ τὸ δυνατὸν καὶ ἐν τῷ νῦν παρόντι καὶ ἐν τῷ ἔπειτα μόνην καθ’ αὑτήν, ἐκλυομένην ὥσπερ δεσμῶν ἐκ τοῦ σώματος; πάνυ μὲν οὖν, ἔφη. οὐκοῦν τοῦτό γε θάνατος ὀνομάζεται, λύσις καὶ χωρισμὸς ψυχῆς ἀπὸ σώματος
Transliteration
PHAID. ei gar mē hoion te meta tou sōmatos mēden katharōs gnōnai, dyoin thateron, ē oudamoy estin ktēsasthai to eidenai ē teleutēsasin tote gar autē kath’ hautēn hē psychē estai chōris tou sōmatos, proteron d’ ou. kai en hō an zōmen, houtōs, hōs eoiken, engytatō esometha tou eidenai, ean hoti malista mēden homilōmen tō sōmati mēde koinōnōmen, hoti mē pasa anankē, mēde anapimplōmetha tēs toutoy physeōs, alla kathareuōmen ap’ autou, heōs an ho theos autos apolysē hēmas kai houtō men katharoi apallattomenoi tēs tou sōmatos aphrosynēs, hōs to eikos meta toioutōn te esometha kai gnōsometha di’ hēmōn autōn pan to eilikrines, touto d’ estin isōs to alēthes mē katharō gar katharou ephaptesthai mē ou themiton ē. toiauta oimai, ō Simmia , anankaion einai pros allēlous legein te kai doxazein pantas tous orthōs philomatheis. ē ou dokei soi houtōs; pantos ge mallon, ō Sōkrates . oukoyn, ephē ho Sōkratēs , ei tauta alēthē, ō hetaire, pollē elpis aphikomenō hoi egō poreuomai, ekei hikanōs, eiper pou allothi, ktēsasthai touto hou heneka hē pollē pragmateia hēmin en tō parelthonti biō gegonen, hōste hē ge apodēmia hē nyn moi prostetagmenē meta agathēs elpidos gignetai kai allō andri hos hēgeitai hoi pareskeuasthai tēn dianoian hōsper kekatharmenēn. pany men oun, ephē ho Simmias . katharsis de einai ara ou touto symbainei, hoper palai en tō logō legetai, to chōrizein hoti malista apo tou sōmatos tēn psychēn kai ethisai autēn kath’ hautēn pantachothen ek tou sōmatos synageiresthai te kai hathroizesthai, kai oikein kata to dynaton kai en tō nyn paronti kai en tō epeita monēn kath’ hautēn, eklyomenēn hōsper desmōn ek tou sōmatos; pany men oun, ephē. oukoyn touto ge thanatos onomazetai, lysis kai chōrismos psychēs apo sōmatos
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 67 part 1; transliteration: greek-transliteration (build)