Languages

Work 3 · Passage 22

Work 3 · Passage 22

Plato

Greek

ΦΑΙΔ. εἰ γὰρ διαβέβληνται μὲν πανταχῇ τῷ σώματι, αὐτὴν δὲ καθ’ αὑτὴν ἐπιθυμοῦσι τὴν ψυχὴν ἔχειν, τούτου δὲ γιγνομένου εἰ φοβοῖντο καὶ ἀγανακτοῖεν, οὐ πολλὴ ἂν ἀλογία εἴη, εἰ μὴ ἅσμενοι ἐκεῖσε ἴοιεν, οἷ ἀφικομένοις ἐλπίς ἐστιν οὗ διὰ βίου ἤρων τυχεῖν — ἤρων δὲ φρονήσεως — ᾧ τε διεβέβληντο, τούτου ἀπηλλάχθαι συνόντος αὐτοῖς; ἢ ἀνθρωπίνων μὲν παιδικῶν καὶ γυναικῶν καὶ ὑέων ἀποθανόντων πολλοὶ δὴ ἑκόντες ἠθέλησαν εἰς Ἅιδου μετελθεῖν, ὑπὸ ταύτης ἀγόμενοι τῆς ἐλπίδος, τῆς τοῦ ὄψεσθαί τε ἐκεῖ ὧν ἐπεθύμουν καὶ συνέσεσθαι· φρονήσεως δὲ ἄρα τις τῷ ὄντι ἐρῶν, καὶ λαβὼν σφόδρα τὴν αὐτὴν ταύτην ἐλπίδα, μηδαμοῦ ἄλλοθι ἐντεύξεσθαι αὐτῇ ἀξίως λόγου ἢ ἐν Ἅιδου , ἀγανακτήσει τε ἀποθνῄσκων καὶ οὐχ ἅσμενος εἶσιν αὐτόσε; οἴεσθαί γε χρή, ἐὰν τῷ ὄντι γε ᾖ, ὦ ἑταῖρε, φιλόσοφος· σφόδρα γὰρ αὐτῷ ταῦτα δόξει, μηδαμοῦ ἄλλοθι καθαρῶς ἐντεύξεσθαι φρονήσει ἀλλ’ ἢ ἐκεῖ. εἰ δὲ τοῦτο οὕτως ἔχει, ὅπερ ἄρτι ἔλεγον, οὐ πολλὴ ἂν ἀλογία εἴη εἰ φοβοῖτο τὸν θάνατον ὁ τοιοῦτος; πολλὴ μέντοι νὴ Δία , ἦ δ’ ὅς. οὐκοῦν ἱκανόν σοι τεκμήριον, ἔφη, τοῦτο ἀνδρός, ὃν ἂν ἴδῃς ἀγανακτοῦντα μέλλοντα ἀποθανεῖσθαι, ὅτι οὐκ ἄρ᾽ ἦν φιλόσοφος ἀλλά τις φιλοσώματος; ὁ αὐτὸς δέ που οὗτος τυγχάνει ὢν καὶ φιλοχρήματος καὶ φιλότιμος, ἤτοι τὰ ἕτερα τούτων ἢ ἀμφότερα. πάνυ, ἔφη, ἔχει οὕτως ὡς λέγεις. ἆρ’ οὖν, ἔφη, ὦ Σιμμία , οὐ καὶ ἡ ὀνομαζομένη ἀνδρεία τοῖς οὕτω διακειμένοις μάλιστα προσήκει; πάντως δήπου, ἔφη. οὐκοῦν καὶ ἡ σωφροσύνη, ἣν καὶ οἱ πολλοὶ ὀνομάζουσι σωφροσύνην, τὸ περὶ τὰς ἐπιθυμίας μὴ ἐπτοῆσθαι ἀλλ’ ὀλιγώρως ἔχειν καὶ κοσμίως, ἆρ’ οὐ τούτοις μόνοις προσήκει, τοῖς μάλιστα τοῦ σώματος ὀλιγωροῦσίν τε καὶ ἐν φιλοσοφίᾳ ζῶσιν; ἀνάγκη, ἔφη. εἰ γὰρ ἐθέλεις, ἦ δ’ ὅς, ἐννοῆσαι τήν γε τῶν ἄλλων ἀνδρείαν τε καὶ σωφροσύνην, δόξει σοι εἶναι ἄτοπος. πῶς δή, ὦ Σώκρατες

Transliteration

PHAID. ei gar diabeblēntai men pantachē tō sōmati, autēn de kath’ hautēn epithymousi tēn psychēn echein, toutoy de gignomenou ei phobointo kai aganaktoien, ou pollē an alogia eiē, ei mē hasmenoi ekeise ioien, hoi aphikomenois elpis estin hou dia biou ērōn tychein — ērōn de phronēseōs — hō te diebeblēnto, toutoy apēllachthai synontos autois; ē anthrōpinōn men paidikōn kai gynaikōn kai hyeōn apothanontōn polloi dē hekontes ēthelēsan eis hAidou metelthein, hypo tautēs agomenoi tēs elpidos, tēs tou opsesthai te ekei hōn epethymoun kai synesesthai phronēseōs de ara tis tō onti erōn, kai labōn sphodra tēn autēn tautēn elpida, mēdamou allothi enteuxesthai autē axiōs logou ē en hAidou , aganaktēsei te apothnēskōn kai ouch hasmenos eisin autose; oiesthai ge chrē, ean tō onti ge ē, ō hetaire, philosophos sphodra gar autō tauta doxei, mēdamou allothi katharōs enteuxesthai phronēsei all’ ē ekei. ei de touto houtōs echei, hoper arti elegon, ou pollē an alogia eiē ei phoboito ton thanaton ho toioutos; pollē mentoi nē Dia , ē d’ hos. oukoyn hikanon soi tekmērion, ephē, touto andros, hon an idēs aganaktounta mellonta apothaneisthai, hoti ouk ar ēn philosophos alla tis philosōmatos; ho autos de pou houtos tynchanei ōn kai philochrēmatos kai philotimos, ētoi ta hetera toutōn ē amphotera. pany, ephē, echei houtōs hōs legeis. ar’ oun, ephē, ō Simmia , ou kai hē onomazomenē andreia tois houtō diakeimenois malista prosēkei; pantōs dēpou, ephē. oukoyn kai hē sōphrosynē, hēn kai hoi polloi onomazousi sōphrosynēn, to peri tas epithymias mē eptoēsthai all’ oligōrōs echein kai kosmiōs, ar’ ou toutois monois prosēkei, tois malista tou sōmatos oligōrousin te kai en philosophia zōsin; anankē, ephē. ei gar etheleis, ē d’ hos, ennoēsai tēn ge tōn allōn andreian te kai sōphrosynēn, doxei soi einai atopos. pōs dē, ō Sōkrates

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 68 part 1; transliteration: greek-transliteration (build)

Share X Facebook