Work 3 · Passage 24
Plato
Greek
ΦΑΙΔ. καίτοι καλοῦσί γε ἀκολασίαν τὸ ὑπὸ τῶν ἡδονῶν ἄρχεσθαι, ἀλλ’ ὅμως συμβαίνει αὐτοῖς κρατουμένοις ὑφ᾽ ἡδονῶν κρατεῖν ἄλλων ἡδονῶν. τοῦτο δ’ ὅμοιόν ἐστιν ᾧ νυνδὴ ἐλέγετο, τῷ τρόπον τινὰ δι’ ἀκολασίαν αὐτοὺς σεσωφρονίσθαι. ἔοικε γάρ. ὦ μακάριε Σιμμία , μὴ γὰρ οὐχ αὕτη ᾖ ἡ ὀρθὴ πρὸς ἀρετὴν ἀλλαγή, ἡδονὰς πρὸς ἡδονὰς καὶ λύπας πρὸς λύπας καὶ φόβον πρὸς φόβον καταλλάττεσθαι, μείζω πρὸς ἐλάττω ὥσπερ νομίσματα, ἀλλ’ ᾖ ἐκεῖνο μόνον τὸ νόμισμα ὀρθόν, ἀντὶ οὗ δεῖ πάντα ταῦτα καταλλάττεσθαι, φρόνησις, καὶ μετὰ τούτου τῷ ὄντι ᾖ καὶ ἀνδρεία καὶ σωφροσύνη καὶ δικαιοσύνη καὶ συλλήβδην ἀληθὴς ἀρετή, μετὰ φρονήσεως, καὶ προσγιγνομένων καὶ ἀπογιγνομένων καὶ ἡδονῶν καὶ φόβων καὶ τῶν ἄλλων πάντων τῶν τοιούτων· χωριζόμενα δὲ φρονήσεως ἀλλαττόμενα ἀντὶ ἀλλήλων μὴ σκιαγραφία τις ᾖ ἡ τοιαύτη ἀρετὴ καὶ τῷ ὄντι ἀνδραποδώδης τε καὶ οὐδὲν ὑγιὲς οὐδ’ ἀληθὲς ἔχῃ, τὸ δ’ ἀληθὲς τῷ ὄντι ᾖ κάθαρσίς τις τῶν τοιούτων πάντων καὶ ἡ σωφροσύνη καὶ ἡ δικαιοσύνη καὶ ἀνδρεία, καὶ αὐτὴ ἡ φρόνησις μὴ καθαρμός τις ᾖ. καὶ κινδυνεύουσι καὶ οἱ τὰς τελετὰς ἡμῖν οὗτοι καταστήσαντες οὐ φαῦλοί τινες εἶναι, ἀλλὰ τῷ ὄντι πάλαι αἰνίττεσθαι ὅτι ὃς ἂν ἀμύητος καὶ ἀτέλεστος εἰς Ἅιδου ἀφίκηται ἐν βορβόρῳ κείσεται, ὁ δὲ κεκαθαρμένος τε καὶ τετελεσμένος ἐκεῖσε ἀφικόμενος μετὰ θεῶν οἰκήσει. εἰσὶν γὰρ δή, φασιν οἱ περὶ τὰς τελετάς, ναρθηκοφόροι μὲν πολλοί, βάκχοι δέ τε παῦροι· οὗτοι δ’ εἰσὶν κατὰ τὴν ἐμὴν δόξαν οὐκ ἄλλοι ἢ οἱ πεφιλοσοφηκότες ὀρθῶς. ὧν δὴ καὶ ἐγὼ κατά γε τὸ δυνατὸν οὐδὲν ἀπέλιπον ἐν τῷ βίῳ ἀλλὰ παντὶ τρόπῳ προυθυμήθην γενέσθαι
Transliteration
PHAID. kaitoi kalousi ge akolasian to hypo tōn hēdonōn archesthai, all’ homōs symbainei autois kratoumenois hyph hēdonōn kratein allōn hēdonōn. touto d’ homoion estin hō nyndē elegeto, tō tropon tina di’ akolasian autous sesōphronisthai. eoike gar. ō makarie Simmia , mē gar ouch hautē ē hē orthē pros aretēn allagē, hēdonas pros hēdonas kai lypas pros lypas kai phobon pros phobon katallattesthai, meizō pros elattō hōsper nomismata, all’ ē ekeino monon to nomisma orthon, anti hou dei panta tauta katallattesthai, phronēsis, kai meta toutoy tō onti ē kai andreia kai sōphrosynē kai dikaiosynē kai syllēbdēn alēthēs aretē, meta phronēseōs, kai prosgignomenōn kai apogignomenōn kai hēdonōn kai phobōn kai tōn allōn pantōn tōn toioutōn chōrizomena de phronēseōs allattomena anti allēlōn mē skiagraphia tis ē hē toiautē aretē kai tō onti andrapodōdēs te kai ouden hygies oud’ alēthes echē, to d’ alēthes tō onti ē katharsis tis tōn toioutōn pantōn kai hē sōphrosynē kai hē dikaiosynē kai andreia, kai autē hē phronēsis mē katharmos tis ē. kai kindyneuousi kai hoi tas teletas hēmin houtoi katastēsantes ou phauloi tines einai, alla tō onti palai ainittesthai hoti hos an amyētos kai atelestos eis hAidou aphikētai en borborō keisetai, ho de kekatharmenos te kai tetelesmenos ekeise aphikomenos meta theōn oikēsei. eisin gar dē, phasin hoi peri tas teletas, narthēkophoroi men polloi, bakchoi de te pauroi houtoi d’ eisin kata tēn emēn doxan ouk alloi ē hoi pephilosophēkotes orthōs. hōn dē kai egō kata ge to dynaton ouden apelipon en tō biō alla panti tropō prouthymēthēn genesthai
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 69 part 1; transliteration: greek-transliteration (build)