Languages

Work 3 · Passage 26

Work 3 · Passage 26

Plato

Greek

ΦΑΙΔ. εἰπόντος δὴ τοῦ Σωκράτους ταῦτα, ὑπολαβὼν ὁ Κέβης ἔφη· ὦ Σώκρατες , τὰ μὲν ἄλλα ἔμοιγε δοκεῖ καλῶς λέγεσθαι, τὰ δὲ περὶ τῆς ψυχῆς πολλὴν ἀπιστίαν παρέχει τοῖς ἀνθρώποις μή, ἐπειδὰν ἀπαλλαγῇ τοῦ σώματος, οὐδαμοῦ ἔτι ᾖ, ἀλλ’ ἐκείνῃ τῇ ἡμέρᾳ διαφθείρηταί τε καὶ ἀπολλύηται ᾗ ἂν ὁ ἄνθρωπος ἀποθνῄσκῃ, εὐθὺς ἀπαλλαττομένη τοῦ σώματος, καὶ ἐκβαίνουσα ὥσπερ πνεῦμα ἢ καπνὸς διασκεδασθεῖσα οἴχηται διαπτομένη καὶ οὐδὲν ἔτι οὐδαμοῦ ᾖ. ἐπεί, εἴπερ εἴη που αὐτὴ καθ’ αὑτὴν συνηθροισμένη καὶ ἀπηλλαγμένη τούτων τῶν κακῶν ὧν σὺ νυνδὴ διῆλθες, πολλὴ ἂν εἴη ἐλπὶς καὶ καλή, ὦ Σώκρατες , ὡς ἀληθῆ ἐστιν ἃ σὺ λέγεις· ἀλλὰ τοῦτο δὴ ἴσως οὐκ ὀλίγης παραμυθίας δεῖται καὶ πίστεως, ὡς ἔστι τε ψυχὴ ἀποθανόντος τοῦ ἀνθρώπου καί τινα δύναμιν ἔχει καὶ φρόνησιν. ἀληθῆ, ἔφη, λέγεις, ὁ Σωκράτης , ὦ Κέβης · ἀλλὰ τί δὴ ποιῶμεν; ἢ περὶ αὐτῶν τούτων βούλει διαμυθολογῶμεν, εἴτε εἰκὸς οὕτως ἔχειν εἴτε μή; ἐγὼ γοῦν, ἔφη ὁ Κέβης , ἡδέως ἂν ἀκούσαιμι ἥντινα δόξαν ἔχεις περὶ αὐτῶν. οὔκουν γ’ ἂν οἶμαι, ἦ δ’ ὃς ὁ Σωκράτης , εἰπεῖν τινα νῦν ἀκούσαντα, οὐδ’ εἰ κωμῳδοποιὸς εἴη, ὡς ἀδολεσχῶ καὶ οὐ περὶ προσηκόντων τοὺς λόγους ποιοῦμαι. εἰ οὖν δοκεῖ, χρὴ διασκοπεῖσθαι. σκεψώμεθα δὲ αὐτὸ τῇδέ πῃ, εἴτ’ ἄρα ἐν Ἅιδου εἰσὶν αἱ ψυχαὶ τελευτησάντων τῶν ἀνθρώπων εἴτε καὶ οὔ. παλαιὸς μὲν οὖν ἔστι τις λόγος οὗ μεμνήμεθα, ὡς εἰσὶν ἐνθένδε ἀφικόμεναι ἐκεῖ, καὶ πάλιν γε δεῦρο ἀφικνοῦνται καὶ γίγνονται ἐκ τῶν τεθνεώτων· καὶ εἰ τοῦθ’ οὕτως ἔχει, πάλιν γίγνεσθαι ἐκ τῶν ἀποθανόντων τοὺς ζῶντας, ἄλλο τι ἢ εἶεν ἂν αἱ ψυχαὶ ἡμῶν ἐκεῖ; οὐ γὰρ ἄν που πάλιν ἐγίγνοντο μὴ οὖσαι, καὶ τοῦτο ἱκανὸν τεκμήριον τοῦ ταῦτ’ εἶναι, εἰ τῷ ὄντι φανερὸν γίγνοιτο ὅτι οὐδαμόθεν ἄλλοθεν γίγνονται οἱ ζῶντες ἢ ἐκ τῶν τεθνεώτων

Transliteration

PHAID. eipontos dē tou Sōkratous tauta, hypolabōn ho Kebēs ephē ō Sōkrates , ta men alla emoige dokei kalōs legesthai, ta de peri tēs psychēs pollēn apistian parechei tois anthrōpois mē, epeidan apallagē tou sōmatos, oudamoy eti ē, all’ ekeinē tē hēmera diaphtheirētai te kai apollyētai hē an ho anthrōpos apothnēskē, euthys apallattomenē tou sōmatos, kai ekbainousa hōsper pneuma ē kapnos diaskedastheisa oichētai diaptomenē kai ouden eti oudamoy ē. epei, eiper eiē pou autē kath’ hautēn synēthroismenē kai apēllagmenē toutōn tōn kakōn hōn sy nyndē diēlthes, pollē an eiē elpis kai kalē, ō Sōkrates , hōs alēthē estin ha sy legeis alla touto dē isōs ouk oligēs paramythias deitai kai pisteōs, hōs esti te psychē apothanontos tou anthrōpou kai tina dynamin echei kai phronēsin. alēthē, ephē, legeis, ho Sōkratēs , ō Kebēs alla ti dē poiōmen; ē peri autōn toutōn boulei diamythologōmen, eite eikos houtōs echein eite mē; egō goun, ephē ho Kebēs , hēdeōs an akousaimi hēntina doxan echeis peri autōn. oukoyn g’ an oimai, ē d’ hos ho Sōkratēs , eipein tina nyn akousanta, oud’ ei kōmōdopoios eiē, hōs adoleschō kai ou peri prosēkontōn tous logous poioumai. ei oun dokei, chrē diaskopeisthai. skepsōmetha de auto tēde pē, eit’ ara en hAidou eisin hai psychai teleutēsantōn tōn anthrōpōn eite kai ou. palaios men oun esti tis logos hou memnēmetha, hōs eisin enthende aphikomenai ekei, kai palin ge deuro aphiknountai kai gignontai ek tōn tethneōtōn kai ei touth’ houtōs echei, palin gignesthai ek tōn apothanontōn tous zōntas, allo ti ē eien an hai psychai hēmōn ekei; ou gar an pou palin egignonto mē ousai, kai touto hikanon tekmērion tou taut’ einai, ei tō onti phaneron gignoito hoti oudamothen allothen gignontai hoi zōntes ē ek tōn tethneōtōn

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 70 part 1; transliteration: greek-transliteration (build)

Share X Facebook