Languages

Work 3 · Passage 32

Work 3 · Passage 32

Plato

Greek

ΦΑΙΔ. τοῦτο δὲ ἀδύνατον, εἰ μὴ ἦν που ἡμῖν ἡ ψυχὴ πρὶν ἐν τῷδε τῷ ἀνθρωπίνῳ εἴδει γενέσθαι· ὥστε καὶ ταύτῃ ἀθάνατον ἡ ψυχή τι ἔοικεν εἶναι. ἀλλά, ὦ Κέβης , ἔφη ὁ Σιμμίας ὑπολαβών, ποῖαι τούτων αἱ ἀποδείξεις; ὑπόμνησόν με· οὐ γὰρ σφόδρα ἐν τῷ παρόντι μέμνημαι. ἑνὶ μὲν λόγῳ, ἔφη ὁ Κέβης , καλλίστῳ, ὅτι ἐρωτώμενοι οἱ ἄνθρωποι, ἐάν τις καλῶς ἐρωτᾷ, αὐτοὶ λέγουσιν πάντα ᾗ ἔχει — καίτοι εἰ μὴ ἐτύγχανεν αὐτοῖς ἐπιστήμη ἐνοῦσα καὶ ὀρθὸς λόγος, οὐκ ἂν οἷοί τ’ ἦσαν τοῦτο ποιῆσαι — ἔπειτα ἐάν τις ἐπὶ τὰ διαγράμματα ἄγῃ ἢ ἄλλο τι τῶν τοιούτων, ἐνταῦθα σαφέστατα κατηγορεῖ ὅτι τοῦτο οὕτως ἔχει. εἰ δὲ μὴ ταύτῃ γε, ἔφη, πείθῃ, ὦ Σιμμία , ὁ Σωκράτης , σκέψαι ἂν τῇδέ πῄ σοι σκοπουμένῳ συνδόξῃ. ἀπιστεῖς γὰρ δὴ πῶς ἡ καλουμένη μάθησις ἀνάμνησίς ἐστιν; ἀπιστῶ μέν ἔγωγε, ἦ δ’ ὃς ὁ Σιμμίας , οὔ, αὐτὸ δὲ τοῦτο, ἔφη, δέομαι παθεῖν περὶ οὗ ὁ λόγος, ἀναμνησθῆναι. καὶ σχεδόν γε ἐξ ὧν Κέβης ἐπεχείρησε λέγειν ἤδη μέμνημαι καὶ πείθομαι· οὐδὲν μεντἂν ἧττον ἀκούοιμι νῦν πῇ σὺ ἐπεχείρησας λέγειν. τῇδ’ ἔγωγε, ἦ δ’ ὅς. ὁμολογοῦμεν γὰρ δήπου, εἴ τίς τι ἀναμνησθήσεται, δεῖν αὐτὸν τοῦτο πρότερόν ποτε ἐπίστασθαι. πάνυ γ᾽, ἔφη. ἆρ’ οὖν καὶ τόδε ὁμολογοῦμεν, ὅταν ἐπιστήμη παραγίγνηται τρόπῳ τοιούτῳ, ἀνάμνησιν εἶναι; λέγω δὲ τίνα τρόπον; τόνδε. ἐάν τίς τι ἕτερον ἢ ἰδὼν ἢ ἀκούσας ἤ τινα ἄλλην αἴσθησιν λαβὼν μὴ μόνον ἐκεῖνο γνῷ, ἀλλὰ καὶ ἕτερον ἐννοήσῃ οὗ μὴ ἡ αὐτὴ ἐπιστήμη ἀλλ’ ἄλλη, ἆρα οὐχὶ τοῦτο δικαίως λέγομεν ὅτι ἀνεμνήσθη, οὗ τὴν ἔννοιαν ἔλαβεν; πῶς λέγεις; οἷον τὰ τοιάδε· ἄλλη που ἐπιστήμη ἀνθρώπου καὶ λύρας. πῶς γὰρ οὔ; οὐκοῦν οἶσθα ὅτι οἱ ἐρασταί, ὅταν ἴδωσιν λύραν ἢ ἱμάτιον ἢ ἄλλο τι οἷς τὰ παιδικὰ αὐτῶν εἴωθε χρῆσθαι, πάσχουσι τοῦτο· ἔγνωσάν τε τὴν λύραν καὶ ἐν τῇ διανοίᾳ ἔλαβον τὸ εἶδος τοῦ παιδὸς οὗ ἦν ἡ λύρα; τοῦτο δέ ἐστιν ἀνάμνησις

Transliteration

PHAID. touto de adynaton, ei mē ēn pou hēmin hē psychē prin en tōde tō anthrōpinō eidei genesthai hōste kai tautē athanaton hē psychē ti eoiken einai. alla, ō Kebēs , ephē ho Simmias hypolabōn, poiai toutōn hai apodeixeis; hypomnēson me ou gar sphodra en tō paronti memnēmai. heni men logō, ephē ho Kebēs , kallistō, hoti erōtōmenoi hoi anthrōpoi, ean tis kalōs erōta, autoi legousin panta hē echei — kaitoi ei mē etynchanen autois epistēmē enousa kai orthos logos, ouk an hoioi t’ ēsan touto poiēsai — epeita ean tis epi ta diagrammata agē ē allo ti tōn toioutōn, entautha saphestata katēgorei hoti touto houtōs echei. ei de mē tautē ge, ephē, peithē, ō Simmia , ho Sōkratēs , skepsai an tēde pē soi skopoumenō syndoxē. apisteis gar dē pōs hē kaloumenē mathēsis anamnēsis estin; apistō men egōge, ē d’ hos ho Simmias , ou, auto de touto, ephē, deomai pathein peri hou ho logos, anamnēsthēnai. kai schedon ge ex hōn Kebēs epecheirēse legein ēdē memnēmai kai peithomai ouden mentan hētton akouoimi nyn pē sy epecheirēsas legein. tēd’ egōge, ē d’ hos. homologoumen gar dēpou, ei tis ti anamnēsthēsetai, dein auton touto proteron pote epistasthai. pany g , ephē. ar’ oun kai tode homologoumen, hotan epistēmē paragignētai tropō toioutō, anamnēsin einai; legō de tina tropon; tonde. ean tis ti heteron ē idōn ē akousas ē tina allēn aisthēsin labōn mē monon ekeino gnō, alla kai heteron ennoēsē hou mē hē autē epistēmē all’ allē, ara ouchi touto dikaiōs legomen hoti anemnēsthē, hou tēn ennoian elaben; pōs legeis; hoion ta toiade allē pou epistēmē anthrōpou kai lyras. pōs gar ou; oukoyn oistha hoti hoi erastai, hotan idōsin lyran ē himation ē allo ti hois ta paidika autōn eiōthe chrēsthai, paschousi touto egnōsan te tēn lyran kai en tē dianoia elabon to eidos tou paidos hou ēn hē lyra; touto de estin anamnēsis

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 73 part 1; transliteration: greek-transliteration (build)

Share X Facebook