Languages

Work 3 · Passage 4

Work 3 · Passage 4

Plato

Greek

ΦΑΙΔ. διὰ δὴ ταῦτα οὐδὲν πάνυ μοι ἐλεινὸν εἰσῄει, ὡς εἰκὸς ἂν δόξειεν εἶναι παρόντι πένθει, οὔτε αὖ ἡδονὴ ὡς ἐν φιλοσοφίᾳ ἡμῶν ὄντων ὥσπερ εἰώθεμεν — καὶ γὰρ οἱ λόγοι τοιοῦτοί τινες ἦσαν — ἀλλ᾽ ἀτεχνῶς ἄτοπόν τί μοι πάθος παρῆν καί τις ἀήθης κρᾶσις ἀπό τε τῆς ἡδονῆς συγκεκραμένη ὁμοῦ καὶ ἀπὸ τῆς λύπης, ἐνθυμουμένῳ ὅτι αὐτίκα ἐκεῖνος ἔμελλε τελευτᾶν. καὶ πάντες οἱ παρόντες σχεδόν τι οὕτω διεκείμεθα, τοτὲ μὲν γελῶντες, ἐνίοτε δὲ δακρύοντες, εἷς δὲ ἡμῶν καὶ διαφερόντως, Ἀπολλόδωρος — οἶσθα γάρ που τὸν ἄνδρα καὶ τὸν τρόπον αὐτοῦ. ΕΧ. πῶς γὰρ οὔ; ΦΑΙΔ. ἐκεῖνός τε τοίνυν παντάπασιν οὕτως εἶχεν, καὶ αὐτὸς ἔγωγε ἐτεταράγμην καὶ οἱ ἄλλοι. ΕΧ. ἔτυχον δέ, ὦ Φαίδων , τίνες παραγενόμενοι; ΦΑΙΔ. οὗτός τε δὴ ὁ Ἀπολλόδωρος τῶν ἐπιχωρίων παρῆν καὶ Κριτόβουλος καὶ ὁ πατὴρ αὐτοῦ καὶ ἔτι Ἑρμογένης καὶ Ἐπιγένης καὶ Αἰσχίνης καὶ Ἀντισθένης · ἦν δὲ καὶ Κτήσιππος ὁ Παιανιεὺς καὶ Μενέξενος καὶ ἄλλοι τινὲς τῶν ἐπιχωρίων. Πλάτων δὲ οἶμαι ἠσθένει. ΕΧ. ξένοι δέ τινες παρῆσαν; ΦΑΙΔ. ναί, Σιμμίας τέ γε ὁ Θηβαῖος καὶ Κέβης καὶ Φαιδώνδης καὶ Μεγαρόθεν Εὐκλείδης τε καὶ Τερψίων . ΕΧ. τί δέ; Ἀρίστιππος καὶ Κλεόμβροτος παρεγένοντο; ΦΑΙΔ. οὐ δῆτα· ἐν Αἰγίνῃ γὰρ ἐλέγοντο εἶναι. ΕΧ. ἄλλος δέ τις παρῆν; ΦΑΙΔ. σχεδόν τι οἶμαι τούτους παραγενέσθαι. ΕΧ. τί οὖν δή; τίνες φῂς ἦσαν οἱ λόγοι; ΦΑΙΔ. ἐγώ σοι ἐξ ἀρχῆς πάντα πειράσομαι διηγήσασθαι. ἀεὶ γὰρ δὴ καὶ τὰς πρόσθεν ἡμέρας εἰώθεμεν φοιτᾶν καὶ ἐγὼ καὶ οἱ ἄλλοι παρὰ τὸν Σωκράτη , συλλεγόμενοι ἕωθεν εἰς τὸ δικαστήριον ἐν ᾧ καὶ ἡ δίκη ἐγένετο· πλησίον γὰρ ἦν τοῦ δεσμωτηρίου. περιεμένομεν οὖν ἑκάστοτε ἕως ἀνοιχθείη τὸ δεσμωτήριον, διατρίβοντες μετ’ ἀλλήλων, ἀνεῴγετο γὰρ οὐ πρῴ· ἐπειδὴ δὲ ἀνοιχθείη, εἰσῇμεν παρὰ τὸν Σωκράτη καὶ τὰ πολλὰ διημερεύομεν μετ’ αὐτοῦ. καὶ δὴ καὶ τότε πρῳαίτερον συνελέγημεν

Transliteration

PHAID. dia dē tauta ouden pany moi eleinon eisēei, hōs eikos an doxeien einai paronti penthei, oute au hēdonē hōs en philosophia hēmōn ontōn hōsper eiōthemen — kai gar hoi logoi toioutoi tines ēsan — all atechnōs atopon ti moi pathos parēn kai tis aēthēs krasis apo te tēs hēdonēs synkekramenē homou kai apo tēs lypēs, enthymoumenō hoti autika ekeinos emelle teleutan. kai pantes hoi parontes schedon ti houtō diekeimetha, tote men gelōntes, eniote de dakryontes, heis de hēmōn kai diapherontōs, Apollodōros — oistha gar pou ton andra kai ton tropon autou. ECH. pōs gar ou; PHAID. ekeinos te toinyn pantapasin houtōs eichen, kai autos egōge etetaragmēn kai hoi alloi. ECH. etychon de, ō PHaidōn , tines paragenomenoi; PHAID. houtos te dē ho Apollodōros tōn epichōriōn parēn kai Kritoboulos kai ho patēr autou kai eti hErmogenēs kai Epigenēs kai Aischinēs kai Antisthenēs ēn de kai Ktēsippos ho Paianieus kai Menexenos kai alloi tines tōn epichōriōn. Platōn de oimai ēsthenei. ECH. xenoi de tines parēsan; PHAID. nai, Simmias te ge ho THēbaios kai Kebēs kai PHaidōndēs kai Megarothen Eykleidēs te kai Terpsiōn . ECH. ti de; Aristippos kai Kleombrotos paregenonto; PHAID. ou dēta en Aiginē gar elegonto einai. ECH. allos de tis parēn; PHAID. schedon ti oimai toutoys paragenesthai. ECH. ti oun dē; tines phēs ēsan hoi logoi; PHAID. egō soi ex archēs panta peirasomai diēgēsasthai. aei gar dē kai tas prosthen hēmeras eiōthemen phoitan kai egō kai hoi alloi para ton Sōkratē , syllegomenoi heōthen eis to dikastērion en hō kai hē dikē egeneto plēsion gar ēn tou desmōtēriou. periemenomen oun hekastote heōs anoichtheiē to desmōtērion, diatribontes met’ allēlōn, aneōgeto gar ou prō epeidē de anoichtheiē, eisēmen para ton Sōkratē kai ta polla diēmereuomen met’ autou. kai dē kai tote prōaiteron synelegēmen

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 59 part 1; transliteration: greek-transliteration (build)

Share X Facebook