Languages

Work 3 · Passage 46

Work 3 · Passage 46

Plato

Greek

ΦΑΙΔ. ὅρα δὴ καὶ τῇδε ὅτι ἐπειδὰν ἐν τῷ αὐτῷ ὦσι ψυχὴ καὶ σῶμα, τῷ μὲν δουλεύειν καὶ ἄρχεσθαι ἡ φύσις προστάττει, τῇ δὲ ἄρχειν καὶ δεσπόζειν· καὶ κατὰ ταῦτα αὖ πότερόν σοι δοκεῖ ὅμοιον τῷ θείῳ εἶναι καὶ πότερον τῷ θνητῷ; ἢ οὐ δοκεῖ σοι τὸ μὲν θεῖον οἷον ἄρχειν τε καὶ ἡγεμονεύειν πεφυκέναι, τὸ δὲ θνητὸν ἄρχεσθαί τε καὶ δουλεύειν; ἔμοιγε. ποτέρῳ οὖν ἡ ψυχὴ ἔοικεν; δῆλα δή, ὦ Σώκρατες , ὅτι ἡ μὲν ψυχὴ τῷ θείῳ, τὸ δὲ σῶμα τῷ θνητῷ. σκόπει δή, ἔφη, ὦ Κέβης , εἰ ἐκ πάντων τῶν εἰρημένων τάδε ἡμῖν συμβαίνει, τῷ μὲν θείῳ καὶ ἀθανάτῳ καὶ νοητῷ καὶ μονοειδεῖ καὶ ἀδιαλύτῳ καὶ ἀεὶ ὡσαύτως κατὰ ταὐτὰ ἔχοντι ἑαυτῷ ὁμοιότατον εἶναι ψυχή, τῷ δὲ ἀνθρωπίνῳ καὶ θνητῷ καὶ πολυειδεῖ καὶ ἀνοήτῳ καὶ διαλυτῷ καὶ μηδέποτε κατὰ ταὐτὰ ἔχοντι ἑαυτῷ ὁμοιότατον αὖ εἶναι σῶμα. ἔχομέν τι παρὰ ταῦτα ἄλλο λέγειν, ὦ φίλε Κέβης , ᾗ οὐχ οὕτως ἔχει; οὐκ ἔχομεν. τί οὖν; τούτων οὕτως ἐχόντων ἆρ’ οὐχὶ σώματι μὲν ταχὺ διαλύεσθαι προσήκει, ψυχῇ δὲ αὖ τὸ παράπαν ἀδιαλύτῳ εἶναι ἢ ἐγγύς τι τούτου; πῶς γὰρ οὔ; ἐννοεῖς οὖν, ἔφη, ἐπειδὰν ἀποθάνῃ ὁ ἄνθρωπος, τὸ μὲν ὁρατὸν αὐτοῦ, τὸ σῶμα, καὶ ἐν ὁρατῷ κείμενον, ὃ δὴ νεκρὸν καλοῦμεν, ᾧ προσήκει διαλύεσθαι καὶ διαπίπτειν καὶ διαπνεῖσθαι, οὐκ εὐθὺς τούτων οὐδὲν πέπονθεν, ἀλλ᾽ ἐπιεικῶς συχνὸν ἐπιμένει χρόνον, ἐὰν μέν τις καὶ χαριέντως ἔχων τὸ σῶμα τελευτήσῃ καὶ ἐν τοιαύτῃ ὥρᾳ, καὶ πάνυ μάλα· συμπεσὸν γὰρ τὸ σῶμα καὶ ταριχευθέν, ὥσπερ οἱ ἐν Αἰγύπτῳ ταριχευθέντες, ὀλίγου ὅλον μένει ἀμήχανον ὅσον χρόνον, ἔνια δὲ μέρη τοῦ σώματος, καὶ ἂν σαπῇ, ὀστᾶ τε καὶ νεῦρα καὶ τὰ τοιαῦτα πάντα, ὅμως ὡς ἔπος εἰπεῖν ἀθάνατά ἐστιν

Transliteration

PHAID. hora dē kai tēde hoti epeidan en tō autō ōsi psychē kai sōma, tō men douleuein kai archesthai hē physis prostattei, tē de archein kai despozein kai kata tauta au poteron soi dokei homoion tō theiō einai kai poteron tō thnētō; ē ou dokei soi to men theion hoion archein te kai hēgemoneuein pephykenai, to de thnēton archesthai te kai douleuein; emoige. poterō oun hē psychē eoiken; dēla dē, ō Sōkrates , hoti hē men psychē tō theiō, to de sōma tō thnētō. skopei dē, ephē, ō Kebēs , ei ek pantōn tōn eirēmenōn tade hēmin symbainei, tō men theiō kai athanatō kai noētō kai monoeidei kai adialytō kai aei hōsautōs kata tauta echonti heautō homoiotaton einai psychē, tō de anthrōpinō kai thnētō kai polyeidei kai anoētō kai dialytō kai mēdepote kata tauta echonti heautō homoiotaton au einai sōma. echomen ti para tauta allo legein, ō phile Kebēs , hē ouch houtōs echei; ouk echomen. ti oun; toutōn houtōs echontōn ar’ ouchi sōmati men tachy dialyesthai prosēkei, psychē de au to parapan adialytō einai ē engys ti toutoy; pōs gar ou; ennoeis oun, ephē, epeidan apothanē ho anthrōpos, to men horaton autou, to sōma, kai en horatō keimenon, ho dē nekron kaloumen, hō prosēkei dialyesthai kai diapiptein kai diapneisthai, ouk euthys toutōn ouden peponthen, all epieikōs sychnon epimenei chronon, ean men tis kai charientōs echōn to sōma teleutēsē kai en toiautē hōra, kai pany mala sympeson gar to sōma kai taricheuthen, hōsper hoi en Aigyptō taricheuthentes, oligou holon menei amēchanon hoson chronon, enia de merē tou sōmatos, kai an sapē, osta te kai neura kai ta toiauta panta, homōs hōs epos eipein athanata estin

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 80 part 1; transliteration: greek-transliteration (build)

Share X Facebook