Languages

Work 3 · Passage 48

Work 3 · Passage 48

Plato

Greek

ΦΑΙΔ. παντάπασί γε. οὐκοῦν οὕτω μὲν ἔχουσα εἰς τὸ ὅμοιον αὐτῇ τὸ ἀιδὲς ἀπέρχεται, τὸ θεῖόν τε καὶ ἀθάνατον καὶ φρόνιμον, οἷ ἀφικομένῃ ὑπάρχει αὐτῇ εὐδαίμονι εἶναι, πλάνης καὶ ἀνοίας καὶ φόβων καὶ ἀγρίων ἐρώτων καὶ τῶν ἄλλων κακῶν τῶν ἀνθρωπείων ἀπηλλαγμένῃ, ὥσπερ δὲ λέγεται κατὰ τῶν μεμυημένων, ὡς ἀληθῶς τὸν λοιπὸν χρόνον μετὰ θεῶν διάγουσα; οὕτω φῶμεν, ὦ Κέβης , ἢ ἄλλως; οὕτω νὴ Δία , ἔφη ὁ Κέβης . ἐὰν δέ γε οἶμαι μεμιασμένη καὶ ἀκάθαρτος τοῦ σώματος ἀπαλλάττηται, ἅτε τῷ σώματι ἀεὶ συνοῦσα καὶ τοῦτο θεραπεύουσα καὶ ἐρῶσα καὶ γοητευομένη ὑπ’ αὐτοῦ ὑπό τε τῶν ἐπιθυμιῶν καὶ ἡδονῶν, ὥστε μηδὲν ἄλλο δοκεῖν εἶναι ἀληθὲς ἀλλ’ ἢ τὸ σωματοειδές, οὗ τις ἂν ἅψαιτο καὶ ἴδοι καὶ πίοι καὶ φάγοι καὶ πρὸς τὰ ἀφροδίσια χρήσαιτο, τὸ δὲ τοῖς ὄμμασι σκοτῶδες καὶ ἀιδές, νοητὸν δὲ καὶ φιλοσοφίᾳ αἱρετόν, τοῦτο δὲ εἰθισμένη μισεῖν τε καὶ τρέμειν καὶ φεύγειν, οὕτω δὴ ἔχουσαν οἴει ψυχὴν αὐτὴν καθ’ αὑτὴν εἰλικρινῆ ἀπαλλάξεσθαι; οὐδ’ ὁπωστιοῦν, ἔφη. ἀλλὰ διειλημμένην γε οἶμαι ὑπὸ τοῦ σωματοειδοῦς, ὃ αὐτῇ ἡ ὁμιλία τε καὶ συνουσία τοῦ σώματος διὰ τὸ ἀεὶ συνεῖναι καὶ διὰ τὴν πολλὴν μελέτην ἐνεποίησε σύμφυτον; πάνυ γε. ἐμβριθὲς δέ γε, ὦ φίλε, τοῦτο οἴεσθαι χρὴ εἶναι καὶ βαρὺ καὶ γεῶδες καὶ ὁρατόν· ὃ δὴ καὶ ἔχουσα ἡ τοιαύτη ψυχὴ βαρύνεταί τε καὶ ἕλκεται πάλιν εἰς τὸν ὁρατὸν τόπον φόβῳ τοῦ ἀιδοῦς τε καὶ Ἅιδου , ὥσπερ λέγεται, περὶ τὰ μνήματά τε καὶ τοὺς τάφους κυλινδουμένη, περὶ ἃ δὴ καὶ ὤφθη ἄττα ψυχῶν σκιοειδῆ φαντάσματα, οἷα παρέχονται αἱ τοιαῦται ψυχαὶ εἴδωλα, αἱ μὴ καθαρῶς ἀπολυθεῖσαι ἀλλὰ τοῦ ὁρατοῦ μετέχουσαι, διὸ καὶ ὁρῶνται. εἰκός γε, ὦ Σώκρατες . εἰκὸς μέντοι, ὦ Κέβης

Transliteration

PHAID. pantapasi ge. oukoyn houtō men echousa eis to homoion autē to aides aperchetai, to theion te kai athanaton kai phronimon, hoi aphikomenē hyparchei autē eudaimoni einai, planēs kai anoias kai phobōn kai agriōn erōtōn kai tōn allōn kakōn tōn anthrōpeiōn apēllagmenē, hōsper de legetai kata tōn memyēmenōn, hōs alēthōs ton loipon chronon meta theōn diagousa; houtō phōmen, ō Kebēs , ē allōs; houtō nē Dia , ephē ho Kebēs . ean de ge oimai memiasmenē kai akathartos tou sōmatos apallattētai, hate tō sōmati aei synousa kai touto therapeuousa kai erōsa kai goēteuomenē hyp’ autou hypo te tōn epithymiōn kai hēdonōn, hōste mēden allo dokein einai alēthes all’ ē to sōmatoeides, hou tis an hapsaito kai idoi kai pioi kai phagoi kai pros ta aphrodisia chrēsaito, to de tois ommasi skotōdes kai aides, noēton de kai philosophia haireton, touto de eithismenē misein te kai tremein kai pheugein, houtō dē echousan oiei psychēn autēn kath’ hautēn eilikrinē apallaxesthai; oud’ hopōstioun, ephē. alla dieilēmmenēn ge oimai hypo tou sōmatoeidous, ho autē hē homilia te kai synousia tou sōmatos dia to aei syneinai kai dia tēn pollēn meletēn enepoiēse symphyton; pany ge. embrithes de ge, ō phile, touto oiesthai chrē einai kai bary kai geōdes kai horaton ho dē kai echousa hē toiautē psychē barynetai te kai helketai palin eis ton horaton topon phobō tou aidous te kai hAidou , hōsper legetai, peri ta mnēmata te kai tous taphous kylindoumenē, peri ha dē kai ōphthē atta psychōn skioeidē phantasmata, hoia parechontai hai toiautai psychai eidōla, hai mē katharōs apolytheisai alla tou horatou metechousai, dio kai horōntai. eikos ge, ō Sōkrates . eikos mentoi, ō Kebēs

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 81 part 1; transliteration: greek-transliteration (build)

Share X Facebook