Languages

Work 3 · Passage 56

Work 3 · Passage 56

Plato

Greek

ΦΑΙΔ. οἱ δ’ ἄνθρωποι διὰ τὸ αὑτῶν δέος τοῦ θανάτου καὶ τῶν κύκνων καταψεύδονται, καί φασιν αὐτοὺς θρηνοῦντας τὸν θάνατον ὑπὸ λύπης ἐξᾴδειν, καὶ οὐ λογίζονται ὅτι οὐδὲν ὄρνεον ᾄδει ὅταν πεινῇ ἢ ῥιγῷ ἤ τινα ἄλλην λύπην λυπῆται, οὐδὲ αὐτὴ ἥ τε ἀηδὼν καὶ χελιδὼν καὶ ὁ ἔποψ, ἃ δή φασι διὰ λύπην θρηνοῦντα ᾄδειν. ἀλλ᾽ οὔτε ταῦτά μοι φαίνεται λυπούμενα ᾄδειν οὔτε οἱ κύκνοι, ἀλλ’ ἅτε οἶμαι τοῦ Ἀπόλλωνος ὄντες, μαντικοί τέ εἰσι καὶ προειδότες τὰ ἐν Ἅιδου ἀγαθὰ ᾄδουσι καὶ τέρπονται ἐκείνην τὴν ἡμέραν διαφερόντως ἢ ἐν τῷ ἔμπροσθεν χρόνῳ. ἐγὼ δὲ καὶ αὐτὸς ἡγοῦμαι ὁμόδουλός τε εἶναι τῶν κύκνων καὶ ἱερὸς τοῦ αὐτοῦ θεοῦ, καὶ οὐ χεῖρον ἐκείνων τὴν μαντικὴν ἔχειν παρὰ τοῦ δεσπότου, οὐδὲ δυσθυμότερον αὐτῶν τοῦ βίου ἀπαλλάττεσθαι. ἀλλὰ τούτου γ’ ἕνεκα λέγειν τε χρὴ καὶ ἐρωτᾶν ὅτι ἂν βούλησθε, ἕως ἂν Ἀθηναίων ἐῶσιν ἄνδρες ἕνδεκα. καλῶς, ἔφη, λέγεις, ὁ Σιμμίας · καὶ ἐγώ τέ σοι ἐρῶ ὃ ἀπορῶ, καὶ αὖ ὅδε, ᾗ οὐκ ἀποδέχεται τὰ εἰρημένα. ἐμοὶ γὰρ δοκεῖ, ὦ Σώκρατες , περὶ τῶν τοιούτων ἴσως ὥσπερ καὶ σοὶ τὸ μὲν σαφὲς εἰδέναι ἐν τῷ νῦν βίῳ ἢ ἀδύνατον εἶναι ἢ παγχάλεπόν τι, τὸ μέντοι αὖ τὰ λεγόμενα περὶ αὐτῶν μὴ οὐχὶ παντὶ τρόπῳ ἐλέγχειν καὶ μὴ προαφίστασθαι πρὶν ἂν πανταχῇ σκοπῶν ἀπείπῃ τις, πάνυ μαλθακοῦ εἶναι ἀνδρός

Transliteration

PHAID. hoi d’ anthrōpoi dia to hautōn deos tou thanatou kai tōn kyknōn katapseudontai, kai phasin autous thrēnountas ton thanaton hypo lypēs exadein, kai ou logizontai hoti ouden orneon adei hotan peinē ē rhigō ē tina allēn lypēn lypētai, oude autē hē te aēdōn kai chelidōn kai ho epops, ha dē phasi dia lypēn thrēnounta adein. all oute tauta moi phainetai lypoumena adein oute hoi kyknoi, all’ hate oimai tou Apollōnos ontes, mantikoi te eisi kai proeidotes ta en hAidou agatha adousi kai terpontai ekeinēn tēn hēmeran diapherontōs ē en tō emprosthen chronō. egō de kai autos hēgoumai homodoulos te einai tōn kyknōn kai hieros tou autou theou, kai ou cheiron ekeinōn tēn mantikēn echein para tou despotou, oude dysthymoteron autōn tou biou apallattesthai. alla toutoy g’ heneka legein te chrē kai erōtan hoti an boulēsthe, heōs an Athēnaiōn eōsin andres hendeka. kalōs, ephē, legeis, ho Simmias kai egō te soi erō ho aporō, kai au hode, hē ouk apodechetai ta eirēmena. emoi gar dokei, ō Sōkrates , peri tōn toioutōn isōs hōsper kai soi to men saphes eidenai en tō nyn biō ē adynaton einai ē panchalepon ti, to mentoi au ta legomena peri autōn mē ouchi panti tropō elenchein kai mē proaphistasthai prin an pantachē skopōn apeipē tis, pany malthakou einai andros

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 85 part 1; transliteration: greek-transliteration (build)

Share X Facebook