Languages

Work 3 · Passage 58

Work 3 · Passage 58

Plato

Greek

ΦΑΙΔ. ταύτῃ ἔμοιγε, ἦ δ’ ὅς, ᾗ δὴ καὶ περὶ ἁρμονίας ἄν τις καὶ λύρας τε καὶ χορδῶν τὸν αὐτὸν τοῦτον λόγον εἴποι, ὡς ἡ μὲν ἁρμονία ἀόρατον καὶ ἀσώματον καὶ πάγκαλόν τι καὶ θεῖόν ἐστιν ἐν τῇ ἡρμοσμένῃ λύρᾳ, αὐτὴ δ’ ἡ λύρα καὶ αἱ χορδαὶ σώματά τε καὶ σωματοειδῆ καὶ σύνθετα καὶ γεώδη ἐστὶ καὶ τοῦ θνητοῦ συγγενῆ. ἐπειδὰν οὖν ἢ κατάξῃ τις τὴν λύραν ἢ διατέμῃ καὶ διαρρήξῃ τὰς χορδάς, εἴ τις διισχυρίζοιτο τῷ αὐτῷ λόγῳ ὥσπερ σύ, ὡς ἀνάγκη ἔτι εἶναι τὴν ἁρμονίαν ἐκείνην καὶ μὴ ἀπολωλέναι — οὐδεμία γὰρ μηχανὴ ἂν εἴη τὴν μὲν λύραν ἔτι εἶναι διερρωγυιῶν τῶν χορδῶν καὶ τὰς χορδὰς θνητοειδεῖς οὔσας, τὴν δὲ ἁρμονίαν ἀπολωλέναι τὴν τοῦ θείου τε καὶ ἀθανάτου ὁμοφυῆ τε καὶ συγγενῆ, προτέραν τοῦ θνητοῦ ἀπολομένην — ἀλλὰ φαίη ἀνάγκη ἔτι που εἶναι αὐτὴν τὴν ἁρμονίαν, καὶ πρότερον τὰ ξύλα καὶ τὰς χορδὰς κατασαπήσεσθαι πρίν τι ἐκείνην παθεῖν — καὶ γὰρ οὖν, ὦ Σώκρατες , οἶμαι ἔγωγε καὶ αὐτόν σε τοῦτο ἐντεθυμῆσθαι, ὅτι τοιοῦτόν τι μάλιστα ὑπολαμβάνομεν τὴν ψυχὴν εἶναι, ὥσπερ ἐντεταμένου τοῦ σώματος ἡμῶν καὶ συνεχομένου ὑπὸ θερμοῦ καὶ ψυχροῦ καὶ ξηροῦ καὶ ὑγροῦ καὶ τοιούτων τινῶν, κρᾶσιν εἶναι καὶ ἁρμονίαν αὐτῶν τούτων τὴν ψυχὴν ἡμῶν, ἐπειδὰν ταῦτα καλῶς καὶ μετρίως κραθῇ πρὸς ἄλληλα — εἰ οὖν τυγχάνει ἡ ψυχὴ οὖσα ἁρμονία τις, δῆλον ὅτι, ὅταν χαλασθῇ τὸ σῶμα ἡμῶν ἀμέτρως ἢ ἐπιταθῇ ὑπὸ νόσων καὶ ἄλλων κακῶν, τὴν μὲν ψυχὴν ἀνάγκη εὐθὺς ὑπάρχει ἀπολωλέναι, καίπερ οὖσαν θειοτάτην, ὥσπερ καὶ αἱ ἄλλαι ἁρμονίαι αἵ τ’ ἐν τοῖς φθόγγοις καὶ ἐν τοῖς τῶν δημιουργῶν ἔργοις πᾶσι, τὰ δὲ λείψανα τοῦ σώματος ἑκάστου πολὺν χρόνον παραμένειν, ἕως ἂν ἢ κατακαυθῇ ἢ κατασαπῇ — ὅρα οὖν πρὸς τοῦτον τὸν λόγον τί φήσομεν, ἐάν τις ἀξιοῖ κρᾶσιν οὖσαν τὴν ψυχὴν τῶν ἐν τῷ σώματι ἐν τῷ καλουμένῳ θανάτῳ πρώτην ἀπόλλυσθαι. διαβλέψας οὖν ὁ Σωκράτης , ὥσπερ τὰ πολλὰ εἰώθει, καὶ μειδιάσας, δίκαια μέντοι, ἔφη, λέγει ὁ Σιμμίας

Transliteration

PHAID. tautē emoige, ē d’ hos, hē dē kai peri harmonias an tis kai lyras te kai chordōn ton auton touton logon eipoi, hōs hē men harmonia aoraton kai asōmaton kai pankalon ti kai theion estin en tē hērmosmenē lyra, autē d’ hē lyra kai hai chordai sōmata te kai sōmatoeidē kai syntheta kai geōdē esti kai tou thnētou syngenē. epeidan oun ē kataxē tis tēn lyran ē diatemē kai diarrhēxē tas chordas, ei tis diischyrizoito tō autō logō hōsper sy, hōs anankē eti einai tēn harmonian ekeinēn kai mē apolōlenai — oudemia gar mēchanē an eiē tēn men lyran eti einai dierrhōguiōn tōn chordōn kai tas chordas thnētoeideis ousas, tēn de harmonian apolōlenai tēn tou theiou te kai athanatou homophyē te kai syngenē, proteran tou thnētou apolomenēn — alla phaiē anankē eti pou einai autēn tēn harmonian, kai proteron ta xyla kai tas chordas katasapēsesthai prin ti ekeinēn pathein — kai gar oun, ō Sōkrates , oimai egōge kai auton se touto entethymēsthai, hoti toiouton ti malista hypolambanomen tēn psychēn einai, hōsper entetamenou tou sōmatos hēmōn kai synechomenou hypo thermou kai psychrou kai xērou kai hygrou kai toioutōn tinōn, krasin einai kai harmonian autōn toutōn tēn psychēn hēmōn, epeidan tauta kalōs kai metriōs krathē pros allēla — ei oun tynchanei hē psychē ousa harmonia tis, dēlon hoti, hotan chalasthē to sōma hēmōn ametrōs ē epitathē hypo nosōn kai allōn kakōn, tēn men psychēn anankē euthys hyparchei apolōlenai, kaiper ousan theiotatēn, hōsper kai hai allai harmoniai hai t’ en tois phthongois kai en tois tōn dēmiourgōn ergois pasi, ta de leipsana tou sōmatos hekastou polyn chronon paramenein, heōs an ē katakauthē ē katasapē — hora oun pros touton ton logon ti phēsomen, ean tis axioi krasin ousan tēn psychēn tōn en tō sōmati en tō kaloumenō thanatō prōtēn apollysthai. diablepsas oun ho Sōkratēs , hōsper ta polla eiōthei, kai meidiasas, dikaia mentoi, ephē, legei ho Simmias

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 86 part 1; transliteration: greek-transliteration (build)

Share X Facebook