Languages

Work 3 · Passage 68

Work 3 · Passage 68

Plato

Greek

ΦΑΙΔ. καὶ γὰρ ἐκεῖνοι ὅταν περί του ἀμφισβητῶσιν, ὅπῃ μὲν ἔχει περὶ ὧν ἂν ὁ λόγος ᾖ οὐ φροντίζουσιν, ὅπως δὲ ἃ αὐτοὶ ἔθεντο ταῦτα δόξει τοῖς παροῦσιν, τοῦτο προθυμοῦνται. καὶ ἐγώ μοι δοκῶ ἐν τῷ παρόντι τοσοῦτον μόνον ἐκείνων διοίσειν· οὐ γὰρ ὅπως τοῖς παροῦσιν ἃ ἐγὼ λέγω δόξει ἀληθῆ εἶναι προθυμήσομαι, εἰ μὴ εἴη πάρεργον, ἀλλ’ ὅπως αὐτῷ ἐμοὶ ὅτι μάλιστα δόξει οὕτως ἔχειν. λογίζομαι γάρ, ὦ φίλε ἑταῖρε — θέασαι ὡς πλεονεκτικῶς — εἰ μὲν τυγχάνει ἀληθῆ ὄντα ἃ λέγω, καλῶς δὴ ἔχει τὸ πεισθῆναι· εἰ δὲ μηδέν ἐστι τελευτήσαντι, ἀλλ’ οὖν τοῦτόν γε τὸν χρόνον αὐτὸν τὸν πρὸ τοῦ θανάτου ἧττον τοῖς παροῦσιν ἀηδὴς ἔσομαι ὀδυρόμενος, ἡ δὲ ἄνοιά μοι αὕτη οὐ συνδιατελεῖ — κακὸν γὰρ ἂν ἦν — ἀλλ’ ὀλίγον ὕστερον ἀπολεῖται. παρεσκευασμένος δή, ἔφη, ὦ Σιμμία τε καὶ Κέβης , οὑτωσὶ ἔρχομαι ἐπὶ τὸν λόγον· ὑμεῖς μέντοι, ἂν ἐμοὶ πείθησθε, σμικρὸν φροντίσαντες Σωκράτους , τῆς δὲ ἀληθείας πολὺ μᾶλλον, ἐὰν μέν τι ὑμῖν δοκῶ ἀληθὲς λέγειν, συνομολογήσατε, εἰ δὲ μή, παντὶ λόγῳ ἀντιτείνετε, εὐλαβούμενοι ὅπως μὴ ἐγὼ ὑπὸ προθυμίας ἅμα ἐμαυτόν τε καὶ ὑμᾶς ἐξαπατήσας, ὥσπερ μέλιττα τὸ κέντρον ἐγκαταλιπὼν οἰχήσομαι. ἀλλ᾽ ἰτέον, ἔφη. πρῶτόν με ὑπομνήσατε ἃ ἐλέγετε, ἐὰν μὴ φαίνωμαι μεμνημένος. Σιμμίας μὲν γάρ, ὡς ἐγᾦμαι, ἀπιστεῖ τε καὶ φοβεῖται μὴ ἡ ψυχὴ ὅμως καὶ θειότερον καὶ κάλλιον ὂν τοῦ σώματος προαπολλύηται ἐν ἁρμονίας εἴδει οὖσα

Transliteration

PHAID. kai gar ekeinoi hotan peri tou amphisbētōsin, hopē men echei peri hōn an ho logos ē ou phrontizousin, hopōs de ha autoi ethento tauta doxei tois parousin, touto prothymountai. kai egō moi dokō en tō paronti tosouton monon ekeinōn dioisein ou gar hopōs tois parousin ha egō legō doxei alēthē einai prothymēsomai, ei mē eiē parergon, all’ hopōs autō emoi hoti malista doxei houtōs echein. logizomai gar, ō phile hetaire — theasai hōs pleonektikōs — ei men tynchanei alēthē onta ha legō, kalōs dē echei to peisthēnai ei de mēden esti teleutēsanti, all’ oun touton ge ton chronon auton ton pro tou thanatou hētton tois parousin aēdēs esomai odyromenos, hē de anoia moi hautē ou syndiatelei — kakon gar an ēn — all’ oligon hysteron apoleitai. pareskeuasmenos dē, ephē, ō Simmia te kai Kebēs , houtōsi erchomai epi ton logon hymeis mentoi, an emoi peithēsthe, smikron phrontisantes Sōkratous , tēs de alētheias poly mallon, ean men ti hymin dokō alēthes legein, synomologēsate, ei de mē, panti logō antiteinete, eulaboumenoi hopōs mē egō hypo prothymias hama emauton te kai hymas exapatēsas, hōsper melitta to kentron enkatalipōn oichēsomai. all iteon, ephē. prōton me hypomnēsate ha elegete, ean mē phainōmai memnēmenos. Simmias men gar, hōs egōmai, apistei te kai phobeitai mē hē psychē homōs kai theioteron kai kallion on tou sōmatos proapollyētai en harmonias eidei ousa

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 91 part 1; transliteration: greek-transliteration (build)

Share X Facebook