Languages

Work 3 · Passage 74

Work 3 · Passage 74

Plato

Greek

ΦΑΙΔ. μᾶλλον δέ γέ που, ὦ Σιμμία , κατὰ τὸν ὀρθὸν λόγον κακίας οὐδεμία ψυχὴ μεθέξει, εἴπερ ἁρμονία ἐστίν· ἁρμονία γὰρ δήπου παντελῶς αὐτὸ τοῦτο οὖσα, ἁρμονία, ἀναρμοστίας οὔποτ’ ἂν μετάσχοι. οὐ μέντοι. οὐδέ γε δήπου ψυχή, οὖσα παντελῶς ψυχή, κακίας. πῶς γὰρ ἔκ γε τῶν προειρημένων; ἐκ τούτου ἄρα τοῦ λόγου ἡμῖν πᾶσαι ψυχαὶ πάντων ζῴων ὁμοίως ἀγαθαὶ ἔσονται, εἴπερ ὁμοίως ψυχαὶ πεφύκασιν αὐτὸ τοῦτο, ψυχαί, εἶναι. ἔμοιγε δοκεῖ, ἔφη, ὦ Σώκρατες . ἦ καὶ καλῶς δοκεῖ, ἦ δ’ ὅς, οὕτω λέγεσθαι, καὶ πάσχειν ἂν ταῦτα ὁ λόγος εἰ ὀρθὴ ἡ ὑπόθεσις ἦν, τὸ ψυχὴν ἁρμονίαν εἶναι; οὐδ’ ὁπωστιοῦν, ἔφη. τί δέ; ἦ δ’ ὅς· τῶν ἐν ἀνθρώπῳ πάντων ἔσθ’ ὅτι ἄλλο λέγεις ἄρχειν ἢ ψυχὴν ἄλλως τε καὶ φρόνιμον; οὐκ ἔγωγε. πότερον συγχωροῦσαν τοῖς κατὰ τὸ σῶμα πάθεσιν ἢ καὶ ἐναντιουμένην; λέγω δὲ τὸ τοιόνδε, οἷον καύματος ἐνόντος καὶ δίψους ἐπὶ τοὐναντίον ἕλκειν, τὸ μὴ πίνειν, καὶ πείνης ἐνούσης ἐπὶ τὸ μὴ ἐσθίειν, καὶ ἄλλα μυρία που ὁρῶμεν ἐναντιουμένην τὴν ψυχὴν τοῖς κατὰ τὸ σῶμα· ἢ οὔ; πάνυ μὲν οὖν. οὐκοῦν αὖ ὡμολογήσαμεν ἐν τοῖς πρόσθεν μήποτ’ ἂν αὐτήν, ἁρμονίαν γε οὖσαν, ἐναντία ᾄδειν οἷς ἐπιτείνοιτο καὶ χαλῷτο καὶ ψάλλοιτο καὶ ἄλλο ὁτιοῦν πάθος πάσχοι ἐκεῖνα ἐξ ὧν τυγχάνοι οὖσα, ἀλλ’ ἕπεσθαι ἐκείνοις καὶ οὔποτ’ ἂν ἡγεμονεύειν; ὡμολογήσαμεν, ἔφη· πῶς γὰρ οὔ; τί οὖν; νῦν οὐ πᾶν τοὐναντίον ἡμῖν φαίνεται ἐργαζομένη, ἡγεμονεύουσά τε ἐκείνων πάντων ἐξ ὧν φησί τις αὐτὴν εἶναι, καὶ ἐναντιουμένη ὀλίγου πάντα διὰ παντὸς τοῦ βίου καὶ δεσπόζουσα πάντας τρόπους, τὰ μὲν χαλεπώτερον κολάζουσα καὶ μετ’ ἀλγηδόνων, τά τε κατὰ τὴν γυμναστικὴν καὶ τὴν ἰατρικήν, τὰ δὲ πρᾳότερον, καὶ τὰ μὲν ἀπειλοῦσα, τὰ δὲ νουθετοῦσα, ταῖς ἐπιθυμίαις καὶ ὀργαῖς καὶ φόβοις ὡς ἄλλη οὖσα ἄλλῳ πράγματι διαλεγομένη; οἷόν που καὶ Ὅμηρος ἐν Ὀδυσσείᾳ πεποίηκεν, οὗ λέγει τὸν Ὀδυσσέα · στῆθος δὲ πλήξας κραδίην ἠνίπαπε μύθῳ· τέτλαθι δή, κραδίη

Transliteration

PHAID. mallon de ge pou, ō Simmia , kata ton orthon logon kakias oudemia psychē methexei, eiper harmonia estin harmonia gar dēpou pantelōs auto touto ousa, harmonia, anarmostias oupot’ an metaschoi. ou mentoi. oude ge dēpou psychē, ousa pantelōs psychē, kakias. pōs gar ek ge tōn proeirēmenōn; ek toutoy ara tou logou hēmin pasai psychai pantōn zōōn homoiōs agathai esontai, eiper homoiōs psychai pephykasin auto touto, psychai, einai. emoige dokei, ephē, ō Sōkrates . ē kai kalōs dokei, ē d’ hos, houtō legesthai, kai paschein an tauta ho logos ei orthē hē hypothesis ēn, to psychēn harmonian einai; oud’ hopōstioun, ephē. ti de; ē d’ hos tōn en anthrōpō pantōn esth’ hoti allo legeis archein ē psychēn allōs te kai phronimon; ouk egōge. poteron synchōrousan tois kata to sōma pathesin ē kai enantioumenēn; legō de to toionde, hoion kaumatos enontos kai dipsous epi tounantion helkein, to mē pinein, kai peinēs enousēs epi to mē esthiein, kai alla myria pou horōmen enantioumenēn tēn psychēn tois kata to sōma ē ou; pany men oun. oukoyn au hōmologēsamen en tois prosthen mēpot’ an autēn, harmonian ge ousan, enantia adein hois epiteinoito kai chalōto kai psalloito kai allo hotioun pathos paschoi ekeina ex hōn tynchanoi ousa, all’ hepesthai ekeinois kai oupot’ an hēgemoneuein; hōmologēsamen, ephē pōs gar ou; ti oun; nyn ou pan tounantion hēmin phainetai ergazomenē, hēgemoneuousa te ekeinōn pantōn ex hōn phēsi tis autēn einai, kai enantioumenē oligou panta dia pantos tou biou kai despozousa pantas tropous, ta men chalepōteron kolazousa kai met’ algēdonōn, ta te kata tēn gymnastikēn kai tēn iatrikēn, ta de praoteron, kai ta men apeilousa, ta de nouthetoysa, tais epithymiais kai orgais kai phobois hōs allē ousa allō pragmati dialegomenē; hoion pou kai hOmēros en Odysseia pepoiēken, hou legei ton Odyssea stēthos de plēxas kradiēn ēnipape mythō tetlathi dē, kradiē

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 94 part 1; transliteration: greek-transliteration (build)

Share X Facebook