Languages

Work 3 · Passage 78

Work 3 · Passage 78

Plato

Greek

ΦΑΙΔ. ἐγὼ οὖν σοι δίειμι περὶ αὐτῶν, ἐὰν βούλῃ, τά γε ἐμὰ πάθη· ἔπειτα ἄν τί σοι χρήσιμον φαίνηται ὧν ἂν λέγω, πρὸς τὴν πειθὼ περὶ ὧν δὴ λέγεις χρήσῃ. ἀλλὰ μήν, ἔφη ὁ Κέβης , βούλομαί γε. ἄκουε τοίνυν ὡς ἐροῦντος. ἐγὼ γάρ, ἔφη, ὦ Κέβης , νέος ὢν θαυμαστῶς ὡς ἐπεθύμησα ταύτης τῆς σοφίας ἣν δὴ καλοῦσι περὶ φύσεως ἱστορίαν· ὑπερήφανος γάρ μοι ἐδόκει εἶναι, εἰδέναι τὰς αἰτίας ἑκάστου, διὰ τί γίγνεται ἕκαστον καὶ διὰ τί ἀπόλλυται καὶ διὰ τί ἔστι. καὶ πολλάκις ἐμαυτὸν ἄνω κάτω μετέβαλλον σκοπῶν πρῶτον τὰ τοιάδε· ἆρ’ ἐπειδὰν τὸ θερμὸν καὶ τὸ ψυχρὸν σηπεδόνα τινὰ λάβῃ, ὥς τινες ἔλεγον, τότε δὴ τὰ ζῷα συντρέφεται; καὶ πότερον τὸ αἷμά ἐστιν ᾧ φρονοῦμεν, ἢ ὁ ἀὴρ ἢ τὸ πῦρ; ἢ τούτων μὲν οὐδέν, ὁ δ’ ἐγκέφαλός ἐστιν ὁ τὰς αἰσθήσεις παρέχων τοῦ ἀκούειν καὶ ὁρᾶν καὶ ὀσφραίνεσθαι, ἐκ τούτων δὲ γίγνοιτο μνήμη καὶ δόξα, ἐκ δὲ μνήμης καὶ δόξης λαβούσης τὸ ἠρεμεῖν, κατὰ ταῦτα γίγνεσθαι ἐπιστήμην; καὶ αὖ τούτων τὰς φθορὰς σκοπῶν, καὶ τὰ περὶ τὸν οὐρανόν τε καὶ τὴν γῆν πάθη, τελευτῶν οὕτως ἐμαυτῷ ἔδοξα πρὸς ταύτην τὴν σκέψιν ἀφυὴς εἶναι ὡς οὐδὲν χρῆμα. τεκμήριον δέ σοι ἐρῶ ἱκανόν· ἐγὼ γὰρ ἃ καὶ πρότερον σαφῶς ἠπιστάμην, ὥς γε ἐμαυτῷ καὶ τοῖς ἄλλοις ἐδόκουν, τότε ὑπὸ ταύτης τῆς σκέψεως οὕτω σφόδρα ἐτυφλώθην, ὥστε ἀπέμαθον καὶ ταῦτα ἃ πρὸ τοῦ ᾤμην εἰδέναι, περὶ ἄλλων τε πολλῶν καὶ διὰ τί ἄνθρωπος αὐξάνεται. τοῦτο γὰρ ᾤμην πρὸ τοῦ παντὶ δῆλον εἶναι, ὅτι διὰ τὸ ἐσθίειν καὶ πίνειν· ἐπειδὰν γὰρ ἐκ τῶν σιτίων ταῖς μὲν σαρξὶ σάρκες προσγένωνται, τοῖς δὲ ὀστοῖς ὀστᾶ, καὶ οὕτω κατὰ τὸν αὐτὸν λόγον καὶ τοῖς ἄλλοις τὰ αὐτῶν οἰκεῖα ἑκάστοις προσγένηται, τότε δὴ τὸν ὀλίγον ὄγκον ὄντα ὕστερον πολὺν γεγονέναι, καὶ οὕτω γίγνεσθαι τὸν σμικρὸν ἄνθρωπον μέγαν. οὕτως τότε ᾤμην

Transliteration

PHAID. egō oun soi dieimi peri autōn, ean boulē, ta ge ema pathē epeita an ti soi chrēsimon phainētai hōn an legō, pros tēn peithō peri hōn dē legeis chrēsē. alla mēn, ephē ho Kebēs , boulomai ge. akoue toinyn hōs erountos. egō gar, ephē, ō Kebēs , neos ōn thaumastōs hōs epethymēsa tautēs tēs sophias hēn dē kalousi peri physeōs historian hyperēphanos gar moi edokei einai, eidenai tas aitias hekastou, dia ti gignetai hekaston kai dia ti apollytai kai dia ti esti. kai pollakis emauton anō katō meteballon skopōn prōton ta toiade ar’ epeidan to thermon kai to psychron sēpedona tina labē, hōs tines elegon, tote dē ta zōa syntrephetai; kai poteron to haima estin hō phronoumen, ē ho aēr ē to pyr; ē toutōn men ouden, ho d’ enkephalos estin ho tas aisthēseis parechōn tou akouein kai horan kai osphrainesthai, ek toutōn de gignoito mnēmē kai doxa, ek de mnēmēs kai doxēs labousēs to ēremein, kata tauta gignesthai epistēmēn; kai au toutōn tas phthoras skopōn, kai ta peri ton ouranon te kai tēn gēn pathē, teleutōn houtōs emautō edoxa pros tautēn tēn skepsin aphyēs einai hōs ouden chrēma. tekmērion de soi erō hikanon egō gar ha kai proteron saphōs ēpistamēn, hōs ge emautō kai tois allois edokoun, tote hypo tautēs tēs skepseōs houtō sphodra etyphlōthēn, hōste apemathon kai tauta ha pro tou ōmēn eidenai, peri allōn te pollōn kai dia ti anthrōpos auxanetai. touto gar ōmēn pro tou panti dēlon einai, hoti dia to esthiein kai pinein epeidan gar ek tōn sitiōn tais men sarxi sarkes prosgenōntai, tois de ostois osta, kai houtō kata ton auton logon kai tois allois ta autōn oikeia hekastois prosgenētai, tote dē ton oligon onkon onta hysteron polyn gegonenai, kai houtō gignesthai ton smikron anthrōpon megan. houtōs tote ōmēn

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 96 part 1; transliteration: greek-transliteration (build)

Share X Facebook