Work 3 · Passage 80
Plato
Greek
ΦΑΙΔ. πόρρω που, ἔφη, νὴ Δία ἐμὲ εἶναι τοῦ οἴεσθαι περὶ τούτων του τὴν αἰτίαν εἰδέναι, ὅς γε οὐκ ἀποδέχομαι ἐμαυτοῦ οὐδὲ ὡς ἐπειδὰν ἑνί τις προσθῇ ἕν, ἢ τὸ ἓν ᾧ προσετέθη δύο γέγονεν, ἢ τὸ προστεθέν, ἢ τὸ προστεθὲν καὶ ᾧ προσετέθη διὰ τὴν πρόσθεσιν τοῦ ἑτέρου τῷ ἑτέρῳ δύο ἐγένετο· θαυμάζω γὰρ εἰ ὅτε μὲν ἑκάτερον αὐτῶν χωρὶς ἀλλήλων ἦν, ἓν ἄρα ἑκάτερον ἦν καὶ οὐκ ἤστην τότε δύο, ἐπεὶ δ’ ἐπλησίασαν ἀλλήλοις, αὕτη ἄρα αἰτία αὐτοῖς ἐγένετο τοῦ δύο γενέσθαι, ἡ σύνοδος τοῦ πλησίον ἀλλήλων τεθῆναι. οὐδέ γε ὡς ἐάν τις ἓν διασχίσῃ, δύναμαι ἔτι πείθεσθαι ὡς αὕτη αὖ αἰτία γέγονεν, ἡ σχίσις, τοῦ δύο γεγονέναι· ἐναντία γὰρ γίγνεται ἢ τότε αἰτία τοῦ δύο γίγνεσθαι. τότε μὲν γὰρ ὅτι συνήγετο πλησίον ἀλλήλων καὶ προσετίθετο ἕτερον ἑτέρῳ, νῦν δ’ ὅτι ἀπάγεται καὶ χωρίζεται ἕτερον ἀφ’ ἑτέρου. οὐδέ γε δι’ ὅτι ἓν γίγνεται ὡς ἐπίσταμαι, ἔτι πείθω ἐμαυτόν, οὐδ’ ἄλλο οὐδὲν ἑνὶ λόγῳ δι’ ὅτι γίγνεται ἢ ἀπόλλυται ἢ ἔστι, κατὰ τοῦτον τὸν τρόπον τῆς μεθόδου, ἀλλά τιν’ ἄλλον τρόπον αὐτὸς εἰκῇ φύρω, τοῦτον δὲ οὐδαμῇ προσίεμαι. ἀλλ’ ἀκούσας μέν ποτε ἐκ βιβλίου τινός, ὡς ἔφη, Ἀναξαγόρου ἀναγιγνώσκοντος, καὶ λέγοντος ὡς ἄρα νοῦς ἐστιν ὁ διακοσμῶν τε καὶ πάντων αἴτιος, ταύτῃ δὴ τῇ αἰτίᾳ ἥσθην τε καὶ ἔδοξέ μοι τρόπον τινὰ εὖ ἔχειν τὸ τὸν νοῦν εἶναι πάντων αἴτιον, καὶ ἡγησάμην, εἰ τοῦθ’ οὕτως ἔχει, τόν γε νοῦν κοσμοῦντα πάντα κοσμεῖν καὶ ἕκαστον τιθέναι ταύτῃ ὅπῃ ἂν βέλτιστα ἔχῃ· εἰ οὖν τις βούλοιτο τὴν αἰτίαν εὑρεῖν περὶ ἑκάστου ὅπῃ γίγνεται ἢ ἀπόλλυται ἢ ἔστι, τοῦτο δεῖν περὶ αὐτοῦ εὑρεῖν, ὅπῃ βέλτιστον αὐτῷ ἐστιν ἢ εἶναι ἢ ἄλλο ὁτιοῦν πάσχειν ἢ ποιεῖν· ἐκ δὲ δὴ τοῦ λόγου τούτου οὐδὲν ἄλλο σκοπεῖν προσήκειν ἀνθρώπῳ καὶ περὶ αὐτοῦ ἐκείνου καὶ περὶ τῶν ἄλλων ἀλλ᾽ ἢ τὸ ἄριστον καὶ τὸ βέλτιστον. ἀναγκαῖον δὲ εἶναι τὸν αὐτὸν τοῦτον καὶ τὸ χεῖρον εἰδέναι
Transliteration
PHAID. porrhō pou, ephē, nē Dia eme einai tou oiesthai peri toutōn tou tēn aitian eidenai, hos ge ouk apodechomai emautou oude hōs epeidan heni tis prosthē hen, ē to hen hō prosetethē dyo gegonen, ē to prostethen, ē to prostethen kai hō prosetethē dia tēn prosthesin tou heterou tō heterō dyo egeneto thaumazō gar ei hote men hekateron autōn chōris allēlōn ēn, hen ara hekateron ēn kai ouk ēstēn tote dyo, epei d’ eplēsiasan allēlois, hautē ara aitia autois egeneto tou dyo genesthai, hē synodos tou plēsion allēlōn tethēnai. oude ge hōs ean tis hen diaschisē, dynamai eti peithesthai hōs hautē au aitia gegonen, hē schisis, tou dyo gegonenai enantia gar gignetai ē tote aitia tou dyo gignesthai. tote men gar hoti synēgeto plēsion allēlōn kai prosetitheto heteron heterō, nyn d’ hoti apagetai kai chōrizetai heteron aph’ heterou. oude ge di’ hoti hen gignetai hōs epistamai, eti peithō emauton, oud’ allo ouden heni logō di’ hoti gignetai ē apollytai ē esti, kata touton ton tropon tēs methodou, alla tin’ allon tropon autos eikē phyrō, touton de oudamē prosiemai. all’ akousas men pote ek bibliou tinos, hōs ephē, Anaxagorou anagignōskontos, kai legontos hōs ara nous estin ho diakosmōn te kai pantōn aitios, tautē dē tē aitia hēsthēn te kai edoxe moi tropon tina eu echein to ton noun einai pantōn aition, kai hēgēsamēn, ei touth’ houtōs echei, ton ge noun kosmounta panta kosmein kai hekaston tithenai tautē hopē an beltista echē ei oun tis bouloito tēn aitian heurein peri hekastou hopē gignetai ē apollytai ē esti, touto dein peri autou heurein, hopē beltiston autō estin ē einai ē allo hotioun paschein ē poiein ek de dē tou logou toutoy ouden allo skopein prosēkein anthrōpō kai peri autou ekeinou kai peri tōn allōn all ē to ariston kai to beltiston. anankaion de einai ton auton touton kai to cheiron eidenai
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 97 part 1; transliteration: greek-transliteration (build)