Languages

Work 3 · Passage 88

Work 3 · Passage 88

Plato

Greek

ΦΑΙΔ. οὐδὲ σὺ ἄρ’ ἂν ἀποδέχοιο εἴ τίς τινα φαίη ἕτερον ἑτέρου τῇ κεφαλῇ μείζω εἶναι, καὶ τὸν ἐλάττω τῷ αὐτῷ τούτῳ ἐλάττω, ἀλλὰ διαμαρτύροιο ἂν ὅτι σὺ μὲν οὐδὲν ἄλλο λέγεις ἢ ὅτι τὸ μεῖζον πᾶν ἕτερον ἑτέρου οὐδενὶ ἄλλῳ μεῖζόν ἐστιν ἢ μεγέθει, καὶ διὰ τοῦτο μεῖζον, διὰ τὸ μέγεθος, τὸ δὲ ἔλαττον οὐδενὶ ἄλλῳ ἔλαττον ἢ σμικρότητι, καὶ διὰ τοῦτο ἔλαττον, διὰ τὴν σμικρότητα, φοβούμενος οἶμαι μή τίς σοι ἐναντίος λόγος ἀπαντήσῃ, ἐὰν τῇ κεφαλῇ μείζονά τινα φῇς εἶναι καὶ ἐλάττω, πρῶτον μὲν τῷ αὐτῷ τὸ μεῖζον μεῖζον εἶναι καὶ τὸ ἔλαττον ἔλαττον, ἔπειτα τῇ κεφαλῇ σμικρᾷ οὔσῃ τὸν μείζω μείζω εἶναι, καὶ τοῦτο δὴ τέρας εἶναι, τὸ σμικρῷ τινι μέγαν τινὰ εἶναι· ἢ οὐκ ἂν φοβοῖο ταῦτα; καὶ ὁ Κέβης γελάσας, ἔγωγε, ἔφη. οὐκοῦν, ἦ δ’ ὅς, τὰ δέκα τῶν ὀκτὼ δυοῖν πλείω εἶναι, καὶ διὰ ταύτην τὴν αἰτίαν ὑπερβάλλειν, φοβοῖο ἂν λέγειν, ἀλλὰ μὴ πλήθει καὶ διὰ τὸ πλῆθος; καὶ τὸ δίπηχυ τοῦ πηχυαίου ἡμίσει μεῖζον εἶναι ἀλλ’ οὐ μεγέθει; ὁ αὐτὸς γάρ που φόβος. πάνυ γ᾽, ἔφη. τί δέ; ἑνὶ ἑνὸς προστεθέντος τὴν πρόσθεσιν αἰτίαν εἶναι τοῦ δύο γενέσθαι ἢ διασχισθέντος τὴν σχίσιν οὐκ εὐλαβοῖο ἂν λέγειν; καὶ μέγα ἂν βοῴης ὅτι οὐκ οἶσθα ἄλλως πως ἕκαστον γιγνόμενον ἢ μετασχὸν τῆς ἰδίας οὐσίας ἑκάστου οὗ ἂν μετάσχῃ, καὶ ἐν τούτοις οὐκ ἔχεις ἄλλην τινὰ αἰτίαν τοῦ δύο γενέσθαι ἀλλ’ ἢ τὴν τῆς δυάδος μετάσχεσιν, καὶ δεῖν τούτου μετασχεῖν τὰ μέλλοντα δύο ἔσεσθαι, καὶ μονάδος ὃ ἂν μέλλῃ ἓν ἔσεσθαι, τὰς δὲ σχίσεις ταύτας καὶ προσθέσεις καὶ τὰς ἄλλας τὰς τοιαύτας κομψείας ἐῴης ἂν χαίρειν, παρεὶς ἀποκρίνασθαι τοῖς σεαυτοῦ σοφωτέροις· σὺ δὲ δεδιὼς ἄν, τὸ λεγόμενον, τὴν σαυτοῦ σκιὰν καὶ τὴν ἀπειρίαν, ἐχόμενος ἐκείνου τοῦ ἀσφαλοῦς τῆς ὑποθέσεως, οὕτως ἀποκρίναιο ἄν. εἰ δέ τις αὐτῆς τῆς ὑποθέσεως ἔχοιτο, χαίρειν ἐῴης ἂν καὶ οὐκ ἀποκρίναιο ἕως ἂν τὰ ἀπ’ ἐκείνης ὁρμηθέντα σκέψαιο εἴ σοι ἀλλήλοις συμφωνεῖ ἢ διαφωνεῖ

Transliteration

PHAID. oude sy ar’ an apodechoio ei tis tina phaiē heteron heterou tē kephalē meizō einai, kai ton elattō tō autō toutō elattō, alla diamartyroio an hoti sy men ouden allo legeis ē hoti to meizon pan heteron heterou oudeni allō meizon estin ē megethei, kai dia touto meizon, dia to megethos, to de elatton oudeni allō elatton ē smikrotēti, kai dia touto elatton, dia tēn smikrotēta, phoboumenos oimai mē tis soi enantios logos apantēsē, ean tē kephalē meizona tina phēs einai kai elattō, prōton men tō autō to meizon meizon einai kai to elatton elatton, epeita tē kephalē smikra ousē ton meizō meizō einai, kai touto dē teras einai, to smikrō tini megan tina einai ē ouk an phoboio tauta; kai ho Kebēs gelasas, egōge, ephē. oukoyn, ē d’ hos, ta deka tōn oktō dyoin pleiō einai, kai dia tautēn tēn aitian hyperballein, phoboio an legein, alla mē plēthei kai dia to plēthos; kai to dipēchy tou pēchyaiou hēmisei meizon einai all’ ou megethei; ho autos gar pou phobos. pany g , ephē. ti de; heni henos prostethentos tēn prosthesin aitian einai tou dyo genesthai ē diaschisthentos tēn schisin ouk eulaboio an legein; kai mega an boōēs hoti ouk oistha allōs pōs hekaston gignomenon ē metaschon tēs idias ousias hekastou hou an metaschē, kai en toutois ouk echeis allēn tina aitian tou dyo genesthai all’ ē tēn tēs dyados metaschesin, kai dein toutoy metaschein ta mellonta dyo esesthai, kai monados ho an mellē hen esesthai, tas de schiseis tautas kai prostheseis kai tas allas tas toiautas kompseias eōēs an chairein, pareis apokrinasthai tois seautou sophōterois sy de dediōs an, to legomenon, tēn sautou skian kai tēn apeirian, echomenos ekeinou tou asphalous tēs hypotheseōs, houtōs apokrinaio an. ei de tis autēs tēs hypotheseōs echoito, chairein eōēs an kai ouk apokrinaio heōs an ta ap’ ekeinēs hormēthenta skepsaio ei soi allēlois symphōnei ē diaphōnei

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 101 part 1; transliteration: greek-transliteration (build)

Share X Facebook