Work 4 · Passage 15
Plato
Greek
ΣΩ. τί δέ; καὶ ταύτῃ δεῖ ὑπʼ ἐμοῦ τε καὶ σοῦ τὸν λόγον ἐπαινεθῆναι, ὡς τὰ δέοντα εἰρηκότος τοῦ ποιητοῦ, ἀλλʼ οὐκ ἐκείνῃ μόνον, ὅτι σαφῆ καὶ στρογγύλα, καὶ ἀκριβῶς ἕκαστα τῶν ὀνομάτων ἀποτετόρνευται; εἰ γὰρ δεῖ, συγχωρητέον χάριν σήν, ἐπεὶ ἐμέ γε ἔλαθεν ὑπὸ τῆς ἐμῆς οὐδενίας· τῷ γὰρ ῥητορικῷ αὐτοῦ μόνῳ τὸν νοῦν προσεῖχον, τοῦτο δὲ οὐδʼ ἂν αὐτὸν ᾤμην Λυσίαν οἴεσθαι ἱκανὸν εἶναι. καὶ οὖν μοι ἔδοξεν, ὦ Φαῖδρε, εἰ μή τι σὺ ἄλλο λέγεις, δὶς καὶ τρὶς τὰ αὐτὰ εἰρηκέναι, ὡς οὐ πάνυ εὐπορῶν τοῦ πολλὰ λέγειν περὶ τοῦ αὐτοῦ, ἢ ἴσως οὐδὲν αὐτῷ μέλον τοῦ τοιούτου· καὶ ἐφαίνετο δή μοι νεανιεύεσθαι ἐπιδεικνύμενος ὡς οἷός τε ὢν ταὐτὰ ἑτέρως τε καὶ ἑτέρως λέγων ἀμφοτέρως εἰπεῖν ἄριστα. ΦΑΙ. οὐδὲν λέγεις, ὦ Σώκρατες· αὐτὸ γὰρ τοῦτο καὶ μάλιστα ὁ λόγος ἔχει. τῶν γὰρ ἐνόντων ἀξίως ῥηθῆναι ἐν τῷ πράγματι οὐδὲν παραλέλοιπεν, ὥστε παρὰ τὰ ἐκείνῳ εἰρημένα μηδένʼ ἄν ποτε δύνασθαι εἰπεῖν ἄλλα πλείω καὶ πλείονος ἄξια. ΣΩ. τοῦτο ἐγώ σοι οὐκέτι οἷός τʼ ἔσομαι πιθέσθαι· παλαιοὶ γὰρ καὶ σοφοὶ ἄνδρες τε καὶ γυναῖκες περὶ αὐτῶν εἰρηκότες καὶ γεγραφότες ἐξελέγξουσί με, ἐάν σοι χαριζόμενος συγχωρῶ. ΦΑΙ. τίνες οὗτοι; καὶ ποῦ σὺ βελτίω τούτων ἀκήκοας; ΣΩ. νῦν μὲν οὕτως οὐκ ἔχω εἰπεῖν· δῆλον δὲ ὅτι τινῶν ἀκήκοα, ἤ που Σαπφοῦς τῆς καλῆς ἢ Ἀνακρέοντος τοῦ σοφοῦ ἢ καὶ συγγραφέων τινῶν. πόθεν δὴ τεκμαιρόμενος λέγω; πλῆρές πως, ὦ δαιμόνιε, τὸ στῆθος ἔχων αἰσθάνομαι παρὰ ταῦτα ἂν ἔχειν εἰπεῖν ἕτερα μὴ χείρω. ὅτι μὲν οὖν παρά γε ἐμαυτοῦ οὐδὲν αὐτῶν ἐννενόηκα, εὖ οἶδα, συνειδὼς ἐμαυτῷ ἀμαθίαν· λείπεται δὴ οἶμαι ἐξ ἀλλοτρίων ποθὲν ναμάτων διὰ τῆς ἀκοῆς πεπληρῶσθαί με δίκην ἀγγείου. ὑπὸ δὲ νωθείας αὖ καὶ αὐτὸ τοῦτο ἐπιλέλησμαι, ὅπως τε καὶ ὧντινων ἤκουσα. ΦΑΙ. ἀλλʼ, ὦ γενναιότατε, κάλλιστα εἴρηκας. σὺ γὰρ ἐμοὶ ὧντινων μὲν καὶ ὅπως ἤκουσας μηδʼ ἂν κελεύω εἴπῃς, τοῦτο δὲ αὐτὸ ὃ λέγεις ποίησον
Transliteration
SŌ. ti de; kai tautē dei hypʼ emou te kai sou ton logon epainethēnai, hōs ta deonta eirēkotos tou poiētou, allʼ ouk ekeinē monon, hoti saphē kai strongyla, kai akribōs hekasta tōn onomatōn apotetorneutai; ei gar dei, synchōrēteon charin sēn, epei eme ge elathen hypo tēs emēs oudenias tō gar rhētorikō autou monō ton noun proseichon, touto de oudʼ an auton ōmēn Lysian oiesthai hikanon einai. kai oun moi edoxen, ō PHaidre, ei mē ti sy allo legeis, dis kai tris ta auta eirēkenai, hōs ou pany euporōn tou polla legein peri tou autou, ē isōs ouden autō melon tou toioutoy kai ephaineto dē moi neanieuesthai epideiknymenos hōs hoios te ōn tauta heterōs te kai heterōs legōn amphoterōs eipein arista. PHAI. ouden legeis, ō Sōkrates auto gar touto kai malista ho logos echei. tōn gar enontōn axiōs rhēthēnai en tō pragmati ouden paraleloipen, hōste para ta ekeinō eirēmena mēdenʼ an pote dynasthai eipein alla pleiō kai pleionos axia. SŌ. touto egō soi ouketi hoios tʼ esomai pithesthai palaioi gar kai sophoi andres te kai gynaikes peri autōn eirēkotes kai gegraphotes exelenxousi me, ean soi charizomenos synchōrō. PHAI. tines houtoi; kai pou sy beltiō toutōn akēkoas; SŌ. nyn men houtōs ouk echō eipein dēlon de hoti tinōn akēkoa, ē pou Sapphous tēs kalēs ē Anakreontos tou sophou ē kai syngrapheōn tinōn. pothen dē tekmairomenos legō; plēres pōs, ō daimonie, to stēthos echōn aisthanomai para tauta an echein eipein hetera mē cheirō. hoti men oun para ge emautou ouden autōn ennenoēka, eu oida, syneidōs emautō amathian leipetai dē oimai ex allotriōn pothen namatōn dia tēs akoēs peplērōsthai me dikēn angeiou. hypo de nōtheias au kai auto touto epilelēsmai, hopōs te kai hōntinōn ēkousa. PHAI. allʼ, ō gennaiotate, kallista eirēkas. sy gar emoi hōntinōn men kai hopōs ēkousas mēdʼ an keleuō eipēs, touto de auto ho legeis poiēson
Translation coming soon for this language.
Source edition (provenance)
perseus:tlg0059.tlg012.perseus-grc2; plato:phaedrus; section 235 part 1; transliteration: greek-transliteration (build)