Work 4 · Passage 17
Plato
Greek
ΣΩ. φίλτατος εἶ καὶ ὡς ἀληθῶς χρυσοῦς, ὦ Φαῖδρε, εἴ με οἴει λέγειν ὡς Λυσίας τοῦ παντὸς ἡμάρτηκεν, καὶ οἷόν τε δὴ παρὰ πάντα ταῦτα ἄλλα εἰπεῖν· τοῦτο δὲ οἶμαι οὐδʼ ἂν τὸν φαυλότατον παθεῖν συγγραφέα. αὐτίκα περὶ οὗ ὁ λόγος, τίνα οἴει λέγοντα ὡς χρὴ μὴ ἐρῶντι μᾶλλον ἢ ἐρῶντι χαρίζεσθαι, παρέντα τοῦ μὲν τὸ φρόνιμον ἐγκωμιάζειν, τοῦ δὲ τὸ ἄφρον ψέγειν, ἀναγκαῖα γοῦν ὄντα, εἶτʼ ἄλλʼ ἄττα ἕξειν λέγειν; ἀλλʼ οἶμαι τὰ μὲν τοιαῦτα ἐατέα καὶ συγγνωστέα λέγοντι· καὶ τῶν μὲν τοιούτων οὐ τὴν εὕρεσιν ἀλλὰ τὴν διάθεσιν ἐπαινετέον, τῶν δὲ μὴ ἀναγκαίων τε καὶ χαλεπῶν εὑρεῖν πρὸς τῇ διαθέσει καὶ τὴν εὕρεσιν. ΦΑΙ. συγχωρῶ ὃ λέγεις· μετρίως γάρ μοι δοκεῖς εἰρηκέναι. ποιήσω οὖν καὶ ἐγὼ οὕτως· τὸ μὲν τὸν ἐρῶντα τοῦ μὴ ἐρῶντος μᾶλλον νοσεῖν δώσω σοι ὑποτίθεσθαι, τῶν δὲ λοιπῶν ἕτερα πλείω καὶ πλείονος ἄξια εἰπὼν τῶνδε παρὰ τὸ Κυψελιδῶν ἀνάθημα σφυρήλατος ἐν Ὀλυμπίᾳ στάθητι. ΣΩ. ἐσπούδακας, ὦ Φαῖδρε, ὅτι σου τῶν παιδικῶν ἐπελαβόμην ἐρεσχηλῶν σε, καὶ οἴει δή με ὡς ἀληθῶς ἐπιχειρήσειν εἰπεῖν παρὰ τὴν ἐκείνου σοφίαν ἕτερόν τι ποικιλώτερον; ΦΑΙ. περὶ μὲν τούτου, ὦ φίλε, εἰς τὰς ὁμοίας λαβὰς ἐλήλυθας. ῥητέον μὲν γάρ σοι παντὸς μᾶλλον οὕτως ὅπως οἷός τε εἶ, ἵνα μὴ τὸ τῶν κωμῳδῶν φορτικὸν πρᾶγμα ἀναγκαζώμεθα ποιεῖν ἀνταποδιδόντες ἀλλήλοις , καὶ μὴ βούλου με ἀναγκάσαι λέγειν ἐκεῖνο τὸ εἰ ἐγώ, ὦ Σώκρατες, Σωκράτην ἀγνοῶ, καὶ ἐμαυτοῦ ἐπιλέλησμαι, καὶ ὅτι ἐπεθύμει μὲν λέγειν, ἐθρύπτετο δέ· ἀλλὰ διανοήθητι ὅτι ἐντεῦθεν οὐκ ἄπιμεν πρὶν ἂν σὺ εἴπῃς ἃ ἔφησθα ἐν τῷ στήθει ἔχειν. ἐσμὲν δὲ μόνω ἐν ἐρημίᾳ, ἰσχυρότερος δʼ ἐγὼ καὶ νεώτερος, ἐκ δὲ ἁπάντων τούτων σύνες ὅ τοι λέγω, καὶ μηδαμῶς πρὸς βίαν βουληθῇς μᾶλλον ἢ ἑκὼν λέγειν. ΣΩ. ἀλλʼ, ὦ μακάριε Φαῖδρε, γελοῖος ἔσομαι παρʼ ἀγαθὸν ποιητὴν ἰδιώτης αὐτοσχεδιάζων περὶ τῶν αὐτῶν. ΦΑΙ. οἶσθʼ ὡς ἔχει; παῦσαι πρός με καλλωπιζόμενος
Transliteration
SŌ. philtatos ei kai hōs alēthōs chrysous, ō PHaidre, ei me oiei legein hōs Lysias tou pantos hēmartēken, kai hoion te dē para panta tauta alla eipein touto de oimai oudʼ an ton phaulotaton pathein syngraphea. autika peri hou ho logos, tina oiei legonta hōs chrē mē erōnti mallon ē erōnti charizesthai, parenta tou men to phronimon enkōmiazein, tou de to aphron psegein, anankaia goun onta, eitʼ allʼ atta hexein legein; allʼ oimai ta men toiauta eatea kai syngnōstea legonti kai tōn men toioutōn ou tēn heuresin alla tēn diathesin epaineteon, tōn de mē anankaiōn te kai chalepōn heurein pros tē diathesei kai tēn heuresin. PHAI. synchōrō ho legeis metriōs gar moi dokeis eirēkenai. poiēsō oun kai egō houtōs to men ton erōnta tou mē erōntos mallon nosein dōsō soi hypotithesthai, tōn de loipōn hetera pleiō kai pleionos axia eipōn tōnde para to Kypselidōn anathēma sphyrēlatos en Olympia stathēti. SŌ. espoudakas, ō PHaidre, hoti sou tōn paidikōn epelabomēn ereschēlōn se, kai oiei dē me hōs alēthōs epicheirēsein eipein para tēn ekeinou sophian heteron ti poikilōteron; PHAI. peri men toutoy, ō phile, eis tas homoias labas elēlythas. rhēteon men gar soi pantos mallon houtōs hopōs hoios te ei, hina mē to tōn kōmōdōn phortikon pragma anankazōmetha poiein antapodidontes allēlois , kai mē bouloy me anankasai legein ekeino to ei egō, ō Sōkrates, Sōkratēn agnoō, kai emautou epilelēsmai, kai hoti epethymei men legein, ethrypteto de alla dianoēthēti hoti enteuthen ouk apimen prin an sy eipēs ha ephēstha en tō stēthei echein. esmen de monō en erēmia, ischyroteros dʼ egō kai neōteros, ek de hapantōn toutōn synes ho toi legō, kai mēdamōs pros bian boulēthēs mallon ē hekōn legein. SŌ. allʼ, ō makarie PHaidre, geloios esomai parʼ agathon poiētēn idiōtēs autoschediazōn peri tōn autōn. PHAI. oisthʼ hōs echei; pausai pros me kallōpizomenos
Translation coming soon for this language.
Source edition (provenance)
perseus:tlg0059.tlg012.perseus-grc2; plato:phaedrus; section 236 part 1; transliteration: greek-transliteration (build)