Languages

Work 4 · Passage 30

Work 4 · Passage 30

Plato

Greek

ΣΩ. οὑτωσὶ τοίνυν, ὦ παῖ καλέ, ἐννόησον, ὡς ὁ μὲν πρότερος ἦν λόγος Φαίδρου τοῦ Πυθοκλέους, Μυρρινουσίου ἀνδρός· ὃν δὲ μέλλω λέγειν, Στησιχόρου τοῦ Εὐφήμου, Ἱμεραίου. λεκτέος δὲ ὧδε, ὅτι οὐκ ἔστʼ ἔτυμος λόγος ὃς ἂν παρόντος ἐραστοῦ τῷ μὴ ἐρῶντι μᾶλλον φῇ δεῖν χαρίζεσθαι, διότι δὴ ὁ μὲν μαίνεται, ὁ δὲ σωφρονεῖ. εἰ μὲν γὰρ ἦν ἁπλοῦν τὸ μανίαν κακὸν εἶναι, καλῶς ἂν ἐλέγετο· νῦν δὲ τὰ μέγιστα τῶν ἀγαθῶν ἡμῖν γίγνεται διὰ μανίας, θείᾳ μέντοι δόσει διδομένης. ἥ τε γὰρ δὴ ἐν Δελφοῖς προφῆτις αἵ τʼ ἐν Δωδώνῃ ἱέρειαι μανεῖσαι μὲν πολλὰ δὴ καὶ καλὰ ἰδίᾳ τε καὶ δημοσίᾳ τὴν Ἑλλάδα ἠργάσαντο, σωφρονοῦσαι δὲ βραχέα ἢ οὐδέν· καὶ ἐὰν δὴ λέγωμεν Σίβυλλάν τε καὶ ἄλλους, ὅσοι μαντικῇ χρώμενοι ἐνθέῳ πολλὰ δὴ πολλοῖς προλέγοντες εἰς τὸ μέλλον ὤρθωσαν, μηκύνοιμεν ἂν δῆλα παντὶ λέγοντες. τόδε μὴν ἄξιον ἐπιμαρτύρασθαι, ὅτι καὶ τῶν παλαιῶν οἱ τὰ ὀνόματα τιθέμενοι οὐκ αἰσχρὸν ἡγοῦντο οὐδὲ ὄνειδος μανίαν· οὐ γὰρ ἂν τῇ καλλίστῃ τέχνῃ, ᾗ τὸ μέλλον κρίνεται, αὐτὸ τοῦτο τοὔνομα ἐμπλέκοντες μανικὴν ἐκάλεσαν. ἀλλʼ ὡς καλοῦ ὄντος, ὅταν θείᾳ μοίρᾳ γίγνηται, οὕτω νομίσαντες ἔθεντο, οἱ δὲ νῦν ἀπειροκάλως τὸ ταῦ ἐπεμβάλλοντες μαντικὴν ἐκάλεσαν. ἐπεὶ καὶ τήν γε τῶν ἐμφρόνων, ζήτησιν τοῦ μέλλοντος διά τε ὀρνίθων ποιουμένων καὶ τῶν ἄλλων σημείων, ἅτʼ ἐκ διανοίας ποριζομένων ἀνθρωπίνῃ οἰήσει νοῦν τε καὶ ἱστορίαν, οἰονοϊστικὴν ἐπωνόμασαν, ἣν νῦν οἰωνιστικὴν τῷ ω σεμνύνοντες οἱ νέοι καλοῦσιν

Transliteration

SŌ. houtōsi toinyn, ō pai kale, ennoēson, hōs ho men proteros ēn logos PHaidrou tou Pythokleous, Myrrhinousioy andros hon de mellō legein, Stēsichorou tou Eyphēmou, hImeraiou. lekteos de hōde, hoti ouk estʼ etymos logos hos an parontos erastou tō mē erōnti mallon phē dein charizesthai, dioti dē ho men mainetai, ho de sōphronei. ei men gar ēn haploun to manian kakon einai, kalōs an elegeto nyn de ta megista tōn agathōn hēmin gignetai dia manias, theia mentoi dosei didomenēs. hē te gar dē en Delphois prophētis hai tʼ en Dōdōnē hiereiai maneisai men polla dē kai kala idia te kai dēmosia tēn hEllada ērgasanto, sōphronousai de brachea ē ouden kai ean dē legōmen Sibyllan te kai allous, hosoi mantikē chrōmenoi entheō polla dē pollois prolegontes eis to mellon ōrthōsan, mēkynoimen an dēla panti legontes. tode mēn axion epimartyrasthai, hoti kai tōn palaiōn hoi ta onomata tithemenoi ouk aischron hēgounto oude oneidos manian ou gar an tē kallistē technē, hē to mellon krinetai, auto touto tounoma emplekontes manikēn ekalesan. allʼ hōs kalou ontos, hotan theia moira gignētai, houtō nomisantes ethento, hoi de nyn apeirokalōs to tau epemballontes mantikēn ekalesan. epei kai tēn ge tōn emphronōn, zētēsin tou mellontos dia te ornithōn poioumenōn kai tōn allōn sēmeiōn, hatʼ ek dianoias porizomenōn anthrōpinē oiēsei noun te kai historian, oionoistikēn epōnomasan, hēn nyn oiōnistikēn tō ō semnynontes hoi neoi kalousin

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 244 part 1; transliteration: greek-transliteration (build)

Share X Facebook