Languages

Work 4 · Passage 49

Work 4 · Passage 49

Plato

Greek

ΣΩ. ὅταν δʼ οὖν ὁ ἡνίοχος ἰδὼν τὸ ἐρωτικὸν ὄμμα, πᾶσαν αἰσθήσει διαθερμήνας τὴν ψυχήν, γαργαλισμοῦ τε καὶ πόθου κέντρων ὑποπλησθῇ, ὁ μὲν εὐπειθὴς τῷ ἡνιόχῳ τῶν ἵππων, ἀεί τε καὶ τότε αἰδοῖ βιαζόμενος, ἑαυτὸν κατέχει μὴ ἐπιπηδᾶν τῷ ἐρωμένῳ· ὁ δὲ οὔτε κέντρων ἡνιοχικῶν οὔτε μάστιγος ἔτι ἐντρέπεται, σκιρτῶν δὲ βίᾳ φέρεται, καὶ πάντα πράγματα παρέχων τῷ σύζυγί τε καὶ ἡνιόχῳ ἀναγκάζει ἰέναι τε πρὸς τὰ παιδικὰ καὶ μνείαν ποιεῖσθαι τῆς τῶν ἀφροδισίων χάριτος. τὼ δὲ κατʼ ἀρχὰς μὲν ἀντιτείνετον ἀγανακτοῦντε, ὡς δεινὰ καὶ παράνομα ἀναγκαζομένω· τελευτῶντε δέ, ὅταν μηδὲν ᾖ πέρας κακοῦ, πορεύεσθον ἀγομένω, εἴξαντε καὶ ὁμολογήσαντε ποιήσειν τὸ κελευόμενον. καὶ πρὸς αὐτῷ τʼ ἐγένοντο καὶ εἶδον τὴν ὄψιν τὴν τῶν παιδικῶν ἀστράπτουσαν. ἰδόντος δὲ τοῦ ἡνιόχου ἡ μνήμη πρὸς τὴν τοῦ κάλλους φύσιν ἠνέχθη, καὶ πάλιν εἶδεν αὐτὴν μετὰ σωφροσύνης ἐν ἁγνῷ βάθρῳ βεβῶσαν· ἰδοῦσα δὲ ἔδεισέ τε καὶ σεφθεῖσα ἀνέπεσεν ὑπτία, καὶ ἅμα ἠναγκάσθη εἰς τοὐπίσω ἑλκύσαι τὰς ἡνίας οὕτω σφόδρα, ὥστʼ ἐπὶ τὰ ἰσχία ἄμφω καθίσαι τὼ ἵππω, τὸν μὲν ἑκόντα διὰ τὸ μὴ ἀντιτείνειν, τὸν δὲ ὑβριστὴν μάλʼ ἄκοντα. ἀπελθόντε δὲ ἀπωτέρω, ὁ μὲν ὑπʼ αἰσχύνης τε καὶ θάμβους ἱδρῶτι πᾶσαν ἔβρεξε τὴν ψυχήν, ὁ δὲ λήξας τῆς ὀδύνης, ἣν ὑπὸ τοῦ χαλινοῦ τε ἔσχεν καὶ τοῦ πτώματος, μόγις ἐξαναπνεύσας ἐλοιδόρησεν ὀργῇ, πολλὰ κακίζων τόν τε ἡνίοχον καὶ τὸν ὁμόζυγα ὡς δειλίᾳ τε καὶ ἀνανδρίᾳ λιπόντε τὴν τάξιν καὶ ὁμολογίαν· καὶ πάλιν οὐκ ἐθέλοντας προσιέναι ἀναγκάζων μόγις συνεχώρησεν δεομένων εἰς αὖθις ὑπερβαλέσθαι. ἐλθόντος δὲ τοῦ συντεθέντος χρόνου ἀμνημονεῖν προσποιουμένω ἀναμιμνῄσκων, βιαζόμενος, χρεμετίζων, ἕλκων ἠνάγκασεν αὖ προσελθεῖν τοῖς παιδικοῖς ἐπὶ τοὺς αὐτοὺς λόγους, καὶ ἐπειδὴ ἐγγὺς ἦσαν, ἐγκύψας καὶ ἐκτείνας τὴν κέρκον, ἐνδακὼν τὸν χαλινόν, μετʼ ἀναιδείας ἕλκει

Transliteration

SŌ. hotan dʼ oun ho hēniochos idōn to erōtikon omma, pasan aisthēsei diathermēnas tēn psychēn, gargalismou te kai pothou kentrōn hypoplēsthē, ho men eupeithēs tō hēniochō tōn hippōn, aei te kai tote aidoi biazomenos, heauton katechei mē epipēdan tō erōmenō ho de oute kentrōn hēniochikōn oute mastigos eti entrepetai, skirtōn de bia pheretai, kai panta pragmata parechōn tō syzygi te kai hēniochō anankazei ienai te pros ta paidika kai mneian poieisthai tēs tōn aphrodisiōn charitos. tō de katʼ archas men antiteineton aganaktounte, hōs deina kai paranoma anankazomenō teleutōnte de, hotan mēden ē peras kakou, poreuesthon agomenō, eixante kai homologēsante poiēsein to keleuomenon. kai pros autō tʼ egenonto kai eidon tēn opsin tēn tōn paidikōn astraptousan. idontos de tou hēniochou hē mnēmē pros tēn tou kallous physin ēnechthē, kai palin eiden autēn meta sōphrosynēs en hagnō bathrō bebōsan idousa de edeise te kai sephtheisa anepesen hyptia, kai hama ēnankasthē eis toupisō helkysai tas hēnias houtō sphodra, hōstʼ epi ta ischia amphō kathisai tō hippō, ton men hekonta dia to mē antiteinein, ton de hybristēn malʼ akonta. apelthonte de apōterō, ho men hypʼ aischynēs te kai thambous hidrōti pasan ebrexe tēn psychēn, ho de lēxas tēs odynēs, hēn hypo tou chalinou te eschen kai tou ptōmatos, mogis exanapneusas eloidorēsen orgē, polla kakizōn ton te hēniochon kai ton homozyga hōs deilia te kai anandria liponte tēn taxin kai homologian kai palin ouk ethelontas prosienai anankazōn mogis synechōrēsen deomenōn eis authis hyperbalesthai. elthontos de tou syntethentos chronou amnēmonein prospoioumenō anamimnēskōn, biazomenos, chremetizōn, helkōn ēnankasen au proselthein tois paidikois epi tous autous logous, kai epeidē engys ēsan, enkypsas kai ekteinas tēn kerkon, endakōn ton chalinon, metʼ anaideias helkei

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 254 part 1; transliteration: greek-transliteration (build)

Share X Facebook