Work 4 · Passage 5
Plato
Greek
ΣΩ. ἐμοὶ δὲ πρὸς αὐτὰ οὐδαμῶς ἐστι σχολή· τὸ δὲ αἴτιον, ὦ φίλε, τούτου τόδε. οὐ δύναμαί πω κατὰ τὸ Δελφικὸν γράμμα γνῶναι ἐμαυτόν· γελοῖον δή μοι φαίνεται τοῦτο ἔτι ἀγνοοῦντα τὰ ἀλλότρια σκοπεῖν. ὅθεν δὴ χαίρειν ἐάσας ταῦτα, πειθόμενος δὲ τῷ νομιζομένῳ περὶ αὐτῶν, ὃ νυνδὴ ἔλεγον, σκοπῶ οὐ ταῦτα ἀλλʼ ἐμαυτόν, εἴτε τι θηρίον ὂν τυγχάνω Τυφῶνος πολυπλοκώτερον καὶ μᾶλλον ἐπιτεθυμμένον, εἴτε ἡμερώτερόν τε καὶ ἁπλούστερον ζῷον, θείας τινὸς καὶ ἀτύφου μοίρας φύσει μετέχον. ἀτάρ, ὦ ἑταῖρε, μεταξὺ τῶν λόγων, ἆρʼ οὐ τόδε ἦν τὸ δένδρον ἐφʼ ὅπερ ἦγες ἡμᾶς; ΦΑΙ. τοῦτο μὲν οὖν αὐτό. ΣΩ. νὴ τὴν Ἥραν, καλή γε ἡ καταγωγή. ἥ τε γὰρ πλάτανος αὕτη μάλʼ ἀμφιλαφής τε καὶ ὑψηλή, τοῦ τε ἄγνου τὸ ὕψος καὶ τὸ σύσκιον πάγκαλον, καὶ ὡς ἀκμὴν ἔχει τῆς ἄνθης, ὡς ἂν εὐωδέστατον παρέχοι τὸν τόπον· ἥ τε αὖ πηγὴ χαριεστάτη ὑπὸ τῆς πλατάνου ῥεῖ μάλα ψυχροῦ ὕδατος, ὥστε γε τῷ ποδὶ τεκμήρασθαι. Νυμφῶν τέ τινων καὶ Ἀχελῴου ἱερὸν ἀπὸ τῶν κορῶν τε καὶ ἀγαλμάτων ἔοικεν εἶναι. εἰ δʼ αὖ βούλει, τὸ εὔπνουν τοῦ τόπου ὡς ἀγαπητὸν καὶ σφόδρα ἡδύ· θερινόν τε καὶ λιγυρὸν ὑπηχεῖ τῷ τῶν τεττίγων χορῷ. πάντων δὲ κομψότατον τὸ τῆς πόας, ὅτι ἐν ἠρέμα προσάντει ἱκανὴ πέφυκε κατακλινέντι τὴν κεφαλὴν παγκάλως ἔχειν. ὥστε ἄριστά σοι ἐξενάγηται, ὦ φίλε Φαῖδρε. ΦΑΙ. σὺ δέ γε, ὦ θαυμάσιε, ἀτοπώτατός τις φαίνῃ. ἀτεχνῶς γάρ, ὃ λέγεις, ξεναγουμένῳ τινὶ καὶ οὐκ ἐπιχωρίῳ ἔοικας· οὕτως ἐκ τοῦ ἄστεος οὔτʼ εἰς τὴν ὑπερορίαν ἀποδημεῖς, οὔτʼ ἔξω τείχους ἔμοιγε δοκεῖς τὸ παράπαν ἐξιέναι. ΣΩ. συγγίγνωσκέ μοι, ὦ ἄριστε. φιλομαθὴς γάρ εἰμι
Transliteration
SŌ. emoi de pros auta oudamōs esti scholē to de aition, ō phile, toutoy tode. ou dynamai pō kata to Delphikon gramma gnōnai emauton geloion dē moi phainetai touto eti agnoounta ta allotria skopein. hothen dē chairein easas tauta, peithomenos de tō nomizomenō peri autōn, ho nyndē elegon, skopō ou tauta allʼ emauton, eite ti thērion on tynchanō Typhōnos polyplokōteron kai mallon epitethymmenon, eite hēmerōteron te kai haplousteron zōon, theias tinos kai atyphou moiras physei metechon. atar, ō hetaire, metaxy tōn logōn, arʼ ou tode ēn to dendron ephʼ hoper ēges hēmas; PHAI. touto men oun auto. SŌ. nē tēn hĒran, kalē ge hē katagōgē. hē te gar platanos hautē malʼ amphilaphēs te kai hypsēlē, tou te agnou to hypsos kai to syskion pankalon, kai hōs akmēn echei tēs anthēs, hōs an euōdestaton parechoi ton topon hē te au pēgē chariestatē hypo tēs platanou rhei mala psychrou hydatos, hōste ge tō podi tekmērasthai. Nymphōn te tinōn kai Achelōou hieron apo tōn korōn te kai agalmatōn eoiken einai. ei dʼ au boulei, to eupnoun tou topou hōs agapēton kai sphodra hēdy therinon te kai ligyron hypēchei tō tōn tettigōn chorō. pantōn de kompsotaton to tēs poas, hoti en ērema prosantei hikanē pephyke kataklinenti tēn kephalēn pankalōs echein. hōste arista soi exenagētai, ō phile PHaidre. PHAI. sy de ge, ō thaumasie, atopōtatos tis phainē. atechnōs gar, ho legeis, xenagoumenō tini kai ouk epichōriō eoikas houtōs ek tou asteos outʼ eis tēn hyperorian apodēmeis, outʼ exō teichous emoige dokeis to parapan exienai. SŌ. syngignōske moi, ō ariste. philomathēs gar eimi
Translation coming soon for this language.
Source edition (provenance)
perseus:tlg0059.tlg012.perseus-grc2; plato:phaedrus; section 230 part 1; transliteration: greek-transliteration (build)