Languages

Work 4 · Passage 53

Work 4 · Passage 53

Plato

Greek

ΣΩ. ἐν οὖν τῇ συγκοιμήσει τοῦ μὲν ἐραστοῦ ὁ ἀκόλαστος ἵππος ἔχει ὅτι λέγῃ πρὸς τὸν ἡνίοχον, καὶ ἀξιοῖ ἀντὶ πολλῶν πόνων σμικρὰ ἀπολαῦσαι· ὁ δὲ τῶν παιδικῶν ἔχει μὲν οὐδὲν εἰπεῖν, σπαργῶν δὲ καὶ ἀπορῶν περιβάλλει τὸν ἐραστὴν καὶ φιλεῖ, ὡς σφόδρʼ εὔνουν ἀσπαζόμενος, ὅταν τε συγκατακέωνται, οἷός ἐστι μὴ ἂν ἀπαρνηθῆναι τὸ αὑτοῦ μέρος χαρίσασθαι τῷ ἐρῶντι, εἰ δεηθείη τυχεῖν· ὁ δὲ ὁμόζυξ αὖ μετὰ τοῦ ἡνιόχου πρὸς ταῦτα μετʼ αἰδοῦς καὶ λόγου ἀντιτείνει. ἐὰν μὲν δὴ οὖν εἰς τεταγμένην τε δίαιταν καὶ φιλοσοφίαν νικήσῃ τὰ βελτίω τῆς διανοίας ἀγαγόντα, μακάριον μὲν καὶ ὁμονοητικὸν τὸν ἐνθάδε βίον διάγουσιν, ἐγκρατεῖς αὑτῶν καὶ κόσμιοι ὄντες, δουλωσάμενοι μὲν ᾧ κακία ψυχῆς ἐνεγίγνετο, ἐλευθερώσαντες δὲ ᾧ ἀρετή· τελευτήσαντες δὲ δὴ ὑπόπτεροι καὶ ἐλαφροὶ γεγονότες τῶν τριῶν παλαισμάτων τῶν ὡς ἀληθῶς Ὀλυμπιακῶν ἓν νενικήκασιν, οὗ μεῖζον ἀγαθὸν οὔτε σωφροσύνη ἀνθρωπίνη οὔτε θεία μανία δυνατὴ πορίσαι ἀνθρώπῳ. ἐὰν δὲ δὴ διαίτῃ φορτικωτέρᾳ τε καὶ ἀφιλοσόφῳ, φιλοτίμῳ δὲ χρήσωνται, τάχʼ ἄν που ἐν μέθαις ἤ τινι ἄλλῃ ἀμελείᾳ τὼ ἀκολάστω αὐτοῖν ὑποζυγίω λαβόντε τὰς ψυχὰς ἀφρούρους, συναγαγόντε εἰς ταὐτόν, τὴν ὑπὸ τῶν πολλῶν μακαριστὴν αἵρεσιν εἱλέσθην τε καὶ διεπραξάσθην· καὶ διαπραξαμένω τὸ λοιπὸν ἤδη χρῶνται μὲν αὐτῇ, σπανίᾳ δέ, ἅτε οὐ πάσῃ δεδογμένα τῇ διανοίᾳ πράττοντες. φίλω μὲν οὖν καὶ τούτω, ἧττον δὲ ἐκείνων, ἀλλήλοιν διά τε τοῦ ἔρωτος καὶ ἔξω γενομένω διάγουσι, πίστεις τὰς μεγίστας ἡγουμένω ἀλλήλοιν δεδωκέναι τε καὶ δεδέχθαι, ἃς οὐ θεμιτὸν εἶναι λύσαντας εἰς ἔχθραν ποτὲ ἐλθεῖν. ἐν δὲ τῇ τελευτῇ ἄπτεροι μέν, ὡρμηκότες δὲ πτεροῦσθαι ἐκβαίνουσι τοῦ σώματος, ὥστε οὐ σμικρὸν ἆθλον τῆς ἐρωτικῆς μανίας φέρονται

Transliteration

SŌ. en oun tē synkoimēsei tou men erastou ho akolastos hippos echei hoti legē pros ton hēniochon, kai axioi anti pollōn ponōn smikra apolausai ho de tōn paidikōn echei men ouden eipein, spargōn de kai aporōn periballei ton erastēn kai philei, hōs sphodrʼ eunoun aspazomenos, hotan te synkatakeōntai, hoios esti mē an aparnēthēnai to hautou meros charisasthai tō erōnti, ei deētheiē tychein ho de homozyx au meta tou hēniochou pros tauta metʼ aidous kai logou antiteinei. ean men dē oun eis tetagmenēn te diaitan kai philosophian nikēsē ta beltiō tēs dianoias agagonta, makarion men kai homonoētikon ton enthade bion diagousin, enkrateis hautōn kai kosmioi ontes, doulōsamenoi men hō kakia psychēs enegigneto, eleutherōsantes de hō aretē teleutēsantes de dē hypopteroi kai elaphroi gegonotes tōn triōn palaismatōn tōn hōs alēthōs Olympiakōn hen nenikēkasin, hou meizon agathon oute sōphrosynē anthrōpinē oute theia mania dynatē porisai anthrōpō. ean de dē diaitē phortikōtera te kai aphilosophō, philotimō de chrēsōntai, tachʼ an pou en methais ē tini allē ameleia tō akolastō autoin hypozygiō labonte tas psychas aphrouroys, synagagonte eis tauton, tēn hypo tōn pollōn makaristēn hairesin heilesthēn te kai diepraxasthēn kai diapraxamenō to loipon ēdē chrōntai men autē, spania de, hate ou pasē dedogmena tē dianoia prattontes. philō men oun kai toutō, hētton de ekeinōn, allēloin dia te tou erōtos kai exō genomenō diagousi, pisteis tas megistas hēgoumenō allēloin dedōkenai te kai dedechthai, has ou themiton einai lysantas eis echthran pote elthein. en de tē teleutē apteroi men, hōrmēkotes de pterousthai ekbainousi tou sōmatos, hōste ou smikron athlon tēs erōtikēs manias pherontai

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 256 part 1; transliteration: greek-transliteration (build)

Share X Facebook