Work 4 · Passage 55
Plato
Greek
ΣΩ. αὕτη σοι, ὦ φίλε Ἔρως, εἰς ἡμετέραν δύναμιν ὅτι καλλίστη καὶ ἀρίστη δέδοταί τε καὶ ἐκτέτεισται παλινῳδία, τά τε ἄλλα καὶ τοῖς ὀνόμασιν ἠναγκασμένη ποιητικοῖς τισιν διὰ Φαῖδρον εἰρῆσθαι. ἀλλὰ τῶν προτέρων τε συγγνώμην καὶ τῶνδε χάριν ἔχων, εὐμενὴς καὶ ἵλεως τὴν ἐρωτικήν μοι τέχνην ἣν ἔδωκας μήτε ἀφέλῃ μήτε πηρώσῃς διʼ ὀργήν, δίδου τʼ ἔτι μᾶλλον ἢ νῦν παρὰ τοῖς καλοῖς τίμιον εἶναι. ἐν τῷ πρόσθεν δʼ εἴ τι λόγῳ σοι ἀπηχὲς εἴπομεν Φαῖδρός τε καὶ ἐγώ, Λυσίαν τὸν τοῦ λόγου πατέρα αἰτιώμενος παῦε τῶν τοιούτων λόγων, ἐπὶ φιλοσοφίαν δέ, ὥσπερ ἁδελφὸς αὐτοῦ Πολέμαρχος τέτραπται, τρέψον, ἵνα καὶ ὁ ἐραστὴς ὅδε αὐτοῦ μηκέτι ἐπαμφοτερίζῃ καθάπερ νῦν, ἀλλʼ ἁπλῶς πρὸς ἔρωτα μετὰ φιλοσόφων λόγων τὸν βίον ποιῆται. ΦΑΙ. συνεύχομαί σοι, ὦ Σώκρατες, εἴπερ ἄμεινον ταῦθʼ ἡμῖν εἶναι, ταῦτα γίγνεσθαι. τὸν λόγον δέ σου πάλαι θαυμάσας ἔχω, ὅσῳ καλλίω τοῦ προτέρου ἀπηργάσω· ὥστε ὀκνῶ μή μοι ὁ Λυσίας ταπεινὸς φανῇ, ἐὰν ἄρα καὶ ἐθελήσῃ πρὸς αὐτὸν ἄλλον ἀντιπαρατεῖναι. καὶ γάρ τις αὐτόν, ὦ θαυμάσιε, ἔναγχος τῶν πολιτικῶν τοῦτʼ αὐτὸ λοιδορῶν ὠνείδιζε, καὶ διὰ πάσης τῆς λοιδορίας ἐκάλει λογογράφον· τάχʼ οὖν ἂν ὑπὸ φιλοτιμίας ἐπίσχοι ἡμῖν ἂν τοῦ γράφειν. ΣΩ. γελοῖόν γʼ, ὦ νεανία, τὸ δόγμα λέγεις, καὶ τοῦ ἑταίρου συχνὸν διαμαρτάνεις, εἰ αὐτὸν οὕτως ἡγῇ τινα ψοφοδεᾶ. ἴσως δὲ καὶ τὸν λοιδορούμενον αὐτῷ οἴει ὀνειδίζοντα λέγειν ἃ ἔλεγεν. ΦΑΙ. ἐφαίνετο γάρ, ὦ Σώκρατες· καὶ σύνοισθά που καὶ αὐτὸς ὅτι οἱ μέγιστον δυνάμενοί τε καὶ σεμνότατοι ἐν ταῖς πόλεσιν αἰσχύνονται λόγους τε γράφειν καὶ καταλείπειν συγγράμματα ἑαυτῶν, δόξαν φοβούμενοι τοῦ ἔπειτα χρόνου, μὴ σοφισταὶ καλῶνται. ΣΩ. γλυκὺς ἀγκών, ὦ Φαῖδρε, λέληθέν σε ὅτι ἀπὸ τοῦ μακροῦ ἀγκῶνος τοῦ κατὰ Νεῖλον ἐκλήθη
Transliteration
SŌ. hautē soi, ō phile Erōs, eis hēmeteran dynamin hoti kallistē kai aristē dedotai te kai ekteteistai palinōdia, ta te alla kai tois onomasin ēnankasmenē poiētikois tisin dia PHaidron eirēsthai. alla tōn proterōn te syngnōmēn kai tōnde charin echōn, eumenēs kai hileōs tēn erōtikēn moi technēn hēn edōkas mēte aphelē mēte pērōsēs diʼ orgēn, didou tʼ eti mallon ē nyn para tois kalois timion einai. en tō prosthen dʼ ei ti logō soi apēches eipomen PHaidros te kai egō, Lysian ton tou logou patera aitiōmenos paue tōn toioutōn logōn, epi philosophian de, hōsper hadelphos autou Polemarchos tetraptai, trepson, hina kai ho erastēs hode autou mēketi epamphoterizē kathaper nyn, allʼ haplōs pros erōta meta philosophōn logōn ton bion poiētai. PHAI. syneuchomai soi, ō Sōkrates, eiper ameinon tauthʼ hēmin einai, tauta gignesthai. ton logon de sou palai thaumasas echō, hosō kalliō tou proterou apērgasō hōste oknō mē moi ho Lysias tapeinos phanē, ean ara kai ethelēsē pros auton allon antiparateinai. kai gar tis auton, ō thaumasie, enanchos tōn politikōn toutʼ auto loidorōn ōneidize, kai dia pasēs tēs loidorias ekalei logographon tachʼ oun an hypo philotimias epischoi hēmin an tou graphein. SŌ. geloion gʼ, ō neania, to dogma legeis, kai tou hetairou sychnon diamartaneis, ei auton houtōs hēgē tina psophodea. isōs de kai ton loidoroumenon autō oiei oneidizonta legein ha elegen. PHAI. ephaineto gar, ō Sōkrates kai synoistha pou kai autos hoti hoi megiston dynamenoi te kai semnotatoi en tais polesin aischynontai logous te graphein kai kataleipein syngrammata heautōn, doxan phoboumenoi tou epeita chronou, mē sophistai kalōntai. SŌ. glykys ankōn, ō PHaidre, lelēthen se hoti apo tou makrou ankōnos tou kata Neilon eklēthē
Translation coming soon for this language.
Source edition (provenance)
perseus:tlg0059.tlg012.perseus-grc2; plato:phaedrus; section 257 part 1; transliteration: greek-transliteration (build)