Languages

Work 4 · Passage 57

Work 4 · Passage 57

Plato

Greek

ΣΩ. οὐ μανθάνεις ὅτι ἐν ἀρχῇ ἀνδρὸς πολιτικοῦ πρῶτος ὁ ἐπαινέτης γέγραπται. ΦΑΙ. πῶς; ΣΩ. ἔδοξέ πού φησιν τῇ βουλῇ ἢ τῷ δήμῳ ἢ ἀμφοτέροις, καὶ ὃς καὶ ὃς εἶπεν —τὸν αὑτὸν δὴ λέγων μάλα σεμνῶς καὶ ἐγκωμιάζων ὁ συγγραφεύς—ἔπειτα λέγει δὴ μετὰ τοῦτο, ἐπιδεικνύμενος τοῖς ἐπαινέταις τὴν ἑαυτοῦ σοφίαν, ἐνίοτε πάνυ μακρὸν ποιησάμενος σύγγραμμα· ἤ σοι ἄλλο τι φαίνεται τὸ τοιοῦτον ἢ λόγος συγγεγραμμένος; ΦΑΙ. οὐκ ἔμοιγε. ΣΩ. οὐκοῦν ἐὰν μὲν οὗτος ἐμμένῃ, γεγηθὼς ἀπέρχεται ἐκ τοῦ θεάτρου ὁ ποιητής· ἐὰν δὲ ἐξαλειφθῇ καὶ ἄμοιρος γένηται λογογραφίας τε καὶ τοῦ ἄξιος εἶναι συγγράφειν, πενθεῖ αὐτός τε καὶ οἱ ἑταῖροι. ΦΑΙ. καὶ μάλα. ΣΩ. δῆλόν γε ὅτι οὐχ ὡς ὑπερφρονοῦντες τοῦ ἐπιτηδεύματος, ἀλλʼ ὡς τεθαυμακότες. ΦΑΙ. πάνυ μὲν οὖν. ΣΩ. τί δέ; ὅταν ἱκανὸς γένηται ῥήτωρ ἢ βασιλεύς, ὥστε λαβὼν τὴν Λυκούργου ἢ Σόλωνος ἢ Δαρείου δύναμιν ἀθάνατος γενέσθαι λογογράφος ἐν πόλει, ἆρʼ οὐκ ἰσόθεον ἡγεῖται αὐτός τε αὑτὸν ἔτι ζῶν, καὶ οἱ ἔπειτα γιγνόμενοι ταὐτὰ ταῦτα περὶ αὐτοῦ νομίζουσι, θεώμενοι αὐτοῦ τὰ συγγράμματα; ΦΑΙ. καὶ μάλα. ΣΩ. οἴει τινὰ οὖν τῶν τοιούτων, ὅστις καὶ ὁπωστιοῦν δύσνους Λυσίᾳ, ὀνειδίζειν αὐτὸ τοῦτο ὅτι συγγράφει; ΦΑΙ. οὔκουν εἰκός γε ἐξ ὧν σὺ λέγεις

Transliteration

SŌ. ou manthaneis hoti en archē andros politikou prōtos ho epainetēs gegraptai. PHAI. pōs; SŌ. edoxe pou phēsin tē boulē ē tō dēmō ē amphoterois, kai hos kai hos eipen —ton hauton dē legōn mala semnōs kai enkōmiazōn ho syngrapheus—epeita legei dē meta touto, epideiknymenos tois epainetais tēn heautou sophian, eniote pany makron poiēsamenos syngramma ē soi allo ti phainetai to toiouton ē logos syngegrammenos; PHAI. ouk emoige. SŌ. oukoyn ean men houtos emmenē, gegēthōs aperchetai ek tou theatrou ho poiētēs ean de exaleiphthē kai amoiros genētai logographias te kai tou axios einai syngraphein, penthei autos te kai hoi hetairoi. PHAI. kai mala. SŌ. dēlon ge hoti ouch hōs hyperphronountes tou epitēdeumatos, allʼ hōs tethaumakotes. PHAI. pany men oun. SŌ. ti de; hotan hikanos genētai rhētōr ē basileus, hōste labōn tēn Lykourgoy ē Solōnos ē Dareiou dynamin athanatos genesthai logographos en polei, arʼ ouk isotheon hēgeitai autos te hauton eti zōn, kai hoi epeita gignomenoi tauta tauta peri autou nomizousi, theōmenoi autou ta syngrammata; PHAI. kai mala. SŌ. oiei tina oun tōn toioutōn, hostis kai hopōstioun dysnous Lysia, oneidizein auto touto hoti syngraphei; PHAI. oukoyn eikos ge ex hōn sy legeis

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 258 part 1; transliteration: greek-transliteration (build)

Share X Facebook