Languages

Work 4 · Passage 59

Work 4 · Passage 59

Plato

Greek

ΣΩ. σχολὴ μὲν δή, ὡς ἔοικε· καὶ ἅμα μοι δοκοῦσιν ὡς ἐν τῷ πνίγει ὑπὲρ κεφαλῆς ἡμῶν οἱ τέττιγες ᾁδοντες καὶ ἀλλήλοις διαλεγόμενοι καθορᾶν καὶ ἡμᾶς. εἰ οὖν ἴδοιεν καὶ νὼ καθάπερ τοὺς πολλοὺς ἐν μεσημβρίᾳ μὴ διαλεγομένους ἀλλὰ νυστάζοντας καὶ κηλουμένους ὑφʼ αὑτῶν διʼ ἀργίαν τῆς διανοίας, δικαίως ἂν καταγελῷεν, ἡγούμενοι ἀνδράποδʼ ἄττα σφίσιν ἐλθόντα εἰς τὸ καταγώγιον ὥσπερ προβάτια μεσημβριάζοντα περὶ τὴν κρήνην εὕδειν· ἐὰν δὲ ὁρῶσι διαλεγομένους καὶ παραπλέοντάς σφας ὥσπερ Σειρῆνας ἀκηλήτους, ὃ γέρας παρὰ θεῶν ἔχουσιν ἀνθρώποις διδόναι, τάχʼ ἂν δοῖεν ἀγασθέντες. ΦΑΙ. ἔχουσι δὲ δὴ τί τοῦτο; ἀνήκοος γάρ, ὡς ἔοικε, τυγχάνω ὤν. ΣΩ. οὐ μὲν δὴ πρέπει γε φιλόμουσον ἄνδρα τῶν τοιούτων ἀνήκοον εἶναι. λέγεται δʼ ὥς ποτʼ ἦσαν οὗτοι ἄνθρωποι τῶν πρὶν μούσας γεγονέναι, γενομένων δὲ Μουσῶν καὶ φανείσης ᾠδῆς οὕτως ἄρα τινὲς τῶν τότε ἐξεπλάγησαν ὑφʼ ἡδονῆς, ὥστε ᾁδοντες ἠμέλησαν σίτων τε καὶ ποτῶν, καὶ ἔλαθον τελευτήσαντες αὑτούς· ἐξ ὧν τὸ τεττίγων γένος μετʼ ἐκεῖνο φύεται, γέρας τοῦτο παρὰ Μουσῶν λαβόν, μηδὲν τροφῆς δεῖσθαι γενόμενον, ἀλλʼ ἄσιτόν τε καὶ ἄποτον εὐθὺς ᾁδειν, ἕως ἂν τελευτήσῃ, καὶ μετὰ ταῦτα ἐλθὸν παρὰ μούσας ἀπαγγέλλειν τίς τίνα αὐτῶν τιμᾷ τῶν ἐνθάδε. Τερψιχόρᾳ μὲν οὖν τοὺς ἐν τοῖς χοροῖς τετιμηκότας αὐτὴν ἀπαγγέλλοντες ποιοῦσι προσφιλεστέρους, τῇ δὲ Ἐρατοῖ τοὺς ἐν τοῖς ἐρωτικοῖς, καὶ ταῖς ἄλλαις οὕτως, κατὰ τὸ εἶδος ἑκάστης τιμῆς

Transliteration

SŌ. scholē men dē, hōs eoike kai hama moi dokousin hōs en tō pnigei hyper kephalēs hēmōn hoi tettiges hadontes kai allēlois dialegomenoi kathoran kai hēmas. ei oun idoien kai nō kathaper tous pollous en mesēmbria mē dialegomenous alla nystazontas kai kēloumenoys hyphʼ hautōn diʼ argian tēs dianoias, dikaiōs an katagelōen, hēgoumenoi andrapodʼ atta sphisin elthonta eis to katagōgion hōsper probatia mesēmbriazonta peri tēn krēnēn heudein ean de horōsi dialegomenous kai parapleontas sphas hōsper Seirēnas akēlētous, ho geras para theōn echousin anthrōpois didonai, tachʼ an doien agasthentes. PHAI. echousi de dē ti touto; anēkoos gar, hōs eoike, tynchanō ōn. SŌ. ou men dē prepei ge philomouson andra tōn toioutōn anēkoon einai. legetai dʼ hōs potʼ ēsan houtoi anthrōpoi tōn prin mousas gegonenai, genomenōn de Mousōn kai phaneisēs ōdēs houtōs ara tines tōn tote exeplagēsan hyphʼ hēdonēs, hōste hadontes ēmelēsan sitōn te kai potōn, kai elathon teleutēsantes hautous ex hōn to tettigōn genos metʼ ekeino phyetai, geras touto para Mousōn labon, mēden trophēs deisthai genomenon, allʼ asiton te kai apoton euthys hadein, heōs an teleutēsē, kai meta tauta elthon para mousas apangellein tis tina autōn tima tōn enthade. Terpsichora men oun tous en tois chorois tetimēkotas autēn apangellontes poiousi prosphilesterous, tē de Eratoi tous en tois erōtikois, kai tais allais houtōs, kata to eidos hekastēs timēs

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 259 part 1; transliteration: greek-transliteration (build)

Share X Facebook