Work 4 · Passage 67
Plato
Greek
ΦΑΙ. ναί. ΣΩ. ἆρʼ οὖν οὐ παντὶ δῆλον τό γε τοιόνδε, ὡς περὶ μὲν ἔνια τῶν τοιούτων ὁμονοητικῶς ἔχομεν, περὶ δʼ ἔνια στασιωτικῶς; ΦΑΙ. δοκῶ μὲν ὃ λέγεις μανθάνειν, ἔτι δʼ εἰπὲ σαφέστερον. ΣΩ. ὅταν τις ὄνομα εἴπῃ σιδήρου ἢ ἀργύρου, ἆρʼ οὐ τὸ αὐτὸ πάντες διενοήθημεν; ΦΑΙ. καὶ μάλα. ΣΩ. τί δʼ ὅταν δικαίου ἢ ἀγαθοῦ; οὐκ ἄλλος ἄλλῃ φέρεται, καὶ ἀμφισβητοῦμεν ἀλλήλοις τε καὶ ἡμῖν αὐτοῖς; ΦΑΙ. πάνυ μὲν οὖν. ΣΩ. ἐν μὲν ἄρα τοῖς συμφωνοῦμεν, ἐν δὲ τοῖς οὔ. ΦΑΙ. οὕτω. ΣΩ. ποτέρωθι οὖν εὐαπατητότεροί ἐσμεν, καὶ ἡ ῥητορικὴ ἐν ποτέροις μεῖζον δύναται; ΦΑΙ. δῆλον ὅτι ἐν οἷς πλανώμεθα. ΣΩ. οὐκοῦν τὸν μέλλοντα τέχνην ῥητορικὴν μετιέναι πρῶτον μὲν δεῖ ταῦτα ὁδῷ διῃρῆσθαι, καὶ εἰληφέναι τινὰ χαρακτῆρα ἑκατέρου τοῦ εἴδους, ἐν ᾧ τε ἀνάγκη τὸ πλῆθος πλανᾶσθαι καὶ ἐν ᾧ μή. ΦΑΙ. καλὸν γοῦν ἄν, ὦ Σώκρατες, εἶδος εἴη κατανενοηκὼς ὁ τοῦτο λαβών. ΣΩ. ἔπειτά γε οἶμαι πρὸς ἑκάστῳ γιγνόμενον μὴ λανθάνειν ἀλλʼ ὀξέως αἰσθάνεσθαι περὶ οὗ ἂν μέλλῃ ἐρεῖν ποτέρου ὂν τυγχάνει τοῦ γένους. ΦΑΙ. τί μήν; ΣΩ. τί οὖν; τὸν ἔρωτα πότερον φῶμεν εἶναι τῶν ἀμφισβητησίμων ἢ τῶν μή; ΦΑΙ. τῶν ἀμφισβητησίμων δήπου· ἢ οἴει ἄν σοι ἐγχωρῆσαι εἰπεῖν ἃ νυνδὴ εἶπες περὶ αὐτοῦ, ὡς βλάβη τέ ἐστι τῷ ἐρωμένῳ καὶ ἐρῶντι, καὶ αὖθις ὡς μέγιστον ὂν τῶν ἀγαθῶν τυγχάνει; ΣΩ. ἄριστα λέγεις· ἀλλʼ εἰπὲ καὶ τόδε—ἐγὼ γάρ τοι διὰ τὸ ἐνθουσιαστικὸν οὐ πάνυ μέμνημαι—εἰ ὡρισάμην ἔρωτα ἀρχόμενος τοῦ λόγου. ΦΑΙ. νὴ Δία ἀμηχάνως γε ὡς σφόδρα. ΣΩ. φεῦ, ὅσῳ λέγεις τεχνικωτέρας Νύμφας τὰς Ἀχελῴου καὶ Πᾶνα τὸν Ἑρμοῦ Λυσίου τοῦ Κεφάλου πρὸς λόγους εἶναι. ἢ οὐδὲν λέγω, ἀλλὰ καὶ ὁ Λυσίας ἀρχόμενος τοῦ ἐρωτικοῦ ἠνάγκασεν ἡμᾶς ὑπολαβεῖν τὸν ἔρωτα ἕν τι τῶν ὄντων ὃ αὐτὸς ἐβουλήθη, καὶ πρὸς τοῦτο ἤδη συνταξάμενος πάντα τὸν ὕστερον λόγον διεπεράνατο; βούλει πάλιν ἀναγνῶμεν τὴν ἀρχὴν αὐτοῦ; ΦΑΙ. εἰ σοί γε δοκεῖ
Transliteration
PHAI. nai. SŌ. arʼ oun ou panti dēlon to ge toionde, hōs peri men enia tōn toioutōn homonoētikōs echomen, peri dʼ enia stasiōtikōs; PHAI. dokō men ho legeis manthanein, eti dʼ eipe saphesteron. SŌ. hotan tis onoma eipē sidērou ē argyrou, arʼ ou to auto pantes dienoēthēmen; PHAI. kai mala. SŌ. ti dʼ hotan dikaiou ē agathou; ouk allos allē pheretai, kai amphisbētoumen allēlois te kai hēmin autois; PHAI. pany men oun. SŌ. en men ara tois symphōnoumen, en de tois ou. PHAI. houtō. SŌ. poterōthi oun euapatētoteroi esmen, kai hē rhētorikē en poterois meizon dynatai; PHAI. dēlon hoti en hois planōmetha. SŌ. oukoyn ton mellonta technēn rhētorikēn metienai prōton men dei tauta hodō diērēsthai, kai eilēphenai tina charaktēra hekaterou tou eidous, en hō te anankē to plēthos planasthai kai en hō mē. PHAI. kalon goun an, ō Sōkrates, eidos eiē katanenoēkōs ho touto labōn. SŌ. epeita ge oimai pros hekastō gignomenon mē lanthanein allʼ oxeōs aisthanesthai peri hou an mellē erein poterou on tynchanei tou genous. PHAI. ti mēn; SŌ. ti oun; ton erōta poteron phōmen einai tōn amphisbētēsimōn ē tōn mē; PHAI. tōn amphisbētēsimōn dēpou ē oiei an soi enchōrēsai eipein ha nyndē eipes peri autou, hōs blabē te esti tō erōmenō kai erōnti, kai authis hōs megiston on tōn agathōn tynchanei; SŌ. arista legeis allʼ eipe kai tode—egō gar toi dia to enthousiastikon ou pany memnēmai—ei hōrisamēn erōta archomenos tou logou. PHAI. nē Dia amēchanōs ge hōs sphodra. SŌ. pheu, hosō legeis technikōteras Nymphas tas Achelōou kai Pana ton hErmou Lysiou tou Kephalou pros logous einai. ē ouden legō, alla kai ho Lysias archomenos tou erōtikou ēnankasen hēmas hypolabein ton erōta hen ti tōn ontōn ho autos eboulēthē, kai pros touto ēdē syntaxamenos panta ton hysteron logon dieperanato; boulei palin anagnōmen tēn archēn autou; PHAI. ei soi ge dokei
Translation coming soon for this language.
Source edition (provenance)
perseus:tlg0059.tlg012.perseus-grc2; plato:phaedrus; section 263 part 1; transliteration: greek-transliteration (build)