Languages

Work 4 · Passage 69

Work 4 · Passage 69

Plato

Greek

ΦΑΙ. περὶ μὲν τῶν ἐμῶν πραγμάτων ἐπίστασαι, καὶ ὡς νομίζω συμφέρειν ἡμῖν τούτων γενομένων, ἀκήκοας. ἀξιῶ δὲ μὴ διὰ τοῦτο ἀτυχῆσαι ὧν δέομαι, ὅτι οὐκ ἐραστὴς ὢν σοῦ τυγχάνω. ὡς ἐκείνοις μὲν τότε μεταμέλει ὧν ἂν εὖ ποιήσωσιν, ἐπειδὰν τῆς ἐπιθυμίας παύσωνται· — ΣΩ. ἦ πολλοῦ δεῖν ἔοικε ποιεῖν ὅδε γε ὃ ζητοῦμεν, ὃς οὐδὲ ἀπʼ ἀρχῆς ἀλλʼ ἀπὸ τελευτῆς ἐξ ὑπτίας ἀνάπαλιν διανεῖν ἐπιχειρεῖ τὸν λόγον, καὶ ἄρχεται ἀφʼ ὧν πεπαυμένος ἂν ἤδη ὁ ἐραστὴς λέγοι πρὸς τὰ παιδικά. ἢ οὐδὲν εἶπον, Φαῖδρε, φίλη κεφαλή; ΦΑΙ. ἔστιν γέ τοι δή, ὦ Σώκρατες, τελευτή, περὶ οὗ τὸν λόγον ποιεῖται. ΣΩ. τί δὲ τἆλλα; οὐ χύδην δοκεῖ βεβλῆσθαι τὰ τοῦ λόγου; ἢ φαίνεται τὸ δεύτερον εἰρημένον ἔκ τινος ἀνάγκης δεύτερον δεῖν τεθῆναι, ἤ τι ἄλλο τῶν ῥηθέντων; ἐμοὶ μὲν γὰρ ἔδοξεν, ὡς μηδὲν εἰδότι, οὐκ ἀγεννῶς τὸ ἐπιὸν εἰρῆσθαι τῷ γράφοντι· σὺ δʼ ἔχεις τινὰ ἀνάγκην λογογραφικὴν ᾗ ταῦτα ἐκεῖνος οὕτως ἐφεξῆς παρʼ ἄλληλα ἔθηκεν; ΦΑΙ. χρηστὸς εἶ, ὅτι με ἡγῇ ἱκανὸν εἶναι τὰ ἐκείνου οὕτως ἀκριβῶς διιδεῖν. ΣΩ. ἀλλὰ τόδε γε οἶμαί σε φάναι ἄν, δεῖν πάντα λόγον ὥσπερ ζῷον συνεστάναι σῶμά τι ἔχοντα αὐτὸν αὑτοῦ, ὥστε μήτε ἀκέφαλον εἶναι μήτε ἄπουν, ἀλλὰ μέσα τε ἔχειν καὶ ἄκρα, πρέποντα ἀλλήλοις καὶ τῷ ὅλῳ γεγραμμένα. ΦΑΙ. πῶς γὰρ οὔ; ΣΩ. σκέψαι τοίνυν τὸν τοῦ ἑταίρου σου λόγον εἴτε οὕτως εἴτε ἄλλως ἔχει, καὶ εὑρήσεις τοῦ ἐπιγράμματος οὐδὲν διαφέροντα, ὃ Μίδᾳ τῷ Φρυγί φασίν τινες ἐπιγεγράφθαι. ΦΑΙ. ποῖον τοῦτο, καὶ τί πεπονθός

Transliteration

PHAI. peri men tōn emōn pragmatōn epistasai, kai hōs nomizō sympherein hēmin toutōn genomenōn, akēkoas. axiō de mē dia touto atychēsai hōn deomai, hoti ouk erastēs ōn sou tynchanō. hōs ekeinois men tote metamelei hōn an eu poiēsōsin, epeidan tēs epithymias pausōntai — SŌ. ē pollou dein eoike poiein hode ge ho zētoumen, hos oude apʼ archēs allʼ apo teleutēs ex hyptias anapalin dianein epicheirei ton logon, kai archetai aphʼ hōn pepaumenos an ēdē ho erastēs legoi pros ta paidika. ē ouden eipon, PHaidre, philē kephalē; PHAI. estin ge toi dē, ō Sōkrates, teleutē, peri hou ton logon poieitai. SŌ. ti de talla; ou chydēn dokei beblēsthai ta tou logou; ē phainetai to deuteron eirēmenon ek tinos anankēs deuteron dein tethēnai, ē ti allo tōn rhēthentōn; emoi men gar edoxen, hōs mēden eidoti, ouk agennōs to epion eirēsthai tō graphonti sy dʼ echeis tina anankēn logographikēn hē tauta ekeinos houtōs ephexēs parʼ allēla ethēken; PHAI. chrēstos ei, hoti me hēgē hikanon einai ta ekeinou houtōs akribōs diidein. SŌ. alla tode ge oimai se phanai an, dein panta logon hōsper zōon synestanai sōma ti echonta auton hautou, hōste mēte akephalon einai mēte apoun, alla mesa te echein kai akra, preponta allēlois kai tō holō gegrammena. PHAI. pōs gar ou; SŌ. skepsai toinyn ton tou hetairou sou logon eite houtōs eite allōs echei, kai heurēseis tou epigrammatos ouden diapheronta, ho Mida tō PHrygi phasin tines epigegraphthai. PHAI. poion touto, kai ti peponthos

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 264 part 1; transliteration: greek-transliteration (build)

Share X Facebook